ڈنگہ کی خبریں 5.05.2013
Posted on May 6, 2013 By Noman Webmaster سٹی نیوز
ڈنگہ : اب ہمیں 11 مئی کو روایتی سیاست ، برادری ازم ، دھڑے کی سیاست کو ختم کرنا ہے،چوہدری جعفر اقبال
ڈنگہ(محمد بلال احمد بٹ ) موضع پنجن کسانہ جی ٹی روڈ لالہ موسیٰ کے انتخابی جلسۂ سے پاکستان مسلم لیگ ن کے امیدوار قومی اسمبلی حلقہ این اے 106 چوہدری جعفر اقبال نے خطاب کرتے ہوئے کہا کہ آپ نے جو لالہ موسیٰ کے جلسۂ میں میرے قائد کو جو میرے لیے اعتماد دِیا ور میرا مان بڑھایا میں اپ کو سلام پیش کرتا ہوں ، اُنہوں نے کہا کہ ہمارے ملک پاکستان میں وزیر اعظم سزا کیوں پاتے ہیں ، یقینا قانون کی خلاف ورزی اور اگر آصف علی زرداری کی لوٹی ہوئی رقم کی بات ہو تو وزارتِ عظمیٰ قربان کرتے ہیں ، زرداری کی نمائندگی کرنے والوں نے آصف علی زرداری کو صدارتی محل میں بٹھا کر یہ سمجھ لیا ہے کہ اب اُن پر تنقید کرنا ، اُنہیں عدالت میں لانا یہ کبھی نہیں ہو سکتا، اور FIA,PIAاور کلاشنکوفوں کے لائسنس کس نے بیچے، 11 مئی کی عدالت کو اپنے دعوے ، دلیلیں سامنے لائیں ،اب ہم اپنے ضمیر کی آواز پر راجہ رینٹل ، کرپشن کے خلاف چٹھی لکھنے جا رہے ہیں ، اب وہ چٹھی لکھی جائے گی، وہ زرداری کی سوچ اور سیاست کے خاتمہ کی چٹھی ، جنوبی پنجاب پر سیلابی ریلہ جب آیا ، بستیوں کی بستیاں اُجڑ گئی، اُس وقت زرداری صاحب کہاں تھے، اُن کی ٹیم کہاں تھی ، وہ پیرس اور لندن کی سیر پر تھے اور میرا قائد اُن متاثرین کی امداد کے لیے وہاں موجود تھا ، میرے قائد خادم پنجاب نے لیپ ٹاپ ، سولر لیمپ ، گرین ٹریکٹر سکیم میرٹ کی بنیاد پر رنگ نسل کے لحاظ سے بالا تر ہو کر تقسیم کیے ، عام پاکستانی کی توقیر بڑھائی، انشاء اللہ ، مزدور کی فیکٹری کا پہیہ چلے گا ، ٹیوب ویل چلیں گے ، بجھا ہوا چولہا جلے گا ، اب ہمیں 11 مئی کو روایتی سیاست ، برادری ازم ، دھڑے کی سیاست کو ختم کرنا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حلقہ پی پی113میں سیاسی سرگرمیاں عروج پر پہنچ گئی ہیں
ڈنگہ(محمد بلال احمد بٹ)حلقہ پی پی113میں سیاسی سرگرمیاں عروج پر پہنچ گئی ہیں ، چوہدری اعجاز احمد رنیاں کی انتخابی مہم سے حلقہ پی پی113 انتخابی صورتحال تیزی کے ساتھ تبدیل ہو رہی ہے ، حلقہ کے نوجوان متحد ہو کر چوہدری اعجاز احمد رنیاں کی قیادت میں مسلم لیگی امیدواروں کی کامیابی کیلئے بھرپور محنت کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :چوہدری پرویز الٰہی کی سربراہی میں مسلم لیگ ق کی انتخابی مہم زور و شور سے جاری ہے،مرزا ہمایوں بیگ
