متحدہ قومی موومنٹ کے قائد الطاف حسین نے کارکنوں کے قتل اور بھتہ خوری کے خلاف سندھ بھر میں پرامن یوم سوگ پر عوام کو خراج تحسین پیش کرتے ہوئے کہا ہے کہ کامیاب یوم سوگ کارکنان کی نسل کشی کے خلاف عوامی ردعمل کا منہ بولتا ثبوت ہے۔ ایم کیو ایم لندن سیکریٹریٹ سے جاری اپنے ایک بیان میں الطاف حسین نے کہاکہ کارکنوں کی نسل کشی، گمشدگی اوردہشت گردوں کی بھتہ خوری کے خلاف پرامن یوم سوگ کی اپیل پرسندھ بھرکے تاجروں، صنعتکاروں، ٹرانسپورٹرز اور عوام نے مثالی اتحاد کا مظاہرہ کیا۔
الطاف حسین نے کہاکہ قتل وغارتگری اور دہشت گردی کے ذریعہ نہ تو حق پرست عوام کے حوصلے پست کئے جاسکتے ہیں اورنہ ہی انہیں حق پرستی کی جدوجہد سے باز رکھاجاسکتا ہے۔انہوں نے کے لواحقین سے ایک مرتبہ پھر دلی تعزیت کا اظہار کرتے ہوئے دعا کی کہ اللہ تعالی مقتولین کو جنت الفردوس میں اعلی مقام عطا فرمائے اور سوگواران کو صدمہ برداشت کرنے کی ہمت عطاکرے۔
متحدہ قومی موومنٹ کی جانب سے مختلف واقعات میں شہید ہونے والے کی روح کے ایصال و ثواب کیلئے کراچی سمیت سندھ بھر میں قرآن خوانی کی گئی ایم کیو ایم کی جانب سے قرآن خوانی اور دعا کا اہتمام کیا گیا جس میں بڑی تعداد میں کارکنان اور شہریوں نے شرکت کی۔ قرآن خوانی کے بعد کارکنان نے کراچی سمیت ملک کے دیگر حصوں میں متحدہ کے کارکنان کی گرفتاریوں اور انتقامی کارروائیوں کی روک تھام کیلئے دعا کی ۔
ملک بھر میں شب معراج عقیدت و احترام سے منائی جا رہی ہے
بارہ جون سے بارشیں اور سیلاب کا خدشہ، ارسا کی واپڈ کو وارننگ
