بیلجئیم (جیوڈیسک)ٹور آف فلینڈر سائیکل ریس جیتنے والے سوئٹزرلینڈ کے فیبیان کینسلرا کا شائقین نے بیلجئیم میں شاندار استقبال کیا۔ سوئس سائیکلسٹ نے گزشتہ روز دوسری مرتبہ ٹور آف فلینڈر سائیکل ریس کا ٹائٹل اپنے نام کیا تھا اور پچھلے سال کی تلخ یادوں کو جیت سے ختم کردیا۔
دوہزار بارہ کے سیزن میں کینسلرا ریس کے دوران فنشنگ لائن سے کچھ لمحات قبل حادثے کا شکار ہوگئے تھے جس کے سبب وہ دو ایونٹس میں حصہ بھی نہ لے سکے۔ اس حادثے کے ایک سال بعد سوئس سائیکلسٹ نے غیر معمولی کارکردگی کا مظاہرہ کرتے ہوئے پوڈیم پر پہلی پوزیشن حاصل کی۔
بیلجئیم میں کینسلرا کا شائقین نے شاندار استقبال کیا۔ شائقین ان کی ایک جھلک دیکھنے کے لئے بے تاب دکھائی دیئے۔ سوئس سائیکلسٹ نے مداحوں کو آٹو گراف بھی دیئے اور پرجوش استقبال پر ان کا شکریہ ادا کیا۔
آئی پی ایل کی افتتاحی تقریب آج کولکتہ میں ہو گی
وومن اسکواش چیمپئن شپ زویا خالد نے جیت لی
