لاہور(جیوڈیسک)لاہور لالی وڈ کی نئی فلم ” عشق خدا ” کا میوزک ریلیز کر دیا گیا،فلم میں راحت فتح علی خان،شازیہ منظور اور صنم ماروی نے آوازوں کا جادو جگایا ہے۔عشق خدا ہدایتکار شہزاد رفیق کی نئی پنجابی فلم ہے جس میں شان ، صائمہ ، میرا اور احسن خان کے علاوہ مراکشی فنکارہ وائم دھامی نے اداکاری کے جوہر دکھائے ہیں۔فلم کا میوزک لاہور کے مقامی ہوٹل میں ہونے والی ایک پروقار تقریب میں ریلیز کیا گیا۔
عشق خدا کیلئے نامور موسیقار وجاہت عطرے نے خوبصورت دھنیں کمپوز کی ہیں جبکہ ریاض الرحمان ساغر اور خواجہ پرویز مرحوم نے فلم کے گیت تحریر کئے ہیں۔افتتاحی تقریب میں عشق خدا کے تمام گیت شرکا کو دکھائے گئے۔پنجابی ثقافت کے تمام پہلوں کی عکاس فلم کی عکسبندی ملک کی دلفریب لوکیشنز پر کی گئی ہے۔
فلمی حلقوں کا کہنا ہے کہ عشق خدا میں تصوف اور رومانس کو پہلی بار ایک نئے انداز میں پردہ سکرین پر پیش کیا گیا ہے۔فلم کا میوزک شرکا کی توجہ حاصل کر رہا ہے جبکہ اس کی باکس آفس میں کامیابی سے فلمی صنعت میں نئی فلموں کی تیاری کا عمل زور پکڑ سکتا ہے
ایکشن فلم جی آئی جو ریٹیلی ایشن” نے 13 کروڑ 20 لاکھ ڈالر کما لیے
ہالی ووڈ کی نئی ایکشن تھرلر فلم وائٹ ہاس ڈان کا پہلا ٹریلرجاری