محب اردو شیتل سونم نے معروف شاعر مسلم سلیم کو طغرے سے نواز کر تقریب کو یادگار بنایا
Posted on May 3, 2013 By Tahir Webmaster سٹی نیوز
مدھیہ پردیش اردو اکادمی کے زیر اہتمام 31مارچ کو ایک ادبی نشست کا اہتمام کیا گیا۔ اس تقریب میں مسلم سلیم، ڈاکٹر قاسم نیازی، محبوب احمد محبوب، بے تکلف شجاع پوری، نثار انصاری اور شریف انصاری شریف نے اپنے کلام سے سامعین کو محظوظ کیا۔ جبکہ رشید انجم اور سلطانہ حجاب نے اپنے مختصر افسانے پڑھے۔ اس تقریب میں اردو اکادمی کے چیئر مین محمد سلیم اور سکریٹری محترمہ نصرت مہدی بھی شریک تھیں۔
اس تقریب میں معروف محب اردو شیتل سونی بھی شریک تھے۔ ان کی اردو دوستی کا یہ ثبوت ہے کہ اردو اکادمی کی ہر تقریب میں انھوں نے شعرا و ادبا کو ذاتی طور پر اعزاز سے نواز کر ان کی عزت افزائی کی ہے۔ اس مرتبہ انھوں نے بھوپال کے معروف شاعر جناب مسلم سلیم کو طغرا پیش کیا جس پر قرآن کی دو آیتیں کندہ ہیں۔کسی غیر مسلم کی طرف سے اردو شعراء و ادبا کی عزت افزائی یقینا ایک نیک شگون ہے۔