ڈنگہ(محمد بلال احمد بٹ)مسلم لیگ ق کے راہنما مرزا ہمایوں بیگ نے کہا ہے کہ چوہدری پرویز الٰہی کی سربراہی میں مسلم لیگ ق کی انتخابی مہم زور و شور سے جاری ہے ، اور انشاء اللہ پورے پاکستان سے چوہدری برادران کامیاب ہونگے اور کامیاب ہو کر ملک کو بحرانوں سے نکالیںگے، کیونکہ ان کی کامیابی گجراتیوں کی کامیابی ہے لہٰذا گجرات عوام کو چاہیے کہ وہ چوہدری برادران کو کامیاب کروائیں ، مرزا ہمایوں بیگ نے کہا کہ چوہدری اعجاز احمد رنیاں کی انتخابی مہم زور وشورسے جاری ہے ، اس موقع پرمرز ا ہمایوں نے کہا کہ کاغذاتی لیڈر اپنی موت آپ مر جائیں گے اور 11مئی کو عوام انتخابی نشان سائیکل پر دھڑ دھڑ مہریں لگا کرچوہدری اعجاز احمد رنیاں کو کامیاب کروا کر اقتدار کے ایوانوں تک پہنچائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: شیر کی کھال پہنے ہوئے گیدڑ کو ووٹ کی طاقت سے 11مئی کو واپس لاہور بھگا دینگے ،چوہدری اخلاق احمد رنیاں
ڈنگہ(محمد بلال احمد بٹ)چوہدری برادران کے دور میں حلقہ پی پی 113میں ریکارڈ ترقیاتی کام ہوئے ہیں،سابق ناظم راہنما پاکستان مسلم لیگ ق چوہدری اخلاق احمد رنیاں نے اپنے بیان میں کہا انہوں نے کہا کہ آئندہ بھی حکومت آنے پر ترقیاتی کاموں کی مثالیں قائم کرینگے ، سوئی گیس ، بجلی کے مسائل سے بخوبی آگاہ ہیں ، آئندہ دور اقتدار میںحلقہ پی پی113کے تمام مسائل کو ترجیحی بنیادوں پر حل کروائیں گے ، انہوں نے کہا کہ شیر کی کھال پہنے ہوئے گیدڑ کو ووٹ کی طاقت سے 11مئی کو واپس لاہور بھگا دینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :11مئی کو مسلم لیگ ن کے تمام امیدوار پنجاب بھر میں ہی نہیں بلکہ ملک بھر میں بھاری اکثریت سے کامیابی حاصل کرینگے،شعیب رضا
ڈنگہ(محمد بلال احمد بٹ)پاکستان مسلم لیگ ن ممتاز راہنما شعیب رضا نے اپنے بیان میں کہا ہے کہ 11مئی کو مسلم لیگ ن کے تمام امیدوار پنجاب بھر میں ہی نہیں بلکہ ملک بھر میں بھاری اکثریت سے کامیابی حاصل کرینگے اور مخالفین کو عبرتناک شکست سے دوچار کیا جائیگا ، مسلم لیگ ن کے تمام کارکن اس سلسلہ میں دن رات کوشاں ہیں اور مسلم لیگی امیدواروں کی کامیابی کیلئے تمام کارکن اپنی اپنی جگہ پر کوشاں ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عوام کی پذیرائی سے گجرات سے موروثی سیاست کی بنیادیں ہلا دی ہیں،چوہدری شرافت حسین ایڈووکیٹ
ڈنگہ(محمد بلال احمد بٹ)پاکستان تحریک انصاف حلقہ پی پی 113کے نامزد امیدوار چوہدری شرافت حسین ایڈووکیٹ نے کہا کہ عوام کی پذیرائی سے گجرات سے موروثی سیاست کی بنیادیں ہلا دی ہیں اور عوام کو تحریک انصاف کی سچائی پر ا عتبار ہے گیارہ مئی کو نئے پاکستان کا سورج طلوع ہوگا اب روایتی سیاست کی رخصتی کا وقت آگیا ہے ان خیالات کااظہار انہوں نے حلقہ پی پی113میں مختلف اکٹھوں سے خطاب کرتے ہوئے کیا اس موقع پر انہوں نے کہا کہ ساری قوم تبدیلی لانے کا اٹل فیصلہ کرچکی ہے اب کوئی نعرہ یا بہکاوا ان کے راستے کی رکاوٹ نہیں بن سکتا عوام نے پاکستان کی تشکیل کیلئے عمران خان کو بھاری مینڈیٹ دیں گے انہوں نے کہا کہ ملک