بجلی کی طویل لوڈشیڈنگ کے باعث ملک کا معاشی ڈھانچہ بری طرح تباہ ہوکررہ گیا ہے، روحیل اکبر چوہدری
Posted on May 26, 2013 By Geo Urdu سٹی نیوز
تحریک تحفظ پاکستان کے مرکزی رہنماء روحیل اکبر چوہدری نے ملک میں بڑھتی ہوئی بجلی کی لوڈ شیڈنگ کے خلاف شدید ردعمل کا اظہار کرتے ہوئے کہا ہے کہ یہ صورتحال حکمرانوں کی مبینہ بد اعمالیوں کامنطقی نتیجہ ہیں ،جس کا خمیازہ پوری قوم کو بھگتنا پڑ رہا ہے۔
اپنے ایک بیان میں انہوں نے کہا کہ ایک طرف بڑھتی ہوئی مہنگائی نے عوام کو شدید مشکلات سے دوچار کررکھا ہے ،جبکہ دوسری طرف بجلی کی طویل لو ڈشیڈنگ کے باعث ملک کا معاشی ڈھانچہ بری طرح تباہ ہوکررہ گیا ہے ،جسکے ہماری برآمدات پر منفی نتائج مرتب ہورہے ہیں ۔
،انہوں نے کہا کہ موجودہ حکمران پاور جنریشن کمپنیوں کو انکے واجبات کی ادائیگی کی بجائے بجلی کے بلوں کی صورت میں جمع ہونے والی رقوم مبینہ طور پر اپنی عیاشیوں پرخرچ کرنے میں مصروف ہیں ،اور اس صورتحال کے باعث پاور کمپنیوں نے بجلی کے پیداواری یونٹ بند کررکھے ہیں ،جسکے نتیجہ میں ملک وقوم کو تاریخ کی بد ترین لوڈ شیڈنگ کا سامنا کرنا پڑ رہا ہے ،صنعتیں بند پڑی ہیں اور ان میں کام کرنے والے مزدور بے روز گار ہوکررہ گئے ہیں
