آل سندھ انورخان میموریل فٹ بال ٹورنامنٹ میں لسبیلہ اسٹوڈنٹس ،شرافی محمڈن اور لیاری برادرز کی کامیابی
Posted on April 9, 2013 By Tahir Webmaster کراچی
کراچی : آل سندھ انور خان میموریل فٹ بال ٹورنامنٹ میں مزید 3ٹیموں نے تیسرے رائونڈ کے لئے کوالیفائی کرلیا ۔پہلے میچ میں لسبیلہ اسٹوڈنٹس نے سخت مقابلے کے بعد ٹورنامنٹ کی مضبوط ٹیم ایف سی رو ورز کو پنالٹی ککس پر 6-5سے شکست دیدی دوران میچ مقابلہ 1-1گول سے برابر رہا ایف سی رو روز کی جانب سے عرفان جونیجو جبکہ لسبیلہ اسٹوڈنٹس کے زین بھٹو نے گول کئے ۔
دوسرے میچ میں شرافی محمڈن نے بھی ایک سخت جد وجہد کے بعد مد مقابل جھلندر اسپورٹس کو پنالٹی ککس پر 4-3سے ڈھیر کردیا دوران میچ یہ مقابلہ بغیر کسی گول گول کے برابر رہا ۔جبکہ ٹورنامنٹ میں کھیلے گئے تیسرے میچ میں ڈسٹرکٹ سائوتھ کی معروف ٹیم لیاری برادرز نے ایک کانٹے دار مقابلے کے بعد ڈسٹرکٹ ایسٹ کی نامور فٹ بال ٹیم ساجدی محمڈن کو1-0سے زیر کرکے پری کوارٹر فائنل کھیلنے کا اعزاز حاصل کرلیا میچ کے ابتداء ہی سے دونوں ٹیموں نے نہایت تیز کھیل کا آغاز کیا۔
اور وقفے وقفے سے ایک دوسرے کے گول پوسٹ پر بھر پور حملے کئے لیکن ساجدی محمڈن کے فارورڈ کھلاڑیوں کی غلط نشانہ بازی کے باعث گیند جال تک نہ پہنچ سکی لیاری برادرز نے بھی کئی تابڑ توڑ حملے جارکھے دوران کھیل لیاری برادرز کو ایک فول کک ملی۔
جس پر ان کے کھلاڑی ابراہیم کی لگائی ہوئی کک سیدھا گول پوسٹ میں داخل ہوگئی اور اس طرح لیاری برادرز کی ٹیم 1-0کی برتری کے ساتھ فاتح رہی میچ میں ریفری کے
فرائض سعید خان ،جاوید بنگش،سلیم شاہ اور پرویز گل نے انجام دیئے جبکہ میچ کمشنر کے فرائض غلام فاروق اور رفیق احمد نے انجام دیئے۔
کراچی : لیاری میں رینجرز کا ٹارگٹڈ آپریشن، متعدد افراد زیر حراست
کراچی،رینجرز اور پولیس کی کارروائی،چالیس سے زائد افراد گرفتار
