ڈنگہ کی خبریں 17.06.2013
Posted on June 18, 2013 By Geo Urdu سٹی نیوز
ڈنگہ(محمد بلال احمد بٹ) مرکزی راہنما پاکستان تحریک انصاف سابق امیدوار حلقہ این اے 106 میاں افضل حیات نے اپنے بیان میں کہا کہ کوئٹہ میں قائداعظم ریذیڈنسی پر حملہ ایک سازش ہے اور طالبات کی بس پر بم دھماکے اور بولان میڈیکل کمپلیکس میں دہشت گردی کی شدید الفاظ میں مذمت کرتے ہیں اور اسے غیر ملکی سازش قرار دیتے ہوئے ملزمان کیخلاف خلاف سخت کاروائی کا مطالبہ کرتے ہیں۔ انہوںنے کہا کہ قائد اعظم محمد علی جناح سے منسوب اس تاریخی اور قومی اہمیت کی حامل عمارت تباہ کرنے والوں نے دراصل پاکستان کی اساس اور اس کی شناخت پر حملہ کیا ہے۔ انہوں نے کہا کہ دہشت گردوں نے ملک کے اہم قومی، تاریخی اور ثقافتی ورثے کو شدید نقصان پہنچایا ہے جس کی جتنی بھی مذمت کی جائے کم ہے۔ انہوں نے کہا کہ بانی پاکستان سے منسوب پاکستان کے تاریخی ورثے کی حرمت اور تقدس کا تقاضہ ہے کہ ایک قومی فریضہ جان کر اس سانحہ کے ذمہ داروں کو فوری گرفتار کر کے نشان عبرت بنایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : الیکشن میں کئے تمام وعدے پورے کریں گے، چوہدری جعفر اقبال ایم این اے
ڈنگہ (محمد بلال احمد بٹ) ایم این اے حلقہ این اے 106 چوہدری جعفر اقبال نے اپنے بیان میں کہا ہے کہ ہمیشہ شرافت کی سیاست کو فروغ دیا ہے، تھانہ کچہری کی سیاست کرنے والوں نے26سال سے عوام کو سولی پر لٹکائے رکھا، انہوں نے کہا کہ اللہ تعالیٰ نے ہمیں کامیابی سے ہمکنار کیا ہے حکومت کے پاس وسائل موجود ہیں لیکن منصوبہ بندی کے تحت استعمال نہیں کئے جاتے انہوں نے کہا کہ عوام کی نظریں ہمارے قائد میاں نواز شریف پر لگی ہوئی ہیں ہم امید کرتے ہیں میاں نواز شریف عوامی توقعات پر پورا اترتے ہوئے ملک کو مسائل سے باہر نکالیں گے انہوں نے ایک سوال کے جواب میں کہا کہ ہمارے ساتھیو ں اور ہم نے ہمیشہ شرافت کی سیاست کو فروغ دیا ہے۔ الیکشن میں کئے تمام وعدے پورے کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : حکومت عوام کو لوڈشیڈنگ سے نجات دلانے کیلئے کوشاں ہے،میاں طارق محمو د ایم پی اے
ڈنگہ (محمد بلال احمد بٹ) سابق صوبائی وزیر،سرسید آف ڈنگہ، ایم پی اے میاں طارق محمود نے اپنے بیان میں کہا کہ حکومت عوام کو لوڈ شیڈنگ سے نجات دلانے کیلئے کوشاں ہے انہوں نے کہا کہ مسلم لیگ (ن) کی حکومت تمام تر ممکنہ وسائل کو بروئے کار لا کر قوم کو اس بحران سے نجات دلائے گی عوامی خدمت ہماری اولین ترجیح ہے پنجاب حکومت عوام کو سہولیات فراہم کرنے کیلئے ہر ممکن اقدامات کر رہی ہے انہوں نے کہا کہ وفاقی بجٹ میں توانائی بحران کے خاتمہ، اخراجات اور آمدن میں توانائی کے قیام، ٹیکس نیٹ کو بڑھانے اور ملکی معیشت کو بہتر بنانے پر خصوصی توجہ دی گئی ہے عوام کی فلاح و بہبود اور ترقی کیلئے تمام وسائل کو بروئے کار لایا جائے گا مسلم لیگ (ن) کی سیاست کا محور ملک کی سا لمیت، جمہوریت اور عوام کے حقوق کی پاسداری ہے انہوں نے کہا کہ وزیر اعلی پنجاب محمد شہباز شریف کی ولولہ انگیز قیادت میں روزگار کی فراہمی، صحت، تعلیم، لوڈشیڈنگ کا خاتمہ، اور دیگر شعبوں کیلئے جدوجہد ہمارا مشن ہے ایک سوال کے جواب میں انہوں نے کہا کہ دہشت گردی کا خاتمہ حکومت کی اولین ترجیح ہے دہشت گرد انسانیت کے قاتل ہیں ان کا کوئی مذہب نہیں وفاقی اور صوبائی حکومت قوم کو دہشت گردی سے جلد نجات دلانے کیلئے موثر اقدامات کر رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :کسی بھی مذہب یا قوم کی بقاء اس کے بانی کی بقاء میں ہے جو قومیں اپنے بانیوں کو بھلا دیتی ہیں تاریخ انہیں بھلا دیتی ہے،ملک نوید احمد راہنما مسلم لیگ ن حلقہ پی پی 113
