ممبئی (جیوڈیسک) این جی ٹیبالی ووڈ کی بلاک بسٹر فلم دی ڈرٹی پکچرز کی جوڑی عمران ہاشمی اور ودیا بالن ایک بار پھر سلور اسکرین پر تہلکہ مچانے کے لیے تیار ہیں جن کی آنے والی کامیڈی فلم، گھن چکر، کے نئے گانے کی وڈیو منظرِ عام پر آگئی ہے۔ امیتابھ بھٹا چاریہ کے تحریر کردہ، اللہ مہربان، کے بولوں پر مبنی اس گانے کو فلم کے موسیقار امیت ترویدی نے دیویا کمار کی آواز میں ریکارڈ کیا ہے۔
جسکی وڈیو میں عمران ہاشمی اپنی بیماری سے چھٹکارا پانے کے لیے ڈاکٹر کے چکر لگانے کیساتھ ہر ممکن نسخہ اور ٹوٹکا کرتے نظر آرہے ہیں۔ ہدایتکار راجکمار گپتا کی اس فلم میں عمران ہاشمی اور ودیا بالن کیساتھ راجیش شرما اور نمت داس اہم کردار ادا کر رہے ہیں۔ رونی اسکریووالا اور سدھارتھ رائے کپور کی پروڈکشن میں بننے والی اس فلم کی کہانی بھولنے کے مرض میں مبتلا ایک عام مہاراشٹرین شخص کے گرد گھومتی ہے۔
جو کچھ افراد کی ایک بھاری رقم کہیں رکھ کر بھول گیا ہے جسکے بعد اس سمیت اسکی پنجابی بیوی کی زندگی میں کیسے کیسے موڑ آتے ہیں اسکی بخوبی عکاسی کی گئی ہے۔ یو ٹی وی موشن پکچرز کے تحت عمران اور ودیا کی کامیڈی سے بھرپور یہ گھن چکر فلم 28 جون کو سینما گھروں کی زینت بنائی جائیگی۔
ہالی وڈ کی ایکشن فلم ایلزیم کا نیا ٹریلر آگیا
ایرن بریڈی نے مس یو ایس اے کا تاج سر پر سجا لیا
