راولپنڈی (جیوڈیسک)راولپنڈی کی انسداد دہشت گردی کی عدالت نے سابق وزیراعظم بے نظیر قتل کیس میں سابق صدر پرویز مشرف کے جوڈیشل ریمانڈ میں 28 مئی تک توسیع کرتے ہوئے ایف آئی اے کو آئندہ سماعت پر چالان پیش کرنے کی ہدایت کردی۔ سابق وزیراعظم بے نظیر بھٹو قتل کیس کی سماعت راولپنڈی کی انسداد دہشت گردی کے جج چوہدری حبیب الرحمن نے کی۔
سابق صدر پرویز مشرف کے وکیل سلمان صفدر بیرون ملک ہونے کے باعث پیش نہ ہوسکے جبکہ سابق صدر کو سکیورٹی خدشات کے باعث حاضری سے استثنی دیتے ہوئے ان کے جوڈیشل ریمانڈ میں 28 مئی تک توسیع کردی۔
عدالت نے بے نظیر قتل کیس میں ایف آئی اے کو حکم دیا کہ وہ آئندہ سماعت پر کیس کا مکمل چالان پیش کریں جبکہ پراسیکیوٹر جنرل چوہدری اظہر کو فول پروف سکیورٹی دینے کی بھی ہدایت کی۔
تین قومی،دو صوبائی اسمبلی کے آزاد امیدوار مسلم لیگ ق میں شامل
قائد ایم کیو ایم الطاف حسین کی طبیعت ناساز، آرام کا مشورہ، اعلامیہ