وقوم کے روشن مستقبل کیلئے عمران خان کا وزیر اعظم بننا ضروری ہے پیسے اور خاندان کی سیاست میں گذشتہ تیس سالوں میں کچھ نہیں دیا بلکہ انہوں نے ذاتی مفادات حاصل کیے اور رشتہ داروں کو نوازا اور نوکریاں فروحت کی گئیں انہو ں نے کہا کہ عمران خان ایک سچا لیڈر ہے اس نے جو قوم سے وعدے کیے ہیں پورا کریگاانہوں نے کہا کہ ن لیگ اور پیپلز پارٹی کی پارٹنر شپ کو ہمیشہ کیلئے توڑ دیں گے گیارہ مئی کو عوام گھروں سے باہر نکلیں اور ملک کو بحرانوں سے نکالنے کیلئے تحریک انصاف کو ووٹ دیں انہوں نے کہا عمران خان کو ایک بار قوم ضرور آزمائے ملک کو اندھیرے میں لیکر جانے والوں کو عوام مسترد کردیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عوام نے جو میرے قائد کو اعتماد دیا ہے میں حلقہ کی عوام کا قرض دار ہوں،چوہدری جعفر اقبال
ڈنگہ(محمد بلال احمد بٹ )بھوتہ ،سمبڑی اور ہنج میں حمایتی اکٹھ سے چوہدری جعفر اقبال نے خطاب کرتے ہوے کہا کہ این اے106کی عوام نے جو میرے قائد کو اعتماد دیا ہے میں حلقہ کی عوام کا قرض دار ہوں،لوڈشیڈنگ کا جن بوتل سے جو باہر نکل آیا ہے اسے جلد بوتل میں بند کر دیں گے۔گیارہ مئی کو زرداری کی سیاست کا خاتمہ کرنا ہو گا،ظہور پیلس سے پی ایم ایل ن کو چھوڑنے کی دھمکیاں ملیں،مشرف دور میں پریشانیوں اور مشکلات سامنا رہا،مگر مصیبوں اور پریشانیوں کے باوجود بھی آج تک اپنی سیاسی سوچ پرپاکستان مسلم لیگ ن کی قیادت پر قائم رہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :چوہدری نصر اقبال سے سیاسی مفاہمت ہوچکی، جے یوپی کے کارکنان ان کی کامیابی کیلئے بھرپور انتخابی مہم چلائیں،حافظ یعقوب داتار
ڈنگہ(محمد بلال احمد بٹ)حافظ یعقوب داتار نے اپنے ایک بیان میں کہا کہ چوہدری نصر اقبال سے سیاسی مفاہمت ہوچکی، جے یوپی کے کارکنان ان کی کامیابی کیلئے بھرپور انتخابی مہم چلائیں، ۔ انہوںنے کہاکہ دہشت گرد ملک میں امن و امان کی صورتحال خراب کرکے انتخابات کا التواء چاہتے ہیں تمام سیاسی قوتوں کو مل کر اس سازش کو ناکام بنانا چاہیے تاکہ ملک میں جمہوریت فروغ پائے اور معاشی و امن وامان کی صورتحال مستحکم ہو۔ حافظ یعقوب داتار نے کہا کہ چوہدری نصر اقبال نظام مصطفی کے نفاذ کے لئے ہر ممکن کوشش جاری رکھیں گے وہ حقیقتاً غریب عوام کے مسیحا ہیں ان سے سیاسی مفاہمت کے نتیجے میں ملک میں حقیقی اور پائیدار جمہوریت کے فروغ میں مدد ملے گی اور ملکی ترقی و عوامی خوشحالی کی نئی راہیں کھلیں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: عوام 11مئی کوگھروں میں بیٹھنے کی بجائے پولنگ سٹیشنوں پر آئیں اور پڑھی لکھی ،محب وطن قیادت کو منتخب کریں،چوہدری عبدالستار آف پیر جھنڈ
