ڈنگہ کی خبریں 22.06.2013
Posted on June 23, 2013 By Geo Urdu سٹی نیوز
ڈنگہ (محمد بلال احمد بٹ) جناب دار علی خٹک صاحب DPO گجرات کی خصوصی ہدایت پر شاہد نیاز DSP صاحب کھاریاں سرکل کی زیر نگرانی عامر شاہین انسپکٹر SHO تھانہ ڈنگہ کی زیر نگرانی محمد انور SI ،پرویز انور ASI،محمد اسلم SI ،شوکت حیات ASI، معہ ملازمان، ندیم افضل 553/C،محمد علی 402/Cمعہ دیگر ملازمان نے ڈکیتی کی کاروائیوں میں ملوث بین الصوبائی مقدمات میں ملوث مجرمان اشتہاری، 1۔ محمد اسلم ولد احمد دین سکنہ جہلم 2۔ محمد افضال عرف اظہر شاہ ولد اللہ بخش سکنہ جہلم 3اعجاز احمد ولد صالح محمد سکنہ منڈی بہاؤالدین معہ دیگر 6کس ملزمان SHOعامر کی انتھک محنت اور کاوش سے ٹریس کر کے گرفتار کر لئے گئے ۔ ملزمان تھانہ ڈنگہ، تھانہ رحمانیہ، تھانہ تلہ گنگ، تھانہ ڈوھمن چکوال، تھانہ پنڈ دادنخان میں مختلف ڈکیتیوں کی وارداتوں میں ملوث تھے۔ جنہیں گرفتار کر کے ملزمان سے 10,00000روپے ایک موٹر سائیکل 125CCاور ٹریکٹر میلسی مالیتی1680000/-روپے کا برآمد کر لیا گیاہے۔ملزمان سے تفتیش جاری ہے۔ مزید ڈکیتیوں اور مال مسروقہ برآمد ہونے اور دیگر ملزمان جو ڈکیتیوں میں ملوث ہیں ان کی گرفتار ی کی توقع ہے۔ SHO عامر شاہین گوندل معہ افسران و ملازمان کی اس کار پر جناب DPO دار علی خٹک صاحب نے خصوصی انعام سے بھی نوازا اور نوجوانوں کو داد بھی دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کے علاوہ گجرات اور گردونواح میں بجلی کی غیر اعلانیہ لوڈشیڈنگ کا سلسلہ بدستور جاری ہے
ڈنگہ (محمد بلال احمد بٹ) ڈنگہ کے علاوہ گجرات اور گردونواح میں بجلی کی غیر اعلانیہ لوڈشیڈنگ کا سلسلہ بدستور جاری ہے شہر اور دیگر علاقوں میں 18 سے 20 گھنٹے کی لوڈشیڈنگ کی جا رہی ہے جس کی وجہ سے شدید گرمی میں شہریوں کو مشکلات کا سامنا کرنا پڑ رہا ہے واپڈا حکام ہر گھنٹے کے بعد 4,4 گھنٹے کی لوڈشیڈنگ کر کے شہریوں کو اذیت میں مبتلا کر رہے ہیں بجلی نہ ہونے کی وجہ سے ڈنگہ میں کاروبار تباہ جبکہ گجرات میں چلنے والی فیکٹریوں کے ہزاروں مزدور بیروزگار ہو چکے ہیں اور لوڈشیڈنگ کی وجہ سے ڈنگہ کے متعدد علاقوں میں پانی نہ ہونے کی وجہ سے کربلا کا منظر ہے لوگ پانی کی تلاش میں مارے مارے پھر رہے ہیں دوسری طرف واٹر سپلائی ٹربائنوں پر تعینات عملہ بجلی غائب ہونے کے ساتھ خود بھی غائب ہو جاتا ہے جس سے شہریوں کو پانی کی فراہمی کا مسئلہ در پیش ہوتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : جی ایس ٹی ٹیکس پر سپریم کورٹ نے از خود نوٹس لیتے ہوئے عوامی امنگوں کی ترجمانی ہے،الحاج محمد اقبال منج
