اسلام آباد(جوڈیسک) اسلام آباد نگراں حکومت کے دور میں بھی عوام کو مہنگائی کا تحفہ مل گیا ، نیپرا نے آٹھ مہینوں کی فیول ایڈجسٹمنٹ کے زریعے فی یونٹ بجلی 5روپے 82پیسے مہنگی کر دی ، بجلی کی قیمت میں اضافہ اگست 2012سے مارچ 2013تک آٹھ مہینوں کی فیول ایڈجسٹمنٹ کی مد میں کیا گیا ، وصولی جون سے اکتوبر 2013کے بلوں میں ہو گی ، نیپرا نے نوٹیفکیشن جاری کر دیئے۔
نیپرا نے کی طرف سے جاری کیئے جانیوالے نوٹیفکیشنز میں اگست کے سوا مارچ 2013تک تمام مہینوں کیلئے بجلی مہنگی کی گئی ہے ، اگست میں فی یونٹ بجلی 5پیسے سستی جبکہ ستمبر میں 5پیسے مہنگی کی گئی ہے ، اکتوبر کیلئے فی یونٹ بجلی 4پیسے ، نومبر کیلئے91پیسے ، دسمبر 2012کیلئے ایک روپے 33پیسے فی یونٹ مہنگی کی گئی ، جنوری 2013 کیلئے ایک روپے55پیسے فی یونٹ اضافہ کیا گیا ہے۔
فروری کیلئے 64پیسے ، اور مارچ کیلئے ایک روپے 33پیسے فی یونٹ بجلی مہنگی کی گئی ہے ، نیپرا کے مطابق اگست سے نومبر2012 تک کی فیول ایڈجسٹمنٹ جون کے بلوں میں کی جائے گی ، دسمبر کا اضافہ جولائی کے بلوں میں صارفین سے وصول کیا جائے گا۔
جنوری کا اضافہ اگست ، فروری کا اضافہ ستمبر جبکہ مارچ کا اضافہ اکتوبر 2013کے بلوں میں وصول کیا جائے گا ، ماہانہ 50یونٹ تک بجلی استعمال کرنے والے صارفین اضافے سے مستثنی ہوں گے ، بجلی کی قیمتوں میں اضافہ کے ای ایس سی کے سوا بجلی کی تقسیم کار تمام کمپنیوں کیلئے کیا گیا ہے۔
چوہھدری نثار کی ایک اور نشست خطرے میں
چینی کی برآمدات دس لاکھ ٹن سے تجاوز کرنے کا امکان