ڈنگہ(محمد بلال احمد بٹ)جماعت اسلامی حلقہ پی پی113کے امیدوار چوہدری عبدالستار آف پیر جھنڈ نے کہا کہ عوام 11مئی کوگھروں میں بیٹھنے کی بجائے پولنگ سٹیشنوں پر آئیں اور پڑھی لکھی ،محب وطن قیادت کو منتخب کریں۔پاکستان کو در پیش مسائل کا حل شفاف اور منصفانہ انتخابات میں مضمرہے۔جماعت اسلامی موروثیت سے پاک جماعت ہے جس میں ایک کارکن بھی”امیر جماعت”کے منصب پر فائز ہوسکتاانہوں نے کہاکہ اسلامی شرعی نظام ہی ملک کا مستقبل ہے۔نوجوانوں کی اکثریت پاکستان میں اسلامی قوانین کانفاذ چاہتی ہے۔وہ وقت دور نہیں جب مصر،تیونس،مراکش اور ترکی کی طرح وطن عزیز میں بھی دینی جماعتیں برسر اقتدار آئیں گی۔”مدینہ منورہ”کی فلاحی ریاست ہمارے پیش نظر ہے۔انہوں نے کہاکہ مہنگائی نے مزدوروں کی کمر توڑ دی ہے۔قوم آزمائے ہوئے لوگوں کو بار بار آزمانے کا سلسلہ بند کرے۔جن لوگوں نے اپنی پہلی باریوں میں کچھ نہیں کیا وہ اب بھی کچھ نہیں کریں گے۔قومی خزانے کو دونوں ہاتھوں سے لوٹنے والے عوام کے خیر خواہ نہیں۔کراچی میں بھتہ خوراور ٹارگٹ کلرز شکست سے بچنے کے لئے انتخابات کا التوا چاہتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :مخالفین جاگتی آنکھوں سے خواب دیکھنا چھوڑ دیں،تین مئی کے جلسہ کی کامیابی سے گھبرا کر جو بھی پراپیگنڈہ کیا جا رہا ہے،اس کا حقائق سے کوئی تعلق نہیں،ملک نوید اعوان
ڈنگہ(محمد بلال احمد بٹ)مخالفین جاگتی آنکھوں سے خواب دیکھنا چھوڑ دیں،تین مئی کے جلسہ کی کامیابی سے گھبرا کر جو بھی پراپیگنڈہ کیا جا رہا ہے،اس کا حقائق سے کوئی تعلق نہیں،مخالفین ہوش کے ناخن لیں،الیکڑانک میڈیا پر عوام دیکھ چکے ہیں کہ جلسہ میں لوگوں کی تعداد کیا تھی،خوابوں کی دنیا سے باہر آکر حقیقت پسندی سے تسلیم کر لیں کہ چوہدری جعفر اقبال کی کامیابی آسمانوں پر لکھی جا چکی ہے اور بے روزگاری مہنگائی ،دہشت گردی،کرپشن کرنے والوںکو عوام نے مسترد کر دیا ہے۔ان خیالات کا اظہار پاکستان مسلم لیگ سٹی ڈنگہ کے صدر ملک نوید اعوان نے کیا انہوں نے کہا کہ لالہ موسیٰ میں میاں شہباز شریف کی آمد کے موقع پر عوام کے ٹھاٹھیں مارتے سمندر نے فیصلہ دے دیا ہے کہ جیت پاکستان مسلم لیگ ن کی ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ہم نے ہمیشہ جھوٹ اور منافقت کی سیاست کی نفی کی ہے،سید نورالحسن شاہ
ڈنگہ(محمد بلال احمد بٹ)ہم نے ہمیشہ جھوٹ اور منافقت کی سیاست کی نفی کی ہے یہی وجہ ہے کہ ہمارے ساتھی ہم پر بھر پور اعتماد کرتے ہیں،حالات جیسے بھی ہوں غیور عوام ہم سے اظہا رمحبت کرتے ہوئے عزت سے نوازتے ہیں،ان خیالات کا اظہار آزاد امیدوار حلقہ این اے106سید نور الحسن شاہ نے وڑائچانوالہ میں ایک انتخابی اکٹھ سے خطاب کرتے ہوئے کیا انہوں نے کہا کہ اس بات کا ثبوت یہ ہے کہ آج ہماری انتخابی مہم ہمارے دوست اپنی پوری توانیاں صرف کر کے چلا رہے ہیں،یہ بات کسی امیدوار کی فتح کی علامت ہوتی ہے میں بھی وعدہ کرتا ہوں کہ میرے دروازے