مادھوری ڈکشٹ کے آئٹم سونگ نے خطرے کی گھنٹی بجا دی، دھماکے دار پرفارمنس دیدی۔ممبئی: (آن لائن) بالی وڈ دیوا اور سٹائل آئیکون مادھوری ڈکشت کا نام آتے ہی ان کے بے شمار ہٹ آئٹم سونگز نظروں کے سامنے گھومنے لگتے ہیں۔ ایک دو تین، دھک دھک کرنے لگا، چولی کے پیچھے کیا ہے سے لیکر آجا نچ لے تک مادھوری نے آئٹم سونگز کی اتنی ورائٹی دی ہے جس کا مقابلہ کرنا بظاہر مشکل ہے۔
چھیالیس سالہ دلکش مسکراہٹ کی مالک مادھوری نے ایک اور آئٹم سونگ پر دھماکے دار پرفارمنس دے کر نئی نسل کی ہیروئنز کے لیے خطرے کی گھنٹی بجا دی ہے۔ اس آئٹم سونگ میں ان کے ساتھ دکھائی دیں گے رنبیر کپور۔ بھارتی چینل کے مطابق رنبیر کپور کی آنے والی فلم ”یہ جوانی ہے دیوانی” کا ایک اور گانا ریلیز کر دیا گیا ہے۔ ویسے تو اس فلم کے اب تک جتنے بھی گانے ریلیز ہوئے ہیں سب ہی ہٹ ہیں۔ چاہے وہ بدتمیزدل ہو یا بلم پچکاری لیکن نیا گانا ”گھاگھرا” موج مستی سے بھرپور شاہکار ہے۔
آئٹم سونگ ”گھاگھرا” میں رنبیر کپور موہنی یعنی مادھوری کے عشق میں گرفتار ان کے گرد چکر لگاتے نظر آئیں گے اور مادھوری بل کھاتی، اٹھلاتی رنبیر کی شوخ اداوں کا جواب دیتی دکھائی دیں گی۔ گانا دیکھنے والوں کا کہنا ہے کہ مادھوری نے اپنے سے آدھی عمر کے ہیرو کے ساتھ کام کرنے کے باوجود عمر کے فرق کو کہیں محسوس نہیں ہونے دیا۔ ان کا ڈانس سٹائل اور لٹکے جھٹکے آج بھی اتنے ہی شاندار اور خوبصورت ہیں جتنے نوجوان مادھوری کے ہوتے تھے۔
لندن : ایشوریا، میڈونا اور بیونسے کیساتھ چیریٹی شو میں شرکت کریں گی
رنبیر کپور کی کامیاب سرجری، سینے میں بننے والا ابلہ نکال لیا گیا
