بھمبر کی خبریں 04.05.2013
Posted on May 4, 2013 By Tahir Webmaster سٹی نیوز
بھمبرمیرپور روڈپر ڈھیری وٹاں کے مقام پر کار اور موٹرسائیکل میں خونی تصادم ایک شخص جان بحق دوسرا شدید زخمی پولیس چوکی گڑھا للیاں نے مقدمہ درج کر کے تفتیش شروع کر دی
بھمبر(ڈسٹرکٹ رپورٹر)بھمبرمیرپور روڈپر ڈھیری وٹاں کے مقام پر کار اور موٹرسائیکل میں خونی تصادم ایک شخص جان بحق دوسرا شدید زخمی پولیس چوکی گڑھا للیاں نے مقدمہ درج کر کے تفتیش شروع کر دی تفصیلات کیمطابق گزشتہ شام درائیاں کے رہائشی تاجر بشیر احمد اپنے ایک عزیز کے ہمراہ موٹرسائیکل نمبر AJK549میں گاؤں کی طرف جارہے تھے کہ ڈھیری وٹاں سٹاپ پر مخالف سمت سے آنے والی کار نمبری LEH6445سے ٹکراکر زمین پر گر پڑے موقع پر موجود افراد نے دونوں زخمیوں کو فوری طور پر ڈسٹرکٹ ہیڈ کوارٹر ہسپتال بھمبر پہنچایا جہاں بشیر احمد ولد عالم دین سر میں شدید چوٹ لگنے سے خالق حقیقی سے جاملاجبکہ عبدالمجید ولد برکت علی شدید زخمی ہو گیا جسکی حالت خطرے سے باہر بتائی جاتی ہے حادثے کی اطلاع ملتے ہی پولیس چوکی گڑھاللیاں کے انچارج چوہدری ذوالفقار علی موقع پر پہنچ گئے اور نعش کو پوسٹ مارٹم کے بعد روثاء کے حوالے کر دیا گایا مرحوم کو نمازجنازہ کے بعد ان کے آبائی قبرستان چہلہ درائیاں میں سپردخاک کر دیاگیا نماز جنازہ میں اسسٹنٹ کمشنر سماہنی چوہدری حق نواز ،ڈی ایس پی چوہدری مختار احمد،سابق ممبرضلع کونسل چوہدری محمد یوسف درائیاں،لالہ قیوم ،سابق کونسلر چوہدری جاوید اقبال ،ٹھیکیدار صفدر حسین ،باؤ اشفاق،چوہدری شوکت علی،اے ای او چوہدری محمد اکرم ،افتخار عظیمی ناصر شریف بٹ،چوہدری محمد اشرف پنڈی ،چوہدری انصرحسین ،چوہدری سلیمان درائیاں ،سیٹھ محمد سلیمان ،چوہدری قیوم یوسف ایڈووکیٹ ،چوہدری اظہر حسین راجہ ،سابق چیئرمین چوہدری ظفر اقبال ،پیپلزپارٹی کے راہنما چوہدری ظفر اقبال کڈیالوی ،چوہدری فریاد سونا ،ڈاکٹرقیوم سمیت سرکاری ملازمین ،تاجروں ،عوام علاقہ اور عزیزو اقارب کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت آزادکشمیر سینئر صحافی ماجد جاوید ایڈووکیٹ کی جان بچانے کیلئے تمام وسائل کوبروئے کار لائے آزادکشمیر کے صحافی انتہائی نامساعد حالات کے اندر اپنی پیشہ وارانہ ذمہ داریاں احسن طریقے سے ادا کررہے ہیں
بھمبر(ڈسٹرکٹ رپورٹر)حکومت آزادکشمیر سینئر صحافی ماجد جاوید ایڈووکیٹ کی جان بچانے کیلئے تمام وسائل کوبروئے کار لائے آزادکشمیر کے صحافی انتہائی نامساعد حالات کے اندر اپنی پیشہ وارانہ ذمہ داریاں احسن طریقے سے ادا کررہے ہیں صحافیوں کو جان ومال کاتحفظ فراہم کرنا حکومت کی ذمہ داری ہے ان خیالات کااظہار کشمیر پریس کلب بھمبرکے صدر راجہ نعیم گل ،سینئر نائب