بھمبر کی خبریں 03.04.2013
Posted on April 4, 2013 By Tahir Webmaster سٹی نیوز
ایس ایس پی بھمبر کی ہدایت پر ٹریفک پولیس انسپکٹروں نے بدوں کاغذات کے خلاف کاروائی کی
بھمبر(جی پی آئی)DIGٹریفک اور SSPبھمبرکی خصوصی ہدایت پر ٹریفک انسپکٹرکا بدوںکاغذات ،ڈرائیونگ لائسنس اور کم عمر ڈرائیوروں ،اوورلوڈ گاڑیوں کیخلاف کا کریک ڈاؤن 1ماہ کی قلیل مدت میں 1644گاڑیوں کو722050روپے جرمانہ ضلعی ٹریفک انسپکٹر رضوان انجم رانا کی پریس بریفنگ تفصیلات کی مطابق ضلع بھمبرمیں نئے تعینات ہونے والے ٹریفک انسپکٹر رضوان انجم کی رانا کی قیادت میں ماہ مارچ کے دوران کل 1644گاڑیوں کیخلاف مختلف ٹریفک کی خلاف ورزیوں پر کارروائی کرتے ہوئے 722050روپے جرمانہ عائد کیا گیا جن میں اوور لوڈنگ کی مرتکب 181گاڑیوں کیخلاف کارروائی کرتے ہوئے 114300روپے ، کم عمر ڈرائیوروں کیخلاف کارروائی کرتے
ہوئے 88گاڑیوں پر 66590روپے ،پبلک سروس وہیکلز میں زائد کرایہ کی وصولی پر48گاڑیوں کیخلاف کارروائی کرتے ہوئے 24500روپے جبکہ دیگر تمام ٹریفک خلاف ورزیوں پر 1327گاڑیوں کیخلاف کارروائی کرتے ہوئے 517000روپے جرمانہ عائد کیا گیا پریس بریفنگ کے موقع پر ٹریفک انسپکٹر رضوان انجم رانا نے گفتگو کرتے ہوئے کہاکہ ضلع کے اندر کسی بھی ٹریفک کی خلاف ورزی پر کوئی کمپرومائز نہیں کیا جا ئیگا کیونکہ ٹریفک قوانین کی پابندی ہی مہذب اورترقی یافتہ اقوام کی پہچان ہو تی ہیں انہوں نے کہاکہ ٹریفک قوانین پر عملدرآمد کرتے ہوئے ہم اپنی سوسائٹی اورآئندہ آنے والی نسلوں کو حادثات کے مہلک اثرات سے بچا سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسسٹنٹ کمشنر بھمبرنے بند راستہ باہمی افہام و تفہیم سے کھلواکر علاقہ کو بڑی خون ریز لڑائی سے بچا دیا
بھمبر(جی پی آئی)کمشنر میرپور ڈویژن اور ڈپٹی بھمبرکی خصوصی ہدایت پر اسسٹنٹ کمشنر بھمبرنے گزشتہ روز بند راستہ باہمی افہام و تفہیم سے کھلواکر علاقہ کو بڑی خون ریز لڑائی سے بچا دیا عوام علاقہ کو ڈپٹی کمشنر اور اسسٹنٹ کمشنر کو خراج تحسین تفصیلات کیمطابق بھمبرکے نواحی گاؤں گڑھا کھیڑاں میں گزشتہ دو سال سے دو گروپوں میں راستے کے تنازع پر مقدمہ چل رہا تھا اور مختلف واقعات میں دونوں پارٹیوں کی طرف سے متعدد مرد اور خواتین شدید زخمی ہو چکے ہیں گزشتہ روز کمشنر میرپور ڈویژن راجہ امجد پرویز علی خان کی خصوصی ہدایت پر ڈپٹی کمشنر بھمبرچوہدری محمدطیب نے اسسٹنٹ کمشنر بھمبر ندیم احمد جنجوعہ کو موقع دیکھ کر معاملے کا یکسو کروانے کا حکم دیا جس پر اسسٹنٹ کمشنر بھمبر ندیم احمد جنجوعہ نے موقع دیکھ کر دونوں فریقین کو سماعت کرنے کے بعد دونوں