ملک کے دیگر حصوں تحصیل تلہ گنگ میں بھی بجلی کا بحران شدت اختیار کر گیا
Posted on May 23, 2013 By Noman Webmaster سٹی نیوز
تلہ گنگ : ملک کے دیگر حصوں تحصیل تلہ گنگ میں بھی بجلی کا بحران شدت اختیار کر گیا، شہر کے محلہ جھاٹلہ اور سلطان روڈ پرسات روز قبل جل جانے والے ٹرانسفارمرٹھیک نہ ہو سکے ،بجلی کی بندش سے شہری بے حال ہو گئے ،واپڈا حکام کو بد دعائیں۔
تفصیلات کے مطابق تحصیل تلہ گنگ میں طویل اور غیر اعلانیہ لوڈ شیڈنگ کے باعث عوام نڈھال ہو کر رہ گئے۔سات روز قبل سلطان روڈ اور محلہ جھاٹلہ میں ٹرانسفارمر جل گیا کئی بار متعلقہ واپڈا حکام کو آگاہ کیا گیا۔
لیکن سات روز گزرنے کے باوجود ابھی تک مذکورہ ٹرانسفارمر ٹھیک نہ کئے جا سکے جس پر اہلیان سلطان روڈ اور محلہ جھاٹلہ نے واپڈا حکام کے خلاف سخت احتجاج کرتے ہوئے غفلت کے مرتکب اہلکاروں کیخلاف تادیبی کاروائی کا مطالبہ کیا ہے۔
