گجرات کی خبریں 30.05.2013
Posted on May 31, 2013 By Noman Webmaster گجرات
دی ایجوکیٹرز بارہ دری کیمپس میں ماہانہ درس قرآن یکم جون بروز ہفتہ صبح دس بجے ہو گا
گجرات(جی پی آئی)دی ایجوکیٹرز بارہ دری کیمپس میں ماہانہ درس قرآن یکم جون بروز ہفتہ صبح دس بجے ہو گا ، جس میں ممتاز عالم دین صاحبزادہ غلام بشیر نقشبندی درس قرآن دینگے اور سوالوں کے جوابات دینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز روحانی شخصیت صاحبزادہ پیر سید زاہد حسین شاہ ترمذی عمرہ کے بعد وطن واپس پہنچ گئے
گجرات(جی پی آئی)ممتاز روحانی شخصیت صاحبزادہ پیر سید زاہد حسین شاہ ترمذی عمرہ کے بعد وطن واپس پہنچ گئے ، ممتاز شخصیات نے ان سے ملاقات کی اور عمرہ کی مبارک باد پیش کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دی ایجوکیٹرز بارہ دری کیمپس میں آج صبح سات بجے پری فیکٹوریل بورڈ ایوارڈ کی تقریب منعقد ہو گی
گجرات(جی پی آئی)دی ایجوکیٹرز بارہ دری کیمپس میں آج صبح سات بجے پری فیکٹوریل بورڈ ایوارڈ کی تقریب منعقد ہو گی ، جس میں سکول کے ہیڈ بوائز ، ہیڈ گرلز ، ڈپٹی ہیڈ بوائز ، ڈپٹی ہیڈ گرلز سے حلف لیا جائیگا ، اور انہیں سال 2013-14کیلئے ذمہ داریاں سونپی جائیں گی ، اس تقریب کے مہمان خصوصی سابق ایم پی اے قمر عامر چوہدری ہونگی ، جبکہ تقریب کی صدارت شہزاد شفیق نقشبندی کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع گجرات میں فوری طور پر برن یونٹ قائم کیا جائے
گجرات(جی پی آئی)ضلع گجرات میں فوری طور پر برن یونٹ قائم کیا جائے ، ان خیالات کا اظہار سٹیزن فرنٹ کے ضلعی صدر چوہدری علی ابرار جوڑا نے ہنگامی اجلاس کے دوران خطاب کرتے ہوئے کیا انہوں نے کہا کہ گجرات جیسے اہم ضلع میں برن یونٹ نہ ہونا لمحہ فکریہ ہے ، اور معصوم جانیں برن یونٹ نہ ہونے کی وجہ سے ضائع ہو جاتی ہیں ، انہوں نے کہا کہ سانحہ منگووال افسوس ناک ہے ، اور اس سانحہ نے ہر باشعور شہری کو رلا دیا ہے ، حکومت ایسے اقدامات کرے جس سے اس طرح کے واقعات کی روک تھام ہو سکے ، اجلاس میں شہداء کے ایصال ثواب کیلئے فاتحہ خوانی کی گئی اور شہید ٹیچر سمیعہ اعظم کو خراج تحسین پیش کیا گیا ، جس نے اپنی جان دیکر اپنے بچوں کی جان بچائی ، حکومت سے مطالبہ کیا گیا اس بہادر خاتون کو اعلیٰ سول ایوارڈ سے نوازا جائے ، اجلاس میں چوہدری عامر ندیم ، شیخ عرفان پرویز ، عامر چوہدری ، ایم وائی ناصر ، محمد اشرف منہاس ، اکبر بیگ برلاس ، ڈاکٹر رزاق احمد غفاری راجہ محمد اعجاز ، آصف گجر ، زاہد شاہ ، ارشد گجر و دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او گجرات کی جانب سے TOTکا انعقاد گورنمنٹ کالج برائے خواتین ریلوے روڈ میں ٹریننگ آف ٹرینرز کا انعقاد ہوا