چوبیس گھنٹے کے لئے ہر کسی کے کھلے ہیں،اور کھلے رہیں گے حلقہ کی عوام کا یہ پیار ہی میرا سرمایہ ہے،یہی میری کامیابی ہے اور اسی کو میں اپنا ٹکٹ بھی سمجھتا ہوں انہوں نے کہا کہ ایک مخالف امیدوار کی طرف سے اپنے ایک ساتھی کوڈرانے دھمکانے کے واقعہ کی مذمت کرتے ہوئے کہا کہ جس کسی نے بھی میرے ساتھی کو پریشان کرنے کی کوشش کی تو میں ساتھیوں کی حفاظت کرنا خوب جانتا ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بھلیسرانوالہ میں سید نور الحسن شاہ کی انتخابی مہم کے سلسلہ میں ایک شاندار اکٹھ
ڈنگہ(محمد بلال احمد بٹ)بھلیسرانوالہ میں سید نور الحسن شاہ کی انتخابی مہم کے سلسلہ میں ایک شاندار اکٹھ کا اہتمام معروف زمیندار و سیاسی و سماجی شخصیت چوہدری محمد وارث ،چوہدری مختار احمد سابق نائب ناظم،چوہدری شان علی،چوہدری عظمت علی،چوہدری منظور علی،سید نذر حسین شاہ،سید اقبال حسین شاہ نے کیاتھا،جس میں گجر،سادات،مغل،کھٹانہ اور بھٹی برادریوں نے سید نو رالحسن شاہ کی حمایت کا اعلان کر دیا۔اکٹھ سے سید نو رالحسن شاہ،چوہدری محمد وارث،چوہدری مختار احمد،چوہدری شان علی،سید نذر حسین شاہ نے خطاب کیاسینکڑوں لوگوں نے اکٹھ میں شرکت کی اور سیدنور الحسن شاہ کا فقید المثال استقبال کیا گیا۔جبکہ وڑائچانوالہ میں بھی سید نور الحسن شاہ کی حمایت میں اکٹھ کیا گیا جس میں چوہدری راشد محمود سابق جنرل سیکرٹری بار ایسوسی ایشن ،چوہدری سلیمان،چوہدری ماجد محمود اور انجمن فلاح و اتحاد کے چیئر مین بشیر احمد نے سید فیض الحسن شاہ کی موجودگی میں حمایت کا اعلان کیا۔اس موقع پر چوہدری راشد محمود،چوہدری آفتاب احمد،حافظ شاہ محمود نے خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :عوام کا فرض ہے کھوٹے اور کھرے کی پہچان کریں 11مئی کو عوام ووٹ کی طاقت سے سیاسی مداریوں کو شکست دیں گے،چوہدری قمر زمان کائرہ
ڈنگہ(محمد بلال احمد بٹ)سابق وفاقی وزیر،امیدوار حلقہ این اے106مرکزی راہنما پاکستان پیپلز پارٹی چوہدری قمر زمان کائرہ نے اپنے بیان میں کہاعوام کا فرض ہے کھوٹے اور کھرے کی پہچان کریں 11مئی کو عوام ووٹ کی طاقت سے سیاسی مداریوں کو شکست دیں گے،انہوں نے کہا کہ ہم نے بلا تفریق علاقہ کی عوام کی بے لوث خدمت کی قابل تقلید مثالیں قائم کی ہیں اپنے تمام سیاسی وعدے پورے کئے ہیںپاکستان پیپلز پارٹی ہی عوامی امنگوں کی حقیقی ترجمان جماعت ہے، انشاء اللہ گیارہ مئی کو فتح پاکستان پیپلز پارٹی کی ہو گی انہوں نے کہ طرم خان جو دعوے کر رہے ہیں بدلہ ہے پنجاب بدلیں گے پاکستان تھانہ کلچر کو بدل نہ سکے تھانے میں رشوت کے بغیر غریب آدمی کی شنوائی ممکن نہیںپاکستان بدلنے کی بجائے طرم خان کو مشورہ ہے کہ پہلے تھانہ کلچر اور پٹواری کلچر کی سیاست کو تبدیل کر کے عوامی خدمت کو ترجیح دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : صدام چشتی آستانہ عالیہ پاک پتن شریف ،چوہدری نصر اقبال آف سکھ چیناں کی انتخابی مہم کے سلسلہ میں ڈنگہ پہنچ گئے
