گجرات کی خبریں 12.06.2013
Posted on June 13, 2013 By Tahir Webmaster گجرات
پنجاب نعت کونسل کا تعزیتی اجلاس صدر شیخ عرفان پرویز کی زیر صدارت منعقد ہوا
گجرات (جی پی آئی) پنجاب نعت کونسل کا تعزیتی اجلاس صدر شیخ عرفان پرویز کی زیر صدارت منعقد ہوا، اجلاس میں گجرات نعت کونسل کے صدر حاجی ارشاد احمد بٹ کی اہلیہ محترمہ اور سابق AVP نیشنل بینک آف پاکستان چوہدری محمد افضل طاہر کی اہلیہ محترمہ کی وفات پر فاتحہ خوانی کی گئی اور دعا کی گئی کہ اللہ تبار ک و تعالیٰ مرحومین کو جنت الفردوس میں اعلیٰ جگہ دے اور پسماندگان کو صبر جمیل عطا کرے، اجلاس میں مرزا الیاس جرال، سیٹھ ظہیر عباس صراف، میاں سہیل منیر، اورنگزیب میر، مہر عثمان عرف شاری، عامر چوہدری، ڈاکٹر رزاق احمد غفاری، گل خاں اور تنویر بھٹی نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب نعت کونسل کا تعزیتی اجلاس زیر صدارت شیخ عرفان پرویز منعقد ہوا
گجرات (جی پی آئی) پنجاب نعت کونسل کا تعزیتی اجلاس زیر صدارت شیخ عرفان پرویز منعقد ہوا، جس میں حاجی ارشاد احمد بٹ آف یوکے کی اہلیہ محترمہ کو وفات پر گہرے رنج و غم کا اظہار کیا اور دعا کی گئی کہ اللہ تعالیٰ مرحومہ کو جنت الفردوس میں اعلیٰ جگہ اور لواحقین کو صبر جمیل عطا فرمائے، اجلاس میں مہر عثمان عرف شاری، عامر چوہدری، ڈاکٹر رزاق احمد غفاری، تنویر بھٹی، شیخ عدنان پرویز، گل خان، اورنگزیب، سیٹھ ظہیر عباس و دیگر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیٹھی ٹریڈنگ کمپنی کے زیر اہتمام لکی کمیٹی کی قرعہ اندازی منعقد ہوئی
گجرات (جی پی آئی) سیٹھی ٹریڈنگ کمپنی کے زیر اہتمام لکی کمیٹی کی قرعہ اندازی منعقد ہوئی، جس میں منیجر ڈائریکٹر شہباز افضل سیٹھی کی سربراہی میں قرعہ اندازی کی گئی، اور خوش نصیب کو بذریعہ قرعہ اندازی موٹر سائیکل انعام دیا گیا، خوش نصیب کا نام صغیر احمد آف چناب ڈیریز کٹھالہ چناب تھا اس موقع پر محمد امیر حمزہ سیٹھی، محمد راحیل عباس سیٹھی، محمد امیر حسن سیٹھی، اشتیاق، جواد، عتیق الرشید بٹ، ڈاکٹر تجمل حسین عادل، شعیب انور، ملک اخلاق، بائو سرفراز شاہ، چوہدری ارشد، شیخ عرفان پرویز، خالد بٹ، سمیع ودیگر شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دوبئی کلاتھ ہائوس میں سیل کی افتتاحی تقریب منعقد ہوئی
گجرات (جی پی آئی) دوبئی کلاتھ ہائوس میں سیل کی افتتاحی تقریب منعقد ہوئی، شہباز افضل سیٹھی، خالد بٹ، مہر خالد اسلم نے افتتاح کیا، اس موقع پر شیخ عرفان پرویز، شیخ ریحان پرویز، علی سیفی، محمد جاوید ملک، کلیم بٹ، نبیل شہزاد و دیگر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسٹرکٹ کرکٹ ایسوسی ایشن کے زیر اہتمام U-16 کرکٹ کیمپ کا انعقاد بروز جمعتہ المبارک بوقت بجے صبح ظہور الٰہی سٹیڈیم گجرات میں منعقد ہونگے
گجرات (جی پی آئی) ڈسٹرکٹ کرکٹ ایسوسی ایشن کے زیر اہتمام U-16 کرکٹ کیمپ کا انعقاد بروز جمعتہ المبارک بوقت بجے صبح ظہور الٰہی سٹیڈیم گجرات میں منعقد ہونگے، اس موقع پر DCO گجرات آصف بلال لودھی ، حاجی ناصر محمود سابق ایم پی اے ، DOC شجاع قطب بھٹی اور ندیم بٹ ٹرائیلز کے مہمان خصوصی ہونگے ، DCA کے صدر آصف امتیاز، سیکرٹری سید نسیم عباس U-19 گجرات کی ٹیم کا اعلان کرینگے ،U-16 ٹرائیلز کیلئے ضلع بھر کے 13 سال سے زیادہ اور 17سال سے کم عمر کے کھلاڑی
حصہ لیں گے ، ٹرائیلز کیلئے کوچز خالد محمود بٹ، مرزا شبیر احمد، شاہد ممتاز ملک ہونگے اور عبدالقدوس خان منیجر ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر طارق سلیم اور میاں شبیر احمد خاور نے برما ”میانمار” میں مسلمانوں کے قتل عام کی شدید مذمت