گجرات(جی پی آئی)ڈی سی او گجرات کی جانب سے TOTکا انعقاد گورنمنٹ کالج برائے خواتین ریلوے روڈ میں ٹریننگ آف ٹرینرز کا انعقاد ہوا ، جس میں ضلع بھر کے مختلف کالجز کے پرنسپل اور لیکچراز خواتین اور حضرات نے کثیر تعداد میں شرکت کی ، اس ٹریننگ کا انعقاد گریپ ڈویلپمنٹ سنٹر یونیورسٹی آف گجرات GRAPنے کیا ، اس ورکشاپ میں جینڈر سپیشلسٹ محمد ارشد بیگ ، سید جعفر رضا بخاری ، کیئرئیر ڈویلپمنٹ آفیسر UOG، پرنسپل گورنمنٹ ریلوے کالج برائے خواتین مسز قاریہ پروین بٹ ، مسز رفعت جبیں اسسٹنٹ وائس پرنسپل ، اس میں خصوصی طور پر ڈپٹی ڈائریکٹر کالجز ظفر اقبال فوکل پرسن نے شرکت کی ، اس موقع پر مہمانوں میں سونیئر اور شرکاء میں سرٹیفکیٹ تقسیم کیے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تنظیم الغفاری پاکستان کے سینئر نائب صدر محمد نواز شاہد غفاری کی بھابی رضائے الٰہی سے انتقال کر گئیں
گجرات (جی پی آئی)تنظیم الغفاری پاکستان کے سینئر نائب صدر محمد نواز شاہد غفاری کی بھابی اور صدر پنجاب ایجوکیٹرز ایسوسی ایشن ضلع گجرات محمد عامر بوٹا کی تائی جان ، محمد خالد ، صابر حسین ، امجد حسین اور مقصود احمد کی والدہ محترمہ قضائے الٰہی سے انتقال فرما گئیں ہیں ، جن کی نماز جنازہ صبح دس بجے جمنا گجرات والے قبرستان میں ادا کی جائیگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گھریلوناچاقی پرچاربچوں کی ماں نے ساروکی پل سے نہر میں چھلانگ لگاکرخودکشی کرلی
گجرات(جی پی آئی)گھریلوناچاقی پرچاربچوں کی ماں نے ساروکی پل سے نہر میں چھلانگ لگاکرخودکشی کرلی۔تفصیلات کے مطابق امین آبادگجرات کی رہائشی پروین زوجہ غلام عباس نے گھریلوناچاقی پرساروکی پل سے نہرمیں چھلانگ لگادی جس سے وہ موقع پرہی دم توڑگئی۔ ساروکی پٹرولنگ پولیس کے انچارج عمران فاروق سوہی نے اپنے ملازمین کے ہمراہ اورریسکیو1122نے موقع پرپہنچ کرنعش کوباہرنکلاتومتوفیہ کے بازوسے ایک شاپربندھاہواتھاجس پرٹیلی فون نمبرزدرج تھے جس سے متوفیہ اوروارثان کی شناخت کرلی گئی۔متوفیہ کے دوبیٹے اوردوبیٹاں تھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سانحہ منگوال ایک المناک حادثہ ہے:حافظ بشارت انجم
گجرات(جی پی آئی)گجرات منگوال میں سکول وین میں آتشزدگی کے باعث 16 معصوم بچوں اور انکی بہادر ٹیچر کے زندہ جل کر شیہد ہونے والے واقعہ کا جتنا بھی افسوس کیا جائے کم ہے ۔اس المناک حادثہ نے نہ صرف ملک بھر بلکہ بیرون ملک میں بھی اورسیزکمیونٹی کے دلوں کو ہلا کر رکھ دیا ہے ۔اس واقعہ کا زکر سنتے ہی دل خون کے آنسو روتا ہے۔جس میں مملکت فرداد پاکستان اور شہیدوں کی دھرتی کے معصوم پھول جو چند افراد اور اداروں کی غفلت سے محض چند لمحوں کے اندر رتبہ شہادت پر فائز ہو گئے جس میں دنیا بھر پاکستانیوں کے دل سوگوار ہیں ۔ان خیالات کا اظہار آرائیں یوتھ فورم کے راہنماؤں حافظ بشارت انجم ،میاں عبدالرحمن ،میاں افتخار احمد ،مہر شفیق ،،میاں مظفر ،میاں بلال،حاجی احسن ایوب،شہزاد تاج آرائیں میاں یاسین ،مہر عمران نے سانحہ منگوال کے حوالے سے آرائیں انٹرنیشنل یوتھ فورم کے تعزیتی اجلاس سے خطاب کرتے ہوئے کیا انھوں نے کہا کہ آرائیں انٹرنیشنل یوتھ فورم حکومت اور آّنے والی حکومت دونوں سے مطالبہ کرتی ہے کہ گجرات شہیدو ں کی دھرتی کی بہادربیٹی جس نے اپنی دھرتی کی روایت کو برقرار رکھتے ہوئے اپنے معصوم شاگردوں کی جان بچاتے ہوئے اپنی جان کی قربانی دی اسے وطن عزیز کے سب سے بڑے سولا اعزاز سے نوازاجائے اور اس بہادر خاتون کی یادگار بھی قائم کی جائے تاکہ ہمارے معاشرے میں دوسروں کیلئے اسی مادی دور میں ایثار قربانی کا جذبہ پیدا ہو ۔