ڈنگہ(محمد بلال احمد بٹ)ملک کے معروف نعت خواں محمد صدام چشتی آستانہ عالیہ پاک پتن شریف ،آزاد امیدوار حلقہ این اے106چوہدری نصر اقبال آف سکھ چیناں کی انتخابی مہم کے سلسلہ میں ڈنگہ پہنچ گئے،انہوں نے اپنے ایک بیان میں کہا کہ
میں نے باقاعدہ طور پر چوہدری نصر اقبال کی باقاعدہ کمپین شروع کر دی ہے ،صحافیوں سے گفتگو کرتے ہوئے کہا کہ چوہدری نصر اقبال حقیقی عوامی امنگوں کے ترجمان ہیں،ہم ان کی کامیابی کے لئے ہر ممکن کوشش جاری رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :سید منور حسن آٹھ مئی بروز بدھ کو لالہ موسیٰ کیمپنگ گرائونڈ میں جلسہ عام سے تین بجے خطاب فرمائیں گے
ڈنگہ(محمد بلال احمد بٹ)امیر جماعت اسلامی پاکستان سید منور حسن آٹھ مئی بروز بدھ کو لالہ موسیٰ کیمپنگ گرائونڈ میں جلسہ عام سے تین بجے خطاب فرمائیں گے،ڈنگہ سے چوہدری عبدالستار امیدوار حلقہ پی پی113کی قیادت میں درجنوں گاڑیوں پر مشتمل قافلہ جلسہ میں شرکت کرے گا۔جلسہ کے لئے بھر پور انتظامات کئے گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پاکستان تحریک انصاف کے چیئر مین عمران خان 8مئی بروز بدھ کو لالہ موسیٰ سبزی منڈی میں تقریباً چار بجے لانگ مارچ سے خطاب فرمائیں گے
ڈنگہ(محمد بلال احمد بٹ)پاکستان تحریک انصاف کے چیئر مین عمران خان 8مئی بروز بدھ کو لالہ موسیٰ سبزی منڈی میں تقریباً چار بجے لانگ مارچ سے خطاب فرمائیں گے۔چوہدری شرافت حسین ایڈووکیٹ امیدوار حلقہ پی پی113کی قیادت میں سینکڑوں نوجوان ریلی کی صورت میں لالہ موسیٰ میں لانگ مارچ میں شریک ہونگے۔لانگ مارچ کی تیاریاں مکمل کر لی گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:سابق وفاقی وزیر چوہدری قمر زمان کائرہ سات مئی کو فاطمہ جناح لیڈیز پارک ڈنگہ میں عظیم الشان جلسہ سے خطاب کریں گے
ڈنگہ(محمد بلال احمد بٹ)سابق وفاقی وزیر چوہدری قمر زمان کائرہ سات مئی کو فاطمہ جناح لیڈیز پارک ڈنگہ میں عظیم الشان جلسہ سے خطاب کریں گے۔جلسہ کے تمام انتظامات مکمل کر لئے گئے ہیں۔ساجد عدالت بٹ،ماجد عدالت بٹ ،رائو ساجد جہانگیر،مظہر نور ایڈووکیٹ سمیت پاکستان پیپلز پارٹی کے عہدیداران و کارکنان سینکڑوں کی تعداد میں جلسہ گاہ پہنچیں گے۔یہ ڈنگہ کا تاریخی جلسہ ثابت ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : سات مئی کوڈنگہ میں ہونے والا تاریخی جلسہ مخالفین کے لئے ریفرنڈم ہو گا،،ماجد عدالت بٹ