صدر ناصرشریف بٹ ،چوہدری خالد حسین ایڈووکیٹ ،ملک شوکت حسین نے کشمیر پریس کلب کے اجلاس سے خطاب کرتے ہوئے کیا اجلاس میں طارق محمود ثاقب ،عزیزالرحمن ناز ،مرزاندیم اختر،جہانگیر پاشا،قاضی انصرزمان،عاطف اکرم ،ظہور احمد رضا،سلیم ساگر ،فیصل صغیر،یاسین تبسم ،شیرازپرویزمشتاق،عابد زبیر،وسیم نذر،ارشد محمودغازی ،مرتضیٰ گیلانی ،مرزا عمر فاروق ،ارشدمحمود سمیت دیگر نے شرکت کی اجلاس کے آخر میں میرپور کے سینئر صحافی ماجد جاوید ایڈووکیٹ جو گزشتہ روز آتشزدگی کے واقعہ میں جھلس گئے تھے کی صحت یابی کیلئے خصوصی دعاکی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس کنسٹیبلان کی بھرتی کیلئے 262امیدواروں نے تحریری ٹیسٹ پاس کر لیا
بھمبر(ڈسٹرکٹ رپورٹر)پولیس کنسٹیبلان کی بھرتی کیلئے 262امیدواروں نے تحریری ٹیسٹ پاس کر لیا جبکہ پاس کرنے والے امیدواروں سے انٹرویو لے لیا گیا کامیاب امیدواروں کا اعلان بعد میں کیا جائیگا تفصیلات کیمطابق پولیس کنسٹیبلان کی بھرتی کیلئے گزشتہ روز 714امیدواروں نے تحریری ٹیسٹ دیا تھا جن میں سے 262امیدواروں نے
تحریری ٹیسٹ پاس کیا پاس کرنے والے امیدواروں سے انٹرویوبھی لے لیا گیا ہے 262میں سے 56امیدواروں کو انٹرویو کے بعد سیلکٹ کیا جائیگا کامیاب امیدواران کا اعلان بعد میں کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
11مئی پیپلزپارٹی کی کامیابی اور کامرانی کادن ہو گا اس دن پاکستان کے غیور اور باشعور عوام دہشت گرد طالبان کے حمایتوں کو عبرتناک شکست دیں گے
بھمبر(ڈسٹرکٹ رپورٹر)11مئی پیپلزپارٹی کی کامیابی اور کامرانی کادن ہو گا اس دن پاکستان کے غیور اور باشعور عوام دہشت گرد طالبان کے حمایتوں کو عبرتناک شکست دیں گے ان خیالات کااظہار پیپلزپارٹی آزادکشمیر تحصیل بھمبر کے چیف آرگنائزر چوہدری شکیل احمد مکہال نے کیا انہوں نے کہاکہ پاکستانی عوام پیپلزپارٹی پر بھرپور اعتماد کرتی ہے ملک کے اندر جب بھی صاف شفاف انتخابات ہوئے ہیں پیپلزپارٹی کو کامیابی وکامرانی حاصل ہوئی ہے پیپلزپارٹی کے قائدیناور جیالوں ن پاکستان کی سلامتی ،بقاء ،استحکام اور جمہوری اداروں کی مضبوطی کیلئے عملی طور پر جانوں کی قربانیاں دی ہیں ملک کے غریب اور متوسط طبقے کو ان کے حقوق دلائے انہوں نے کہاکہ پاکستان کے اندر جمہوری تسلسل پیپلزپارٹی کے قائدین کی قربانیوں کا ثمر ہے انہوں نے کہاکہ دہشت گردی نے پاکستان کی معیشت کو تباہ وبرباد کر دیا ہے آج کل کے اندر بے روزگاری ،مہنگائی اور لوڈشیڈنگ جیسے مسائل دہشت گردی کی وجہ سے ہیں ہمیں دہشت گردی کاخاتمہ کرنا ہے پاکستان کے 18کروڑ باشعور عوامدہشت گردوں کے حامیوں کو عبرتناک شکست سے دوچار کریں تاکہ پاکستان کو ترقی اور خوشحالی کی راہ پر گامزن کیا جاسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلزپارٹی کے مخالفین حکومت کی 2سالہ کارکردگی دیکھ کر بوکھلاہٹ کا شکار ہوگئے ہیں