آرائیں انٹرنیشنل یوتھ فورم اس بہادر خاتون ٹیچر سمیعہ نزیر کی عظمت کو سلام پیش کرتی ہے ۔ہماری اس بہن نے اپنی جان کی قربای دیتے ہوئے یہ ثابت کیا ہے کہ گجرات کی دھرتی س جب بھی وطن عزیز نے قربانی مانگی یہاں کے باسیوں نے اپنی جان کا نزرانہ خوشی سے پیش کیا اور ہر دور میں ایثار قربانی کی لازوال داستان رقم کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
17قیدی خواتین نے ایک ماہ کا دستکاری کورس مکمل کر لیا
گجرات(جی پی آئی)وزارت صنعت حکومت پاکستان کے پروگرام کے تحت 17قیدی خواتین نے ایک ماہ کا دستکاری کورس مکمل کر لیا ہے جنہیں خصوصی تقریب کے دوران اسناد اور نقد انعامات سے نوازا گیا۔ ایک ہنر ایک نگر”آہن”پر وگرام کے تحت جاری تربیتی کورس کی نگرانی سپرنٹنڈنٹ جیل امتیا ز احمد بھی کی زیر قیادت لیڈی ڈپٹی سپر نٹنڈنٹ مس عمبر نقوی اور اسسٹنٹ سپرنٹنڈنٹ تحریم نیازی خواتین اساتذہ عامرہ بتول اور ساجدہ خانم نے کی۔کورس کے اختتام پرکورس میں شرکت کرنے والی قیدی خواتین کو اسناد اور فی کس پانچ ہزار روپے نقد انعام سے نوازا گیا۔ اس موقع پر اظہار خیال کرتے ہوئے جیل سپرنٹنڈنٹ امتیاز احمد بھلی نے کہا کہ قیدیوں کی فلاح بہبود اور انہیں معاشرے کا مفید اور فعال شہری بنانا حکومت کی اولین ترجیح ہے۔ انہوں نے کہا کہ کورس میں حصہ لینے والی خواتین جیل سے رہائی کے بعد نہ صرف معاشرے کی مفید شہری بنیں گی بلکہ روزگار کما کر بہتر انداز سے اپنی زندگی گذار سکیں گی۔اس موقع پر کورس کے ریجنل مینیجر شیخ نوید اور دیگر افسران بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔
بڑھتی ہوئی دہشت گردی قتل و غارت مہنگائی نے ملک کا امن تباہ کر دیا ہے:چوہدری مدثر محمود
گجرات(جی پی آئی)بڑھتی ہوئی دہشت گردی قتل و غارت مہنگائی نے ملک کا امن تباہ کر دیا ہے ملک میں انقلاب قرآن و سنت کے نفاذ سے ہی ممکن ہے مسلمانوںنے قرآن و سنت پر عمل سے دنیا میں حکمرانی کی ہے ان خیالات کا اظہار مسلم لیگ یوتھ ونگ سٹی کے سینئیر نائب صدرچوہدری مدثر محمودنے کرتے ہوئے کیا انہوں نے کہا کہ پاکستان کی بقاء و استحکام کا ایک ہی راستہ ہے کہ یہاں مکمل اسلامی نظام نافذ کیا جائے تاکہ ملک سے دہشت گردی قتل و غارت اور مہنگائی پر کنٹرول کیا جا سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایل پی جی گیس کی کمی کی وجہ سے کئی رکشہ مالکان پریشان گیس نہ ملنے کی وجہ سے ان کا روز گار ٹھپ ہو کر رہ گیا
