نواز شریف کے تیسری بار وزیر اعظم بننے پرلیگی کارکن شہر شہر جشن منارہے ہیں۔ کہیں ڈھول کی تھاپ پر والہا نہ رقص کیا جارہا ہے تو کہیں لوگ ایک دوسرے کا کر رہے ہیں منہ میٹھا۔ پاکستان مسلم لیگ نون کے قائد میاں نواز شریف کے تیسری بار وزیراعظم منتخب ہونے پر شہر شہر جشن کا سماں ہے۔ لیگی کارکنان بہت پر جوش ہیں۔
مخلتف شہروں میں ن لیگ کے متوالے ڈھول کی تھاپ دیوانہ وار رقص کرتے دکھائی دیئے۔ متوالے نوا زشریف زندہ باد کے نعرے لگاتے رہے۔ زندہ باد لاہور میں میاں نواز شریف کے حلقے این اے ایک سو بیس میں لیگی کارکنوں نے ذبردست جشن کا سماں باندھا۔ ملتان، فیصل آباد اور گجرانوالہ میں جشن کا سماں دیدنی تھا۔ متوالوں میں خواتین اور بچے بھی پیش پیش تھے۔
متوالوں نے میاں نواز شریف کے تیسری بار وزیراعظم بننے پر مٹھائیاں تقسیم کیں۔ پشاور میں میاں نواز شریف حلف برداری کے دوارن موٹر سائیکل ریلی نکالی جائے گی۔ مسلم لیگ ن کے رہنما مفتی نوید العصر اور میاں سید بادشاہ موٹر سائیکل ریلی کی قیادت کریں گے۔ پشاور میں نو منتخب وزیراعظم کی تقریب حلف برداری بڑی اسکرین پر دکھائی جائے گی۔ اور آتش بازی سے جشن منایا جائے گا۔
ایم کیو ایم کا کل سندھ بھر میں پرامن یوم سوگ منانے کا اعلان
پنجاب کے وزیراعلی کا انتخاب کل ہو گا
