کراچی(جیوڈیسک)کراچی ڈیفنس سے متحدہ قومی موومنٹ کی انتخابی ریلی نکالی گئی۔جس میں خواتین اوربچوں کی بڑی تعداد نے شرکت کی۔کراچی کے حلقہ این اے 250 سے ایم کیو ایم کے امید واروں کی حمایت میں ڈیفنس اور کلفٹن کے شہریوں نے دو تلوار سے ریلی نکالی۔
ریلی میں خواتین اور بچوں کی بھی بڑی تعداد موجود تھی شرکا نے ہاتھوں میں جھنڈے اٹھارکھے تھے اور اپنے امیدوار کے حق میں نعرے لگائے۔ریلی کے شرکا کا کہنا تھا کہ وپ دہشت گردی سے ڈرنے والے نہیں اور جمہوریت کے فروغ کے لئے ہرحال میں اپنے ووٹ کا استعمال کریں گے۔
ریلی میں موجود خواتین کا کہنا تھا کہ متحدہ قومی موومنٹ واحد جماعت ہے جو سنجیدگی سے خواتین کو با اختیار بنانے کے لیے اپنا کردار ادا کر رہی ہے۔دو تلوار سے نکالی جا نے والی ریلی ڈیفنس کے مختلف علاقوں گزری، پارک ٹاورز سے ہوتے ہو ئے سی ویو اور پھر وہاں سے دو تلوار پر اختتام پذیر ہوئی۔
ہنڈرڈ انڈیکس میں ایک سو ساٹھ پوائنٹ کا اضافہ
5 سال میں پی پی پی حکومت نے قوم کا امتحان لیا، فضل الرحمان
