ڈس انفارمیشن پھیلانے والوں کیخلاف تادیبی وقانونی کاروائی کی جائے گی ‘اے پی ایم ایل
Posted on May 18, 2013 By Abeer Webmaster کراچی
کراچی بیگم صہبا پرویز مشرف کا سیاست سے کوئی تعلق نہیں ہے اس لئے ان کے نام سے منسوب کرکے من گھڑت خبریں پھیلانا ڈس انفارمیشن ہی نہیں بلکہ انتہائی گھٹیا اور غیر اخلاقی حر کت بھی ہے ۔ یہ بات آل پاکستان مسلم لیگ سندھ کے جنرل سیکریٹری شاہد قریشی نے بیگم صہبا مشرف کے حکم پر آل پاکستان مسلم لیگ سندھ کی کابینہ توڑ دیئے جانے کی خبروں کی تردید کرتے ہوئے کہی ۔
انہوں نے کہا کہ الحمداللہ اے پی ایم ایل سندھ کابینہ پوری طرح منظم ہے اور اس کے تمام عہدیدار اپنے عہدوں پر برقرار رہتے ہوئے اپنے فرائض و خدمات انجام دے رہے ہیں ۔ آل پاکستان مسلم لیگ سندھ کے انفارمیشن سیکریٹری طاہر حسین کی جانب سے جاری مراسلے کے مطابق آل پاکستان مسلم لیگ سندھ کابینہ نے اس سلسلے میں پرویز مشرف کو آگاہ کردیا ہے۔
ان کی ہدایت پر آل پاکستان مسلم لیگ نے بیگم صہبامشرف سے منسوب کرکے اس قسم کے جھوٹے پراپیگنڈے کے ذریعے بیگم صہبا مشرف کو بدنام کرنے اور اے پی ایم ایل میں اختلافات پیدا کرنے کی سازش کرنے والوں کے خلاف قانونی کاروائی کی تیاریوں کا آغاز کردیا ہے اور بہت جلد یہ تمام لوگ عدالت کے کٹہرے میں موجود ہوں گے ۔
43 پولنگ اسٹیشنز پر فوج تعینات کی جائے گی، آئی ایس پی آر
کراچی : لی مارکیٹ میں فائرنگ، ایک شخص جاں بحق، دوسرا زخمی
