وزیر پٹرولیم سہیل وجاہت صدیقی نے کہا کہ پٹرولیم درآمد بڑھنے سے زرمبادلہ کے ذخائر کم ہو رہے ہیں اسلئے وہ پٹرولیم پر انحصار کم کرنے اور قدرتی گیس کا استعمال بڑھانا چاہتے ہیں۔ نگراں وزیر پٹرولیم سہیل وجاہت صدیقی نے سی این جی ایسوسی ایشن کے وفد سے ملاقات کی ۔
انھوں نے کہا وہ اس ملک اور عوام کے مفاد میں تمام سیکٹرز کے مابین گیس کی منصفانہ تقسیم چاہتے ہیں اور گیس کی منصفانہ تقسیم اور چوری روکنے کے لئے چند دنوں میں فیصلہ ہوجائے گا۔ غیاث پراچہ نے نگراں وفاقی وزیر پیٹرولیم کو بتایا کہ سی این جی سٹیشنر کوصرف تین دن گیس فراہم کی جا رہی ہے جس دوران بجلی کی لوڈ شیڈنگ سے صرف چند گھنٹے کاروبار چلایا جاسکتا ہے ۔
انہوں نے کہا کہ ملک میں اس وقت گیس کی کمی کو جواز بنا کر سی این جی سیکٹر اور صنعت کو تباہ کیا جارہا ہے،گزشتہ ہفتہ گیس پائپ لائن دھماکہ تخریب کاری نہیں بلکہ بڑھتے ہوئے پریشر کے سبب ہواہے ۔
بجلی کی پیداوار، فرنس آئل کیلئے 20 ارب جا ری نہ ہو سکے
پاکستان سرمایہ کاری کے لئے بہترین ملک ہے،سفیر ہنگری
