مستونگ (جیوڈیسک) مستونگ میں نامعلوم افراد نے سابق گورنر بلوچستان ذوالفقار علی مگسی کے قریبی عزیز مہر اللہ مگسی کو 2 محافظوں سمیت اغوا کر لیا۔ مستونگ میں سابق گورنر بلوچستان ذوالفقار علی مگسی کے رشتے دار میر مہر اللہ مگسی جھل مگسی سے کوئٹہ آ رہے تھے کہ دشت میں کوئٹہ سبی شاہراہ پر نامعلوم افراد نے میر مہر اللہ مگسی کو دو محافظوں سمیت اغوا کر لیا اور نامعلوم مقام کی طرف لے گئے۔
مہر اللہ مگسی کوئٹہ یونیورسٹی بم دھماکے میں جاں بحق ہونے والی بیٹی کی میت کو لینے کے لئے کوئٹہ جا رہے تھے۔ لیویز انتظامیہ اور سیکیورٹی فورسز نے مغویوں کی بازبی کے لیے مختلف علاقوں کی ناکہ بندی کر دی ہے۔ لیویز نے مہر اللہ مگسی کی گاڑی دشت کے علاقے تیرامیل سے برآمد کر لی ہے۔
مغوی مہر اللہ مگسی کے رشے داروں نے اغوا کی ابتدائی رپورٹ کوئٹہ سٹی تھانے اور لیویز تھانہ دشت میں درج کروا دی ہے۔ سیکیورٹی فورسز کے اہلکار مغوی کی بازیابی کے لیے کوشش کر رہے ہیں۔
صدر زرداری کا وزیراعلی بلوچستان کو فون، دہشتگردی سے نمٹنے کیلئے تعاون کی یقین دہانی
ڈیرہ غازی خان، زمین کے تنازع پر دو گروپوں میں تصادم، 3 افراد جاں بحق
