امیروں سے ٹیکس وصول کرنے میں ناکام ایف بی آر کا بس عوام پر ہی چلتا ہے۔ اب ایف بی آر نے موبائل فونز کی درآمد پر سیلز ٹیکس میں اضافہ کردیا ہے۔ ایف بی آر اس وقت ٹیکس ریونیو میں شارٹ فال کو کم کرنے کا ہر حربہ استعمال کررہا ہے جس کے تحت ہر موبائل فون سیٹ کی درآمد پر ایک ہزار روپے تک کسٹم ڈیوٹی اور خریداری پر کم سے کم پانچ سو روپے ڈیوٹی عوام سے وصول کی جائے گی۔
ایف بی آر نے موبائل سیٹس کی درآمد پر ٹیکسں اور ڈیوٹیز میں اضافہ کردیا ہے۔ اسمارٹ اور سیٹلائٹ فونز پر ایک ہزار روپے جبکہ دیگر اقسام کے موبائل فونز پر کم از کم پانچ سو روپے ڈیوٹی عائد کی گئی ہے۔ ڈیلرز کے مطابق اس اضافے سے موبائل فونز کی قیمتیں اور اسمگلنگ میں اضافے کا خدشہ ہے۔
پی ایس ڈی پی : 9 ماہ کے دوران 141.1 ارب روپے جاری
سونے کی قیمت دوبارہ انسٹھ ہزار روپے سے بڑھ گئی
