چکوال کی خبریں 10.04.2013
Posted on April 11, 2013 By Tahir Webmaster سٹی نیوز
یونین کونسل ڈب کے موہڑہ کورچشم کی بھٹی برادری نے مسلم لیگ ن کی حمایت کے پروپیگنڈہ کی تردید
چکوال (ڈسٹرکٹ رپورٹر)یونین کونسل ڈب کے موہڑہ کورچشم کی بھٹی برادری نے مسلم لیگ ن کی حمایت کے پروپیگنڈہ کی تردید ،پہلوان گروپ کے امیدوار شیخ وقارعلی کی حمایت کا اعلان،تفصیلات کے مطابق موہڑہ کورچشم کی بھٹی برادری کے عمائدین نے گذشتہ روز پہلوان پبلک سیکرٹریٹ چکوال میں پہلوان گروپ کے نوجوان راہنمائوں ملک عامر سہیل اور شیخ خرم شہزاد سے ملاقات کی ،بھٹی برادری کے وفد میں ریاض بھٹی،غلام حیدر بھٹی،محمد خان بھٹی،محمد اکرم بھٹی،محمد اعظم بھٹی،ڈاکٹر نذیر بھٹی،غلام عباس بھٹی،عنصر محمودبھٹی،تصور حسین بھٹی،امداد بھٹی،طارق محمود بھٹی،احسان بھٹی،عمران بھٹی،ساقب عرف ساقی بھٹی،وقارعلی بھٹی،امیر حمزہ بھٹی شامل تھے،اس موقع پر ریاض بھٹی نے کہاکہ گذشتہ دنوں ایک مقامی اخبار میں یہ خبر شائع ہوئی کہ بھٹی برادری نے مسلم لیگ ن کی حمایت کردی ہے جوکہ سراسر بے بنیاد ہے کیونکہ بھٹی برادری کو اس بارے کوئی علم نہیں ہے ،ریاض بھٹی نے کہاکہ ووٹ لینا اتنا آسان نہیں اور ہم کسی کے زر خرید غلام بھی نہیں ہیں ،ہمارا جینا مرنا پہلوان گروپ کے امیدوار برائے صوبائی اسمبلی حلقہ پی پی20شیخ وقارعلی کے ساتھ ہے اور بے بنیاد پروپیگنڈہ کرنے والوں کو چاہیئے کہ اس مرتبہ ووٹ ہمیں دیں کیونکہ شیخ وقارعلی کی صورت میں ہم خود امیدوار ہیں ، بھٹی برادری اور بھٹہ برادری کا مکمل الحاق ہے اور ہم شیخ وقارعلی کے ساتھ ہے اور بھٹی برادری جلد موہڑہ کورچشم میں شیخ وقارعلی کے اعزاز میں کارنر میٹنگ کا بھی انعقاد کرے گی ،جس سے مخالفین پر سب کچھ عیاں ہوجائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جمعیت علماء پاکستان ضلع چکوال نے زیر اہتمام سنی اتحاد تنظیم لبیک یا رسول اللہ کی تنظیمات کا مشترکہ اجلاس
چکوال (ڈسٹرکٹ رپورٹر)جمعیت علماء پاکستان ضلع چکوال نے زیر اہتمام سنی اتحاد تنظیم لبیک یا رسول اللہ کی تنظیمات کا مشترکہ اجلاس جامع سعیدیہ غوثیہ
نزد15چوک منعقد ہوا ۔جس کی صدارت ڈاکٹر عبدالواحد الازہری نے کی ۔ تلاوت کلام پاک اور نعت رسول مقبول کے بعد شرکاء اجلاس کی 8تنظیمات جمعیت علماء پاکستان ، سنی تحریک ، جماعت اہلسنت ، انجمن طلباء اسلام ، تنظیم المصطفےٰ ،المصطفےٰ ویلفیئر ، بزم غوثیہ ، ضیاء الامت کے عہدیداران واراکین نے فرداً فردا ًسنی ووٹ کی اہمیت ، موجودہ سیاسی صورتحال اور اہلسنت کے مسائل پر گفتگو کی ۔ محسن ملک نے اعتراض و مقاصد بیان کیے ۔ ہار جیت کو سامنے رکھتے ہوئے باکردار قیادت کا چنائو کیا جائے گا اور انشاء اللہ 11مئی وڈیروں ، سرداروں ، جاگیر ارون کو بھگا کر دم لیں گے ۔اجلاس میں متفقہ طور پر پی پی بیس پر سنی تحریک کے ارسلان قاری اور پی پی بائیس پر جمعیت علماء پاکستان کے صاحبزادہ غلام حسین فاروقی کی حمایت کا اعلان کیا گیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امیر جمعیت علمائے اسلام پاکستان سینئر گروپ پیر عبدالرحیم نقشبندی نے دارالعلوم حنفیہ چکوال میں خطاب کرتے ہوئے کہا ووٹ ایک بیعت ہے