گجرات(جی پی آئی)ایل پی جی گیس کی کمی کی وجہ سے کئی رکشہ مالکان پریشان گیس نہ ملنے کی وجہ سے ان کا روز گار ٹھپ ہو کر رہ گیا ان کے بچے فاقہ کشی پر مجبور ہو گئے، رکشہ پرتین ،چار سو کی مزدوری کرنے والا اب گھر میں فارغ کیا کرے ،حکومت بڑی گاڑیوں سے تو سلنڈر نہ اتروا سکی لیکن اس نے غریب رکشہ والوں کا کاروبار ختم کر کے نہ جانے ان کو کون سا کاروبار ڈال کر دینا ہے،ہماری نو منتخب حکومت سے التجا ہے کہ ہمارے روز گار کو بند نہ کیا جائے اور نہ ہی ایل پی جی گیس کو ختم کیا جائے جس سے ہمارے بچوں کا روز گار بند ہو جائے رکشہ مالکان نے کہا کہ اگر ہم رکشہ کو پیٹرول پر بھی چلائیں تو وہ اتنا مہنگا ہے کہ ہم استعمال نہیں کر سکتے اگر کرتے ہیں تو سواری کرایہ نہیں برھتی ہمیں اور ہمارے بچوں کو بوکھا مرنے سے بچایا جائے اور ہمیں ناجائز تنگ نہ کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
عزیز بھٹی شہید ہسپتال میں زیر علاج ایک سالہ بچہ ڈاکٹر کی غفلت کے باعث جاں بحق ہو گیا
گجرات (جی پی آئی ) عزیز بھٹی شہید ہسپتال میں زیر علاج ایک سالہ بچہ ڈاکٹر کی غفلت کے باعث جاں بحق ہو گیا بتایا گیا ہے کہ منڈی بہائوالدین کی رہائشی خاتون سعدیہ نے اپنے ایک سالہ بیٹے محمد فاروق کو جو کہ خسرہ کی بیماری میں مبتلا تھا کو عزیز بھٹی شہید ہسپتال داخل کرایا جہاں ڈاکٹروں کی غفلت اور علاج معالجہ کی بروقت سہولت نہ ہونے کی وجہ سے دم توڑ گیا لڑکے کی والدہ سعدیہ نے میڈیا کو بتایا کہ میں اپنے بچے کے علاج کے لئے کئی گھنٹوں تک ہسپتال میں ذلیل و خوار ہوتی رہی مگر ڈاکٹروں نے یہ کہہ کر مجھے ٹال دیا کہ یہاں خسرہ کی بیماری کا علاج ممکن نہیں اور نہ ہی ہسپتال میں ادویات موجود ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
DCO آصف بلال لودھی نے سانحہ منگووال میں شہید ہونے والی ٹیچر کو سول ایوارڈ دینے کیلئے گورنر پنجاب کو رپورٹ بھیج دی
گجرات (جی پی آئی ) ڈی سی او گجرات آصف بلال لودھی نے سانحہ منگووال وین حادثہ میں شہید ہونے والی ٹیچر سمیعہ نورین کو سول ایوارڈ دینے کے لئے گورنر پنجاب میاں احمد مخدوم کو رپورٹ ارسال کر دی ہے جس میں سکول ٹیچر کی بہادری اور جرأت مندانہ اقدام کو سراہا گیا امید ہے کہ گورنر پنجاب ایک دو روز میں شہید ہونے والی سکول ٹیچر کو سول ایوارڈ دینے کا اعلان کر دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔
رائل فین کے زیر اہتمام سالانہ شاندار طمانچے دار کبڈی میچ گجرات کی ٹیم نے جیت لیا
گجرات(جی پی آئی)رائل فین کے زیر اہتمام سالانہ شاندار طمانچے دار کبڈی میچ گجرات کی ٹیم نے جیت لیا ، جبکہ مد مقابل سیالکوٹ ٹیم نے بھر پور مقابلہ کیا ۔ڈائریکٹر رائل فین شیخ انجم رفیق ، شیخ خاور رفیق ، چیف ایگزیکٹو تیمور رفیق ، حماد رفیق ، فہد رفیق ، عمیر رفیق ، اور الحاج افضل گوندل کی زیر سر پرستی طمانچے دار کبڈی میچ ہوا ۔ جس میں گجرات اور سیالکوٹ کی ٹیموں نے حصہ لیا ۔مہمان خصوصی الحاج افضل گوندل اور ڈائریکٹر رائل فین عمیر رفیق نے گجرات ٹیم کے کیپٹن علی وڑائچ کو مین آف دی میچ اور ونر ٹرافی دی جبکہ بہترین پرفارمنس پر ذکاء اللہ ، محمد اشفاق ، علی کھٹالہ کو انعامات دیئے گئے اور رنر اپ ٹیم سیالکوٹ کو 15 ہزار روپے انعام دیا گیا ۔