ڈنگہ(محمد بلال احمد بٹ)ممتاز سیاسی و سماجی شخصیت ماجد عدالت بٹ نے کہا ہے کہ سات مئی کوڈنگہ میں ہونے والا تاریخی جلسہ مخالفین کے لئے ریفرنڈم ہو گا،ڈنگہ کے غیور عوام اپنے قائد قمر زمان کائرہ کا پرتپاک استقبال کر کے ثابت کر دیں گے کہ اہلیان ڈنگہ وفا کرنے والوں کے ساتھ ہے۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :محلہ مائی دا ڈیرہ کی مہر برادری نے سید نور الحسن شاہ کی حمایت کا اعلان کر دیا۔
ڈنگہ(محمد بلال احمد بٹ)محلہ مائی دا ڈیرہ کی مہر برادری نے سید نور الحسن شاہ کی حمایت کا اعلان کر دیا۔مہر منیر احمد ،مہر عرفان ظفر،مہر بشیر احمد،مہر عنصر محمود،مہر عزیز احمد،مہر محمد صدیق،مہر افضال احمد،محمد صادق کھوکھر،ڈاکٹر غلام شبیر نے ساتھیوں اور دھڑے سمیت سید فیض الحسن شاہ کی موجودگی میں حمایت کا اعلان کر دیا،اس موقع پر چوہدری آفتاب احمد،چوہدری احسان قادر،چوہدری ساجد محمود،سیٹھ منیر احمد،آصف بلا نے خطاب کیا جبکہ ڈنگہ لوکڑی ٹالا والی کی مہر،بھٹی،کالس،ملک،الرحمانی اور غفاری برادریوں نے سید نور الحسن شاہ آف کلیوال سیداں کی حمایت کا اعلان کر دیا،اس سلسلہ میں ایک اکٹھ محمد یوسف کالس کے ڈیرے پرہوا، جس میں سید فیض الحسن شاہ نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :چوہدری جعفر اقبال امیدوار برائے قومی اسمبلی حلقہ این اے106 کی حمایت میں باگڑیانوالہ میں ایک عظیم الشان جلسہ
ڈنگہ(محمد بلال احمد بٹ)چوہدری جعفر اقبال امیدوار برائے قومی اسمبلی حلقہ این اے106 کی حمایت میں باگڑیانوالہ میں ایک عظیم الشان جلسہ ،ہزاروں افراد نے شرکت کی،حاجی مظہر عباس،نواز ساہی نے جلسہ کروایا اعلان حمایت کرنے والوں میں ثاقب بشیر،ذوالفقار ساہی،نعیم رضا ساہی،علی جواد،مدثر اقبال،ذیشان افضل ساہی،علی حسین ساہی سمیت دیگر افراد نے برادریں سمیت چوہدری اقبال کی حمایت کی۔ جبکہ لوکڑی مکڑاں ڈنگہ میں انصاری برادری کی سرکردہ شخصیات نے میاں طارق محمود اور چوہدری جعفر اقبال کی حمایت کر دی۔گذشتہ روز لالہ منور انصاری کی حویلی میں ہونے والے حمایتی اکٹھ میںغلام مصطفی بھٹی،بشیر انصاری،احمد خاںسمیت دیگر افراد نے برادری دھڑے سمیت چوہدری جعفر اقبال اور میاں طارق طارق محمود کی حمایت کا اعلان کیا اس موقع پر حاجی صدیق مغل،سہیل اشرف،ندیم اشرف،امجد بھٹہ سمیت سینکڑوں افراد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :آج شام بروز سوموار محلہ طاہر آباد ڈنگہ میں ن لیگ کے امیدواران کی حمایت میں بڑے جلسہ کا اہتمام کیا جائے گا
ڈنگہ(محمد بلال احمد بٹ)آج شام بروز سوموار محلہ طاہر آباد ڈنگہ میں ن لیگ کے امیدواران کی حمایت میں بڑے جلسہ کا اہتمام کیا جائے گا،الائیڈ سکول میں ہونے والے جلسہ کے انتظامات پاک ویلفیئر سوسائی محلہ طاہر آباد ترتیب دے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :الیکشن کے باوجود چالیس لاکھ میٹرک ٹن گندم کی خریداری کا ہدف پورا کریں گے
