امریکا (جیوڈیسک) امریکا کے گاٹلین اور جمیکا کی فریزر نے پری فونٹین کلاسک ایتھلیٹک چیمپئن شپ کا ایک سو میٹر ایونٹ جیت لیا۔اوریگون امریکی ریاست اوریگون میں ہونیوالی ایتھلیٹک چیمپئن شپ کی مینز ایک سو میٹر ریس میں امریکی ایتھلیٹ جسٹن گاٹلین نے پہلی پوزیشن کے ساتھ گولڈ میڈل حاصل کیا۔ انہوں نے فاصلہ نو اعشاریہ آٹھ آٹھ سیکنڈز میں طے کیا۔ امریکا ہی کے مائیکل روجر دوسرے اور ریان بیلی تیسرے نمبر پر رہے۔
ویمنز کی ایک سو میٹر ریس میں جمیکن ایتھلیٹ شیلی فریزر دس اعشاریہ سات ایک سیکنڈز میں فاصلہ مکمل کر کے فاتح رہیں۔ مینز کی پانچ ہزار میٹر ریس میں کینیا کے ایڈوین سوئی کامیاب ہوئے جبکہ مردوں ہی کی آٹھ سو میٹر ریس میں ایتھوپیا کے محمد امین نے ایک منٹ چوالیس اعشاریہ چار دو سیکنڈز کے تیز ترین دورانیہ میں فاصلہ طے کیا اور پہلی پوزیشن اپنے نام کی۔ خواتین کی چار سو میٹر ریس میں بوٹسوا کی کھلاڑی نے ایک سیکنڈز کے فرق سے کامیابی حاصل کی۔
ورلڈ سیلنگ چیمپئن سربین اینسلی نے نیا ریکارڈ بنا دیا
پی او اے کی عبوری کمیٹی نے نیشنل گیمز کے انعقاد کا اعلان کر دیا
