لاہور(جیو ڈیسک)لاہور، اسلام آباد، راولپنڈی ڈویژنوں میں رات آندھی آئی اور ہلکی بوندا باندی کے علاوہ کہیں کہیں گرج چمک کے ساتھ بارش بھی ہوئی۔وفاقی دارالحکومت میں بارش کے بعد گرمی کا زور ٹوٹ گیا، لاہور میں بھی ہلکی بوندا باندی سے موسم خوشگوار ہو گیا۔
فتح جنگ میں بارش کے باعث کار حادثے میں چار افراد زخمی ہوئے۔ آئندہ بارہ گھنٹے کے دوران ملک کے بیشتر حصوں میں موسم گرم اور خشک رہنے کا امکان ہے تاہم اسلام آباد، راولپنڈی ڈویژن، گلگت بلتستان اور کشمیر کے چند مقامات پر گرج چمک کے ساتھ بارش کی توقع ہے۔
سب سے زیادہ گرمی تربت میں پڑی جہاں زیادہ سے زیادہ درجہ حرارت پینتالیس ڈگری سینٹی گریڈ ریکارڈ کیا گیا جبکہ اسلام آباد میں بتیس ڈگری سینٹی گریڈ، لاہور اڑتیس، کراچی پینتیس، پشاور چونتیس، کوئٹہ انتیس، مری بیس، مظفر آباد اکتیس اور گلگت میں چوبیس ڈگری سینٹی گریڈریکارڈ کیا گیا۔
کراچی : پرتشدد اور فائرنگ کے واقعات، 4 افراد جاں بحق، 3 زخمی
واشنگٹن : امریکا میں پاکستان سفیر شیری رحمان نے استعفی دے دیا