ڈنگہ(محمد بلال احمد بٹ)الیکشن کے باوجود چالیس لاکھ میٹرک ٹن گندم کی خریداری کا ہدف پورا کریں گے،باردانہ میرٹ کی بنیاد پر تقسیم کر رہے ہیں،نگران وزیراعلیٰ پنجاب نجم سیٹھی نے خطا ب کرتے ہوئے کہا کہ رشوت خورافسروں کے خلاف کاروائی ہو گی،کسی صورت میں کرپشن نہیں ہونے دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حکومت کی جانب سے دی جانے والی سبسڈی 297ارب تک پہنچ گئی
ڈنگہ(محمد بلال احمد بٹ)حکومت کی جانب سے دی جانے والی سبسڈی 297ارب تک پہنچ گئی،حکومت کا سسٹم میں 2900میگا واٹ بجلی کا منصوبہ سبسڈی کے لئے وزارت خزانہ پر دبائو ہے،جبکہ وزارت پانی و بجلی کو دس ارب روپے جاری کر دیئے گئے ہیں یہ رقم بجلی گھروں کو تھرمس آئل کی فراہمی کے لئے خرچ کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :الیکشن کمیشن آف پاکستان نے انتخابات میں دھاندلی روکنے کے لئے تمام پریذائڈنگ افسروں کو دس سے بارہ مئی تک تین دن کے لئے درجہ اول کے مجسٹریٹ کے اختیارات دے دیئے
ڈنگہ(محمد بلال احمد بٹ)الیکشن کمیشن آف پاکستان نے انتخابات میں دھاندلی روکنے کے لئے تمام پریذائڈنگ افسروں کو دس سے بارہ مئی تک تین دن کے لئے درجہ اول کے مجسٹریٹ کے اختیارات دے دیئے،پریذائڈنگ آفیسر گڑ بڑ کرنے والوں کو موقع پر سزا دے سکیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : انتخابات میں قوم بلے کے نشان پر مہر لگا کر مفاد پرست سیاستدانوں کو مسترد کر دیں گے،ملک بابر حسین
ڈنگہ(محمد بلال احمد بٹ)پاکستان تحریک انصاف سٹی ڈنگہ کے صدر ملک بابر حسین اعوان نے کہا ہے کہ انتخابات میں قوم بلے کے نشان پر مہر لگا کر مفاد پرست سیاستدانوں کو مسترد کر دیں گے،عمران خان ہی ملک و قوم کے روشن مستقبل کی علامت ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ممتاز صحافی و ایڈیٹر ڈیلی جلا وطن رانا قاسم حسنین علی کے بہنوئی رانا خالد محمود راولپنڈی میں انتقال کر گئے
ڈنگہ(محمد بلال احمد بٹ)ممتاز صحافی و ایڈیٹر ڈیلی جلا وطن رانا قاسم حسنین علی کے بہنوئی رانا خالد محمود راولپنڈی میں انتقال کر گئے۔ضلع گجرات کے ممتاز صحافیوں نے رانا قاسم حسنین علی سے اظہار تعزیت و رنج و الم کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :الیکشن ڈیوٹی سے انکار کرنے پر ایک ہزار ملازموں کے وارنٹ گرفتاری جاری کرنے کا حکم کردیا گیا
ڈنگہ(محمد بلال احمد بٹ)الیکشن ڈیوٹی سے انکار کرنے پر ایک ہزار ملازموں کے وارنٹ گرفتاری جاری کرنے کا حکم کردیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :انچارج ایلیٹ فورس گجرات ضیغم عباس ثناء کی والدہ وفات پا گئیں
ڈنگہ(محمد بلال احمد بٹ)انچارج ایلیٹ فورس گجرات ضیغم عباس ثناء کی والدہ وفات پا گئیں،نماز جنازہ جھیورانوالی میں نماز مغرب کے بعد ادا کیا گیا،جس میں سینکڑوں ملازمین کے علاوہ اہم سیاسی سماجی شخصیات نے شرکت کی اور ضیغم عباس ثناء سے اظہار رنج و الم کیا۔
