غریب پاکستانیوں کے ووٹ لیکر اقتدار کی تیسری باری لینے والے میاں نواز شریف اس بار امیر المومنین بننے سے اجتناب کریں ، روحیل اکبر
Posted on June 5, 2013 By Noman Webmaster سٹی نیوز
تحریک تحفظ پاکستان کے مرکزی جوائنٹ سیکریٹری اطلاعات روحیل اکبر نے کہا ہے کہ اس بار میاں نواز شریف امیر المومنین بننے سے اجتناب کریں اور جن غریب پاکستانیوں کے ووٹ لیکر وہ اقتدار کی تیسری باری تک پہنچے ہیں سب سے پہلے انکی محرومیوں کا ازالہ کریں۔
اپنے ایک جاری بیان میں انہوں نے کہا کہ گرمی ، مہنگائی اور غربت کی دلدل میں دھنسی ہوئی غریب عوام نے میاں نواز شریف کو اس لیے ووٹ نہیں دیے کہ وہ خود ٹھنڈے کمروں میں بیٹھ کر عوام کے لیے مشکلات پیدا کریں بلکہ اس لیے انہیں وزیر اعظم بنایا گیا ہے کہ وہ پاکستانی عوام کی محرومیوں کا ازالہ کریں اگر اس بار بھی میاں نواز شریف نے امیر المومنین بننے کی کوشش کی تو پھر آنے والے پانچ سال دور نہیں ہیں۔