چکوال (ڈسٹرکٹ رپورٹر)امیر جمعیت علمائے اسلام پاکستان سینئر گروپ پیر عبدالرحیم نقشبندی نے دارالعلوم حنفیہ چکوال میں خطاب کرتے ہوئے کہا ووٹ ایک بیعت ہے کہ آپ لوگ اچھے آدمی کے ہاتھ پر سیٹ کر رہے ہیں یا بڑے الیکشن میں حصہ لینا دنیا نہیں ہے بلکہ دین ہے اچھے لوگ بھی انتخابات میں حصہ لے رہے ہیں پیر عبدالشکور نقشبندی NA-60پر قومی اسمبلی کے امیدوار ہیں ۔ پیر عبدالشکور نقشبندی نے چکوال شہر میں گلی گلی گھر گھر دوکان دوکان ووٹ اسلام تحفظ ختم نبوت لوڈ شیڈنگ اور مہنگائی قتل و غارت کراچی میں لاشوں کے گرنے کا مسلسلہ ختم کرنے کیلئے ووٹ مانگ رہے ہیں ۔ غریب عوام پاکستان عالم اسلام ضلع چکوال کے عوام کی بات کرنے کیلئے پاکستان کو امریکہ کی کالونی سے محفوظ بنانے کیلئے علماء مشائخ کو اسمبلی میں پہنچائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصبہ چاولی تھانہ نیلہ کے علاقے میں چھ افراد نے حملہ آور ہو کر ایک شخص کو شدید زخمی کر دیا
چکوال (ڈسٹرکٹ رپورٹر)قصبہ چاولی تھانہ نیلہ کے علاقے میں چھ افراد نے حملہ آور
ہو کر ایک شخص کو شدید زخمی کر دیا ۔ محمد خان ولد محمد نواز نے پولیس کو بتایا کہ حسین ولد محمد خان ، خضر حیات ولد محمد حسین ، ممریز ، عبدالرحمن ، رئوف مسماة خالدہ پروین اور مسماة بخت بھری نے اسے مارا پیٹا اے ایس آئی طارق محمود نے میڈیکل رپورٹ کی روشنی میں مقدمہ درج کر کے ملزمان کی تلاش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوآسیدنشاہ میں جعلی دستخط کر کے سوئی گیس کا کنکشن حاصل کرنے والے کے خلاف دھوکہ دہی
چکوال (ڈسٹرکٹ رپورٹر)چوآسیدنشاہ میں جعلی دستخط کر کے سوئی گیس کا کنکشن حاصل کرنے والے کے خلاف دھوکہ دہی ، جعلسازی اور فراڈ کا مقدمہ درج کر لیا ۔ مسماة رسولاں بی بی بیوہ محمد اقبال نے پولیس کو بتایا کہ رضوان ولد سکندر خان نے اس کے شوہر کے جعلسازی دستخط کر کے سوئی گیس کا جعلی کنکشن حاصل کیا سب انسپکٹر محمد حسنین نے مقدمہ درج کر کے ملزم کی تلاش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصبہ ڈوہمن میں نامعلوم چور دو لاکھ روپے نقد اور طلائی زیورات چوری کر کے لے گئے
چکوال (ڈسٹرکٹ رپورٹر)قصبہ ڈوہمن میں نامعلوم چور دو لاکھ روپے نقد اور طلائی زیورات چوری کر کے لے گئے ۔ طاہر محمود ولد گلزار احمد ساکن ڈھوک ولی نے پولیس کو بتایا کہ رات کو اس کے گھر سے نامعلوم چور نقدی دو لاکھ اور زیورات چوری کر کے لے گئے ۔ سب انسپکٹر تنویر اعظم نے مقدمہ درج کر کے ملزم کی تلاش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصبہ ربال تھانہ ڈوہمن کے علاقے میں جعلی گاڑی فروخت کرنے والے کیخلاف خیانت مجرمانہ کا مقدمہ در ج کر لیا گیا
چکوال (ڈسٹرکٹ رپورٹر)قصبہ ربال تھانہ ڈوہمن کے علاقے میں جعلی گاڑی فروخت
کرنے والے کیخلاف خیانت مجرمانہ کا مقدمہ در ج کر لیا گیا ۔ قمر فاروق ولد محمد یوسف ساکن اسلام آباد نے پولیس کو بتایا کہ اظہر عباس ولد نذر حسین نے اس سے گاڑی تین لاکھ 61ہزار روپے میں خریدی تین ماہ بعد چیک کرنے پر گاڑی کے کاغذات جعلی نکلے انسپکٹر ایس ایچ او سلیم اختر نے مقدمہ درج کر کے ملزمان کی تلاش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
قصبہ سوھیر تھانہ نیلہ کے علاقے میں دو افراد نے ایک لاکھ روپے مالیت کے درخت کاٹ لیے
چکوال (ڈسٹرکٹ رپورٹر)قصبہ سوھیر تھانہ نیلہ کے علاقے میں دو افراد نے ایک لاکھ روپے مالیت کے درخت کاٹ لیے ۔ خالد مسعود ولد جہان خان نے پولیس کو بتایا رضوان ولد فتح محمد ، طارق ولد غلام علی اس کی زمین سے درخت کاٹ لیے اے ایس آئی طارق محمود نے مقدمہ درج کر کے ملزمان کی تلا ش شروع کر دی ہے۔