کا آپس میں راضی نامہ کروا دیا اور راستے سے تمام رکاوٹیں دور کروا کر عام لوگوں کے گزرنے کیلئے کھلوا دیا جس سے علاقہ میں ہونے والا بڑا تصادم تل گیا عوام علاقہ نے کمشنر میرپور،ڈپٹی کمشنر بھمبراور اسسٹنٹ کمشنر بھمبر کا خصوصی دلچسپی لیکر نبھٹانے پر شکریہ ادا کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آزادکشمیر بار کونسل کے الیکشن کیلئے بھمبر سے امیدواروں نے اپنے کاغذات نامزدگی ریٹرننگ آفیسر کے دفتر میں جمع کروا دیے
بھمبر(جی پی آئی)آزادکشمیر بار کونسل کے سالانہ الیکشن کیلئے ضلع بھمبر سے امیدواروں سے اپنے کاغذات نامزدگی ڈسٹرکٹ سیشن جج /ریٹرننگ آفیسر کے دفتر میں جمع کروا دیے تفصیلات کیمطابق آزادکشمیر بار کونسل کے ہونے والے سالانہ الیکشن کیلئے ضلع بھمبر سے راجہ مظہر اقبال ایڈووکیٹ ،چوہدری خالق حسین ایڈووکیٹ ،چوہدری محمد اسلم ایڈووکیٹ ،چوہدری محمدلطیف ایڈووکیٹ ،لیئق محمود عامر ایڈووکیٹ ،عامر رسول بٹ ایڈووکیٹ ،چوہدری محمد منیرایڈووکیٹ ،راجہ شفیق اللہ ایڈووکیٹ ،چوہدری ضیاء الرحمن ایڈووکیٹ نے اپنے اپنے کاغذات نامزدگی ڈسٹرکٹ سیشن جج /ریٹرننگ آفیسر کے دفتر میں جمع کروا دیے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری محمد ندیم کو ممتاز شخصیات نے مبارک باد دی
بھمبر(جی پی آئی)چوہدری شیراز پرویز مشتاق ،چوہدری عامر شاہین،چوہدری امتیاز احمد،چوہدری راشد سبحانی اور چوہدری احمد سبحانی نے اپنے مشترکہ مبارکبادی پیغام میں چوہدری محمد ندیم کو موبائل ایسوسی ایشن کا بلامقابلہ صدر منتخب ہونے پر دل کی اتھاہ گہرائیوں سے مبارکباد پیش کرتے ہوئے اس امید کااظہار کیا ہے کہ موصوف اپنی ذمہ داریاں احسن طریقے سے انجام دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممبر آزادجموںوکشمیر بار کونسل کیلئے ہائی کورٹ کی دس سالہ پریکٹس کا قانون ظالمانہ اقدام ہے :چوہدری ضیاء الرحمن
بھمبر(جی پی آئی)ممبر آزادجموںوکشمیر بار کونسل کیلئے ہائی کورٹ کی دس سالہ پریکٹس کا قانون ظالمانہ اقدام ہے آزادکشمیر کے نوجوان وکلاء اور لوئر کورٹس کے وکلاء کے ٹیلنٹ کو بر ی طرح دبا دیا گیا ہے اور مخصوص ٹولے کو آگے لانے کیلئے اقدام اٹھائے گئے ہیں اعلیٰ عدلیہ میں من پسند افراد کو تعینات کرنے کیلئے منصونہ بندی کر لی گئی ہے اگر اس ظالمانہ قانون کو فی الفور ختم نہ کیا گیاتو آزادکشمیر کے نوجوان وکلاء آمدہ الیکشن بار کونسل کا بائیکاٹ بھی کر سکتے ہیں ان خیالات کااظہار وکلاء تحریک پاکستان کے راہنما و سینئر نائب صدر ڈسٹرکٹ بار ایسوسی ایشن بھمبرچوہدری ضیاء الرحمن ایڈووکیٹ نے صحافیوں سے خصوصی گفتگو کرتے ہوئے کیا۔