اس موقع پر اشرف گوندل ، چوہدری محمد شریف فورمین رائل فین ، چوہدری نوید ، خالد محمود ، شاہد بابا ، محمد یوسف، محمد نفیس ، چوہدری نذیر ، ذیشان شیخ ، میاں زین پگانوالہ ، ناصر محمود ڈار ، ملک شاکر ، فضل احمد پہلوان ، سلیم عباس پہلوان اور دیگر معززین علاقہ کی بڑی تعداد موجود تھی، جبکہ شائقین کی بڑی تعداد موجود تھی اور اس موقع پر شیخ انجم رفیق ، شیخ خاور رفیق ، الحاج افضل گوندل ، عمیر رفیق ، حماد رفیق کی طرف سے کھلاڑیوں کو حوصلہ افزائی کیلئے پنکھے اور ہزاروں کے نقد انعامات بھی دیئے گئے۔
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
گجرات چیمبر آف کامرس اینڈ انڈسٹری کے زیر اہتمام آجبیڈمنٹن ٹورنامنٹ ہو گا
گجرات(جی پی آئی)گجرات چیمبر آف کامرس اینڈ انڈسٹری کے زیر اہتمام آج بروز جمعتہ المبارک بیڈ منٹن ٹورنامنٹ جامعہ سکول میں ہو گا ۔جس میں صدر عدنان اقبال مکی ، سینئر نائب صدر ندیم چیمہ ، نائب صدر ملک مظہر اقبال اعوان ، چیئرمین بیڈ منٹن ٹورنامنٹ کمیٹی محمد علی اکرم فاروقی اور چیئرمین سپورٹس کمیٹی وحید الدین ٹانڈہ و دیگر عہدیداران ممبران شرکت کرینگے ۔ جبکہ گجرات ، لالہ موسیٰ ، کھاریاں ، ڈنگہ اور دیگر علاقوں کی ٹیمیں ٹورنامنٹ میں حصہ لیں گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔
کبڈی کے کھلاڑی دنیا میں پاکستان کا نام روشن کرنے کی صلاحیت رکھتے ہیں :الحاج افضل گوندل
گجرات(جی پی آئی)ممتاز صنعتکار چیئرمین گوندل گروپ آف انڈسٹری الحاج افضل گوندل نے کہا ہے کہ کبڈی کے کھلاڑی دنیا میں پاکستان کا نام روشن کرنے کی صلاحیت رکھتے ہیں اور یہی دنیا میں پاکستان کا پرچم لہرا سکتے ہیں ۔ ہمیںان پر ناز ہے ان خیالات کا اظہار انہوں نے رائل فین کے زیر اہتمام سالانہ شاندار طمانچے دار کبڈی میچ کے اختتام شائقین اور کھلاڑیوں سے خطاب کرتے ہوئے کیا۔ اس موقع پر ڈائریکٹر رائل فین حماد رفیق ، فہد رفیق ، عمیر رفیق ، اشرف گوندل بھی موجود تھے ۔الحاج افضل گوندل نے کہا کہ صحت مند معاشرے کیلئے کھیلوں کا انعقاد بہت ضروری ہے اور اس ملک کو صحت مند لوگوں نے ہی سنبھالنا ہے ہماری ذلت کی گھڑیاں ختم ہونے والی ہیں ۔ نوجوان نے ہی پاکستان کا مستقبل بننا ہے اور ہمیں ان پر فخر ہے انہوں نے سالانہ کبڈی ٹورنامنٹ کے انعقاد پر رائل فین کی انتظامیہ کو خراج تحسین پیش کیا۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔
ضلعی انتظامیہ پیٹرول کین اور ناقص سیلنڈروں والی گاڑیوں کے خلاف گرینڈ آپریشن جاری
گجرات (جی پی آئی ) سانحہ منگووال پانچ روز گزرنے کے بعد بھی ضلعی انتظامیہ پیٹرول کین اور ناقص سیلنڈروں والی گاڑیوں کے خلاف گرینڈ آپریشن جاری ہے گذشتہ روز ضلعی انتظامیہ کے آفیسران اور ٹریفک پولیس کے عملہ نے شہر بھر میں چلنے والی گاڑیوں کی چیکنگ کے دوران درجنوںگاڑیوں کو پکڑ کر ان کے خلاف مختلف تھانوں میں مقدمات درج کروائے ضلعی انتظامیہ کی طرف سے گاڑی مالکان کو وارننگ دی گئی ہے کہ وہ اپنی اپنی گاڑیوں سے پیٹرول کین اٹھا لیں بصورت دیگر ان کے خلاف قانونی کارروائی عمل میں لائی جائے گی۔
