موجودہ انتخابات میں مسلم لیگ ن اپنی کا کارکرگی کی بناء پر کامیابی حاصل کرے گی
Posted on May 4, 2013 By Noman Webmaster سٹی نیوز
کوٹلہ ارب علی خاں : موجودہ انتخابات میں مسلم لیگ ن اپنی کاکارکرگی کی بناء پر کامیابی حاصل کرے گی عوام کو اندھیروں میں دھکیلنے والے نام نہاد لیڈران نے ملک کو اندھیروں میں جھونک دیا ہے ان خیالات کا اظہار سالار قافلہ چوہدری عابد رضا نے موضع بنگیال میں ہونے والے عظیم الشان جلسہ سے خطاب کرتے ہوئے کیا۔
انھوں نے کہا کہ وفاقی گورنمنٹ کی لوٹ مار سے ملک پاکستان کو شدید بحرانوں میں دھکیل دیا ہے لیکن اب نئے چہروں کے ساتھ پھر اقتدار کیلئے عوام سے بھیک مانگ رہے ہیں۔
انشاء اللہ بر سر اقتدار آ کرقوم کو بھکاری بنانے والے حکمرانوں سے پائی پائی وصول کی جائیگی۔جلسہ کا اہتمام حاجی محمد شریف اور چوہدری پرویز بنگیال نے کیا جس میں اہلیان بنگیال سمیت یونین کونسل لنگڑیال کے نمائندہ افراد نے بھر پور شرکت کی۔