بھمبر(ڈسٹرکٹ رپورٹر)پیپلزپارٹی کے مخالفین حکومت کی 2سالہ کارکردگی دیکھ کر
بوکھلاہٹ کا شکار ہوگئے ہیں حکومت اور وزراء کو بدنام کرن کیلئے جھوٹی اور من گھڑت افواہیں پھیلا رہے ہیں ڈس انفارمیشن اور حکومت کو بدنام کرنے والوں کیخلاف کارروائی عمل می لائی جائے ان خیالات کااظہار پیپلزسٹوڈنٹس فیڈریشن ضلع بھمبر کے صدر بشارت رضا نے کیا انہوں نے کہاکہ میڈیا حقائق پر مبنی رپورٹنگ کرکے کسی خبر کو لگانے سے قبل اس کی پوری چھان بین کرلی جائے سنی سنائی باتوںپر رپورٹنگ سے معاشرے کا امن وسکون برباد ہونے کا خدشہ ہے انہوں نے کہاکہ مخالفین پیپلزپارٹی کا مقابلہ سیاسی میدان میں سیاسی انداز سے کریں معاشرے کے شریف النفس شہریوں اور ذمہ داران حکومت کیخلاف جھوٹی اور بے بنیاد الزام تراشی قابل مذمت ہے طالبہ یادتی کیس کے حوالے سے وز یراعظم نے جوڈیشل انکوائری کا حکم دے دیا ہے انکواء کے بعد دودھ کا دودھ اور پانی کا پانی سامنے آجائیگا انہوں نے کہاکہ من گھڑت اور بے بنیاد الزام تراشیاں کرنے والوں کیخلاف سخت سے سخت قانونی کارروائی عمل میں لائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جنرل سیکرٹری کشمیر پریس کلب بھمبرملک شوکت حسین ، کوٹلہ نے ہیڈ کلرک باؤ شبیر کے چچا زاد بھائی منظورحسین کی وفات پر گہرے دکھ وغم کااظہار
بھمبر(ڈسٹرکٹ رپورٹر)جنرل سیکرٹری کشمیر پریس کلب بھمبرملک شوکت حسین ،چوہدری سلیم ساگر،انصرآرائیں ،عبدالقدیر کوٹلہ نے ہیڈ کلرک باؤ شبیر کے چچا زاد بھائی منظورحسین کی وفات پر گہرے دکھ وغم کااظہار کرتے ہوئے مرحوم کے درجات کی بلندی کیلئے دعائے مغفرت اور لواحقین کیلئے صبروجمیل کی دعا کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر پریس کلب بھمبرکاایک تعزیتی اجلاس زیر صدارت راجہ نعیم گل منعقد ہوا اجلاس
بھمبر(ڈسٹرکٹ رپورٹر)کشمیر پریس کلب بھمبرکاایک تعزیتی اجلاس زیر صدارت راجہ
نعیم گل منعقد ہوا اجلاس میں آئی جی جیل خانہ و ایڈویشنل سیکرٹری ڈاخلہ چوہدری امتیاز احمدکی اہلیہ محترمہ کی اچانک وفات پر گہرے دکھ وغم کااظہار کرتے ہوئے مرحومہ کی روح کے ایصال ثواب کیلئے دعائے مغفرت اور ورثاء کیلئے صبروجمیل کی دعا کی گئی اجلاس میں ناصرشریف بٹ ،طارق محمود ثاقب ،عزیزالرحمن ناز ،چوہدری خالد حسین ایڈووکیٹ،ملک شوکت حسین ،مرزاندیم اختر،جہانگیر پاشا،قاضی انصرزمان،عاطف اکرم ،ظہور احمد رضا،سلیم ساگر ،فیصل صغیر،یاسین تبسم ،شیرازپرویزمشتاق،عابد زبیر،وسیم نذر،ارشد محمودغازی ،مرتضیٰ گیلانی ،مرزا عمر فاروق ،ارشدمحمود سمیت دیگر نے شرکت کی۔
