توانائی بحران کو حل کرنے کیلئے حکومتی سطح پر کوششوں کا سلسلہ جاری ہے اور وزیراعظم نے سرکاری دفاتر میں ایئرکنڈیشنز کے استعمال پر پابندی لگا دی ہے اس کے ساتھ ہی سرکاری ملازمین کیلئے ڈریس کوڈ بھی جاری کردیا گیا توانائی کا بحران شدت اختیار کرتاجارہا ہے ، ایک طرف عوام سراپا احتجاج ہیں تو دوسری جانب حکومت اور حکومتی ادارے مسئلے کے حل کیلئے کوشاں۔
کبھی ہفتے میں دو چھٹیوں کا اعلان اور کبھی اعلانیہ اور غیر اعلانیہ لوڈ شیڈنگ کے ذریعے بحران پر قابو پانے کی کوششیں ۔۔ نگران وزیراعظم نے کفایت شعاری اور بچت کی پالیسی کے تحت اب سرکاری دفاتر میں ایئرکنڈیشنز کے استعمال پر ہی پابندی لگا دی ہے ،پابندی کا اطلاق 15 مئی سے تمام سرکاری اداروں پر ہوگا،پابندی ملک میں توانائی کی صورتحال بہتر ہونے تک عائد رہے گی۔
اس کے ساتھ ہی وزیراعظم نے سرکاری ملازمین کے لئے ڈریس کوڈ بھی جاری کردیا ہے جس کے تحت ملازمین ہلکے رنگ یا سفید شلوارقیمض پہن سکتے ہیں،سرکاری ملازمین بغیر موزے کے سینڈل استعمال کریں گے ،اور خواتین ملازمین کو بھی دفاتر میں سینڈل استعمال کرنے کیلئے کہا گیا ہے، وزیراعظم کا کہنا ہے کہ اگر ڈریس کوڈ پر سات دن میں عملدرآمد نہ ہوا تو خلاف ورزی کرنے والوں کے خلاف کارروائی ہوگی۔
آئندہ انتخاب جیت کر لاہور کوماڈل سٹی،چودھری پرویزالہی
لاہور:عمران خان کی صحتیابی کے لیے بکروں کا صدقہ
