حیدرآباد(جیوڈیسک)پیپلز پارٹی کے رہنما شرجیل میمن کا کہنا ہے کہ انتخابات میں ٹرن آوٹ کم نکل سکتا ہے کیونکہ الیکشن کمیشن ناتجربہ کار ہے۔ حیدرآباد میں ذرائع سے گفتگو کرتے ہوئے شرجیل میمن نے کہا انتخابات میں ایک جانب بارودی قوتیں ہیں تو دوسری جانب ڈیموکریٹک لبرل جماعتیں ہیں۔
الیکشن کمیشن نے انتخابات کرانے کی ذمہ داری اٹھائی ہے تو پورا کرنا اسکا فرض ہے۔الیکشن کمیشن کی ناتجربہ کاری کے باعث ٹرن آٹ کم ہو سکتا ہے۔ امیدواروں کوووٹرز کو لانے کیلئے ٹرانسپورٹ کی سہولت نہیں دی گئی ہے۔
پولنگ اسٹیشنوں میں ردوبدل کردیا گیا ہے۔شرجیل میمن کا کہنا تھا کہ تین صوبوں میں دہشت گردی کے واقعات جاری ہیں جبکہ ایک صوبے میں سیاسی سرگرمیاں بھرپور طریقے سے جاری ہیں۔
ہر مسئلے کا حل بندوق اور گولیاں نہیں ،نواز شریف کا برطانوی اخبار کو انٹرویو
اے این پی کا الیکشن کمیشن کو خط،یکساں انتخابی مواقع نہ ملنے پر تحفظات کا اظہار