گجرات (جی پی آئی)جماعت اسلامی ضلع گجرات کے قائمقام امیر ڈاکٹر طارق سلیم اور جنرل سیکرٹری میاں شبیر احمد خاور نے برما میانمار میں مسلمانوں کے بڑے پیمانے پر قتل عام کی شدید مذمت کرتے ہوئے کہا کہ بے گناہ مسلمانوں کے قتل عام پر اقوام متحدہ سمیت عالمی اداروں کی مجرمانہ خاموشی ظاہر کرتی ہے کہ ان نام نہاد اداروں کے نزدیک مسلمانوں کے انسانی حقوق کی کوئی اہمیت نہیں۔ وہ صرف غیر مسلموں اور جارح قوتوں کے حقوق کے نگران ہیں۔ جماعت اسلامی کے ان راہنمائوں نے کہا کہ ”ارکان” میں مسلمانوں کو مساجد اور گھروں میں شہید کیا جا رہا ہے، انہیں زندہ جلایا جا رہاہے اور جرم بے گناہی میں اذیت دے کر معصوم بچوں تک کو شہید کیا جارہا ہے اور اس طرح مسلمانوںکی مکمل طور پرنسل کشی کے منصوبہ پر عملدرآمد ہو رہا ہے۔ جماعت اسلامی کے ان راہنمائوں نے کہا کہ غیر مسلم قوتوں کی کاسہ لیس انسانی حقوق کی مقامی این جی اوز (NGOs) جو آئے روز مسلمانوں کی طرف سے جھوٹے سچے واقعات پر آسمان سر پر اٹھا لیتی ہیں، بھی برمی مسلمانوں کے اس قتل عام پر منہ میں گھنگھیاں ڈالے ہوئے ہیں۔ انہوں نے مزید کہا کہ غیروں کی مجرمانہ خاموشی تو سمجھ میں آتی ہے مگر عالم اسلام کے ڈیڑھ ارب مسلمانوں کو بھی سانپ سونگھ گیا ہے جو اتنے بڑے سانحہ پر بے حسی کا مظاہرہ کر رہے ہیں۔ امیر جماعت اسلامی پاکستان سید منور حسن نے جمعة المبارک کو مظاہروں کی اپیل کی ہے تاکہ عالمی ضمیر کے ساتھ ساتھ خواب غفلت کے شکار مسلمانوں کو جھنجھوڑا جا سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اراضی کے تنازعہ پر 3 مسلح افراد نے اندھا دھند فائرنگ کی مسلم لیگ ن کے مقامی رہنما کو موت کے گھاٹ اتار دیا
گجرات (جی پی آئی ) کڑیانوالہ کے نواحی گائوں اراضی کے تنازعہ پر 3 مسلح افراد نے اندھا دھند فائرنگ کی مسلم لیگ ن کے مقامی رہنما کو موت کے گھاٹ اتار دیا تفصیلات کے مطابق گذشتہ روز کڑیانوالہ کے گائوں پر سووال میں اراضی کے تنازعہ پر مختار وغیرہ تین مسلح افراد نے فائرنگ کر کے ظفر اقبال کو قتل کر دیا اور فرار ہو گئے مقتول ظفر اقبال ن لیگ کے مقامی رہنما تھے پولیس تھانہ کڑیانوالہ نے ملزمان کے خلاف مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لین دین کے عوض ریلوے روڈ کے رہائشی کو ایک لاکھ روپے کا جعلی چیک تھما دیا
گجرات (جی پی آئی) لین دین کے عوض ریلوے روڈ کے رہائشی کو ایک لاکھ روپے کا جعلی چیک تھما دیا بتایا گیا ہے کہ محلہ نور پور پڈھے کے رہائشی مظہر محبوب خان لودھی کو ساروکی کے رہائشی محمد اعظم نے لین دین کے عوض ایک لاکھ روپے کا جعلی چیک دیا جو کیش نہ ہو سکا پولیس تھانہ لاری اڈا مصروفِ تفتیش ہے یاد رہے کہ ملک محمد اعظم اعوان نے پہلے بھی متعدد افراد کو لاکھوں روپے کے جعلی چیک دئیے جو کیش نہ ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیر سید حیدر شاہ اور پیر سید رضا علی شاہ کا 144 واں سالانہ عرس مبارک آج منعقد ہو گا
گجرات ( جی پی آئی ) پیر سید حیدر شاہ اور پیر سید رضا علی شاہ کا 144 واں سالانہ عرس مبارک آج بروز جمعرات نواحی گائوں سماں میں منعقد ہو گا عرس کی تقریبات کی نگرانی سید فضل حسین شاہ سید عارف حسین شاہ سید مسیر حسین شاہ کریں گے لنگر کا خصوصی انتظام ہو گا دوست احباب سے شرکت کی استدعا ہے یاد رہے کہ میلہ سماں قبل ازاں ماہ ہاڑ میں منعقد ہوتا تھا ماہ رمضان المبارک کی وجہ سے ماہ جیٹھ میں منعقد ہو رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید باقر رضوی نے چوہدری محمد طفیل مرحوم کی ہمشیرہ کے انتقال پر اظہار تعزیت کی
گجرات (جی پی آئی ) تحریک استقلال کے مرکزی نائب صدر انسانی حقوق کمیٹی پنجاب کے چیئرین سید باقر رضوی نے چوہدری محمد طفیل مرحوم کی ہمشیرہ کے انتقال پر اظہار تعزیت کرتے ہوئے مرحومہ کیلئے دعائے مغفرت کی سید باقر رضوی نے عامر ندیم چوہدری سے اظہار تعزیت کیا اور مرحومہ کیلئے دعائے مغفرت کرتے ہوئے کہا کہ خداوند کریم پس ماندگان کو صبر جمیل دے اور مرحومہ کو جنت الفردوس میں جگہ عطا فرمائے۔
چوھدری محمد طفیل مرحوم کی ھمشیرہ اور حافظ اسد طاھر کی والدہ محترمہ کی نماز جنازہ میں ممتاز شخصیات کی کثیر تعداد شرکت ہے