ڈنگہ (محمدبلال احمد بٹ) راہنما پاکستان مسلم لیگ ن حلقہ پی پی 113 ملک نوید احمداپنے بیان میں کہا کہ بلوچستان میں قائداعظم محمد علی جناح کی رہائشگاہ پر حملہ افسوسناک ہے، حکومت فوری طور پر اس واقعہ میں ملوث افراد کو کیفر کردار تک پہنچائے انہوں نے کہا کہ قائداعظم محمد علی جناح نے اس وطن کو مسلمانوں کیلئے حاصل کیا، مگر موجود ہ حالات میں حکومت کو اپنا کردار ادا کرنا چاہیے، اور پاکستان کے تحفظ کیلئے کسی بھی طرح کا سمجھوتہ نہیں کرنا چاہیے، قائداعظم محمد علی جناح کی رہائشگاہ پر دہشت گردی کسی بھی طرح قابل قبول نہیں۔ انہوں نے کہا کہ کسی بھی مذہب یا قوم کی بقاء اس کے بانی کی بقاء میں ہے جو قومیں اپنے بانیوں کو بھلا دیتی ہیں تاریخ انہیں بھلا دیتی ہے علاوہ ازیں انہوں نے طالبات کی بس پر حملے اور بولان میڈیکل کمپلیکس میں دہشت گردی پر کڑی تنقید کرتے ہوئے کہا حکومت سے مطالبہ کیا کہ دہشت گردوں کو پکڑ کر قرار واقعی سزا دی جائے تاکہ کوی بھی آئندہ حکومتی املاک کو نقصان پہنچانے کی جرات نہ کر سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : وفاقی بجٹ میں حکومت کی طرف سے سکولوں پر لگائے گئے ٹیکسوں کی مذمت کرتے ہیں،چوہدری اعجاز احمد رنیاں
ڈنگہ (محمد بلال احمد بٹ) راہنما مسلم لیگ ق ،سابق امیدوار حلقہ پی پی 113 چوہدری اعجاز احمد رنیاں نے اپنے بیان میں کہا کہ وفاقی بجٹ میں حکومت کی طرف سے سکولوں پر لگائے گئے ٹیکسوں کی مذمت کرتے ہیںانہوں نے کہا اس وقت ملک میں شعبہ تعلیم میں ترقی کیلئے پرائیویٹ سیکٹر اہم کردارا دا کر رہا ہے، وفاقی حکومت نے ایسے والدین جو بچوں کی فیس 2لاکھ روپے تک ادا کر رہے ہیں ان پر جو ٹیکس لگایا ہے وہ نا انصافی ہے اسکے خلاف ہم تحریک چلائینگے۔ حکومت کی تعلیم کش پالیسیوں کی مذمت کرینگے، انہوں نے اپنے بیان میں زیارت میں بانی پاکستان کی رہائشگاہ پر راکٹ حملہ، یونیورسٹی طالبات کی بس پر حملہ اور پھر بولان میڈیکل پر دہشت گردوں کا حملہ قابل مذمت اور قرار دیا اور کہا کہ فائرنگ ملک دشمن قوتوں کی کاروائی ہے۔ انہوں نے کہا کہ اس واقعہ سے پاکستان مخالفت کی بو آ رہی ہے، اگر اس واقعہ میں کوئی سیاسی جماعت کا ہاتھ ہے تو حکومت اس کو بین کر دے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفاقی بجٹ مہنگائی کا طوفان لائے گا اور حکومتی دعوے دھر ئے کے دھر ئے رہ جائینگے،چوہدری شرافت حسین ایڈووکیٹ سابق امیدوار حلقہ پی پی113
ڈنگہ (محمد بلال احمد بٹ) راہنما پاکستان تحریک انصاف حلقہ پی پی113,سابق صوبائی امیدوار چوہدری شرافت حسین ایڈووکیٹ نے اپنے بیان میں کہا ہے کہ عوام کو سنہر ئے خواب دیکھانے والوں نے عوام دُشمن بجٹ پیش کر کے اپنا اصل چہر ہ عوام کو دیکھا دیا ہے یہ بجٹ مہنگائی کا طوفان لائے گا اور حکومتی دعوے دھر ئے کے دھر ئے رہ جائینگے انہوں نے کہا کہ مسلم لیگ ( ن) کا بس نہیں چلتا نہیں تو اس بجٹ میں وہ نمازیوں پر بھی ٹیکس عائد کر دیتے حکومتوں کے خلاف تنقید کر نے والوں کو اب جن مسائل کا سامنا کر نے پڑ ئے گا وہ دیکھتے ہوئے لگتا ہے کہ آئندہ سال ہی میاں برادران خود ساختہ جلا وطن ہو جاینگے کیونکہ عوام پر مزید ٹیکسوں کا بوجھ مسائل میں مزید اضافہ کر ئیگا انہوں نے کہ کہ پاکستان پیپلز پارٹی کی حکومت نے تمام سیاسی جماعتوں کے مینڈیٹ کو تسلیم کر تے ہوئے ملکی مسائل کو حل کر نے کے لئے مشاورت جاری رکھی ہوئی تھی مگر اب شاہی حکمرانوں نے شاہی انداز اپنا لیا ہے اور اب ملکی مفاد میں نہیں بلکہ شاہی فیصلے ہو نگے۔