ڈنگہ (محمد بلال احمد بٹ) معروف ٹرانسپورٹر ڈنگہ شہر کی آن و شان الحاج محمد اقبال منج نے اپنے بیان میں کہا کہ سپریم کورٹ نے جی ایس ٹی میں اضافہ کے غیر قانونی اور ظالمانہ ٹیکس کو کالعدم قرار دیکر پاکستان کے کروڑوں عوام کے مفاد کا تحفظ کیا، حالانکہ یہ سوچ عوام کے منتخب حکمرانوں کی ہونی چاہیے تھی انہوں نے کہا کہ صرف آئی ایم ایف سے قرضہ لینے کے لیے جی ایس ٹی میں اضافہ سمیت دیگر ٹیکس لگائے گئے، ٹیکس لگاکر حکومت کرنا کونسا کارنامہ ہے، حکومت آئی ایم ایف کی بجائے عوام کی خوشی کا خیال کرے، عوام کو ریلیف دینے کی بجائے موجودہ حکمرانوں نے بھی تکلیف دینے کا سلسلہ شروع کردیا۔ انہوں بنے کہا کہ جی ایس ٹی سے اشیائے خوردونوش کی قیمتوں میں اضافہ ہو گا جس سے عوام مزید پریشان ہو گی سپریم کورٹ نے از خود نوٹس لیتے ہوئے عوامی امنگوں کی ترجمانی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ ڈنگہ نے ہمارے خلاف جھوٹے مقدمات درج کر رکھے ہیں، ریٹائرڈ ہیڈ ماسٹر محمد عنایت مغلی
ڈنگہ (محمد بلال احمد بٹ) تھانہ ڈنگہ کے تھانیدار محمد انور سرلہ نے نہ صرف مخالفین سے مل کر ہمارے خلاف سرا سر جھوٹے و بے بنیاد مقدمات درج کئے بلکہ میری بیوی اور بیٹی کے ملکیتی ڈیرہ پر ناجائز قبضہ بھی کروایا اور بغیر وارنٹ ہمارے گھر میں ہماری ملازمین تھے، مقامی پولیس ڈنگہ زبردسی گھس کر ہمارے عورتوں اور شیر خوار بچوں کو گرفتار کر کے رات بھر تھانہ ڈنگہ میں حبس بے جا میں رکھا جو کہ بعد ازاں ہم نے ضمانتیں کروائیں ان خیالات کا اظہار موضع مغلی کے ایک معزز اور قابل احترام ریٹائرڈ ہیڈ ماسٹر محمد عنایت نے پریس ریلیز جاری کرتے ہوئے کیا،
انہوں نے اپنی تحریری پریس ریلیز میں مزید بتایا کہ تھانیدار محمد انور کے خلاف ہم نےDIGگوجرانوالہ کو درخواست دی تو وہاں ایس ایچ او عامر شاہین نے ہماری داد رسی کرنے اور قبضہ واپس دلوانے کا وعدہ کیا لیکن بعد ازاں وہ بھی مکر گیا حالانکہ تحصیلیدار نے نشاندہی رپورٹ بھی ہمارے حق میں دی انہوں نے پریس کلب سے مطالبہ کیا کہ میں تھانیدار محمد انور کے ظلم کا شکار ہو رہا ہوں صحافی بھائی کردار ادا کرتے ہوئے ہمیں اس کے اثر سے بچائیں اور ہمارے خلاف جھوٹے مقدمات خارج کروائیں قبل ازیں مقامی ایم پی اے میاں طار ق محمود ہماری مدد کر رہا ہے لیکن ایم این اے پتہ نہیں کیوں چپ سادھے بیٹھا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : زیارت میں بانی پاکستان کوئٹہ میں قائداعظم ریذیڈنسی پر حملہ ایک سازش ہے ،محمد عمران بھٹی، چوہدری شہریار، ظہیر عباس، چوہدری اقبال منج، چوہدری ماجد حسین کمبوہ و دیگر کی گفتگو
ڈنگہ (سروے محمد بلال احمد بٹ) مسلم لیگ ن سٹی ڈنگہ کے صدر محمد عمران بھٹی، ممتاز سیاسی و سماجی شخصیت چوہدری شہریار اسلم، ظہیر میڈیکل سٹور کے ایم ڈی ظہیر عباس، سماجی و سیاسی راہنما چوہدری محمد اقبال منج، ممتاز بزنس مین چوہدری ماجد حسین کمبوہ، رنگین ٹینٹ سروس کے ایم ڈی محمد قدیر،جنرل ٹینٹ سروس کے ایم ڈی حاجی خالد محمود،سب ایڈیٹر و سماجی شخصیت محمد طاہر آباد مرزا محمد اعظم،معروف سماجی و سیاسی شخصیت طارق قریشی نے اپنے مشترکہ بیان میں صحافیوں سروے رپورٹ میں اپنے تاثرات بیان کرتے ہوئے کہا کہ زیارت میں بانی پاکستان کوئٹہ میں قائد اعظم ریذیڈنسی پر حملہ ایک سازش ہے اور طالبات کی بس پر بم دھماکے اور بولان میڈیکل کمپلیکس میں دہشت گردی کی شدید الفاظ میں مذمت کرتے ہیں اور اسے غیر ملکی سازش قرار دیتے ہوئے ملزمان کیخلاف خلاف سخت کاروائی کا مطالبہ کرتے ہیں۔ انہوںنے کہا کہ قائد اعظم محمد علی جناح سے منسوب اس تاریخی اور قومی اہمیت کی حامل عمارت تباہ کرنیوالوں نے دراصل پاکستان کی اساس اور اس کی شناخت پر حملہ کیا ہے۔ انہوں نے کہا کہ دہشت گردوں نے ملک کے اہم قومی، تاریخی اور ثقافتی ورثے کو شدید نقصان پہنچا یا ہے جس کی جتنی بھی مذمت کی جائے کم ہے۔ انہوںنے کہا کہ بانی پاکستان سے منسوب پاکستان کے تاریخی ورثے کی حرمت اور تقدس کا تقاضہ ہے کہ ایک قومی فریضہ جان کر اس سانحہ کے ذمہ داروں کو فوری گرفتار کر کے نشان عبرت بنایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : علاقہ کا معروف تعلیمی ادارہ الفارابی پبلک ہائی سکول ڈنگہ میں اساتذہ کی تربیتی ورکشاپ شروع ہے
ڈنگہ (محمدبلال احمد بٹ) علاقہ کا معروف تعلیمی ادارہ الفارابی پبلک ہائی سکول ڈنگہ میں اساتذہ کی تربیتی ورکشاپ شروع ہے جس میں ماہر تعلیم ریاض احمد جاوید، میاں محمد عارف اور پروفیسر سید ہارون شاہ بخاری لیکچر دے رہے ہیں جس میں الفارابی پبلک ہائی سکول ڈنگہ کا مکمل سٹاف شامل ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ڈنگہ میں رکشہ ڈرائیوروں نے انت مچا دی، مسافروں سے منہ مانگا کرایہ وصول
ڈنگہ (محمد بلال احمد بٹ) ڈنگہ میں رکشہ ڈرائیوروں نے انت مچا دی،مسافروں سے منہ مانگا کرایہ وصول، ٹریفک پولیس دیہاڑیاں لگانے میں مصروف،شہریوں کا کوئی پرسان حال نہیں،عوامی سماجی حلقوں کا شدید احتجاج،تفصیلات کے مطابق ڈنگہ میں رکشہ ڈرائیوروں کی طر ف سے کرایوں میں خود ساختہ اضافہ کر دیا گیا ہے اور میلاد چوک تا ریلوے اسٹیشن چند منٹ کے فاصلے کا کرایہ 10 روپے کی بجائے پندرہ ورپے فی سواری وصول کیا جا رہا ہے میلاد چوک تا ڈھلیان چوک دس روپے کی بجائے پندرہ روپے ،میلاد چوک تا فوارہ چوک دس روپے کی بجائے پندرہ روپے، میلاد چوک تا کو لیاں چوک دس روپے کی بجائے بیس روپے جبکہ اسپیشل رکشہ کروانے کی صورت می 100 روپے سے لے کر150روپے تک چند کلو میٹر کا منہ مانگا کرایہ مانگا جاتا ہے جو کہ سرا سر نا انصافی ہے کئی بار ٹریفک پولیس کی طرف اس طرف کروائی گئی ہے کہ کوئی ان کے سر پر جوں تک نہیں رینگتی لگتا ہے کہ وہ دیہاڑیاں لگانے کے چکر میں ہیں، ارباب اختیار فور ی نوٹس لیتے ہوئے مسئلے کا حل نکالیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گرمی کی شدت میں اضافہ، نہروں اور دریائوں میں نہانے پر پابندی کے باوجود رش بڑھنے لگا
ڈنگہ (محمد بلال احمد بٹ) حکومت پنجاب کی طرف سے نہروں اور دریائوں پر نہانے پر پابندی کے باوجود رش دیکھنے میں آرہا ہے اور لوگوں کی کثیر تعداد دریائے چناب اور نہر ساروکی پر نہانے میں مشغول ہے، ہر سال کئی جانیں لقمہ اجل بن جاتی ہیں لیکن حکومتی طور پر مناسب انتظامات نہ ہونے کی وجہ سے اس طرح کے واقعات پیش آتے ہیں یہاں یہ بات بھی قابل غور ہے کہ ہر سال درجنوں افراد ڈوب جاتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ظہیر عباس کی نوجوان کھلاڑی عامر شہزاد بھٹہ کو ینگ علی الیون کرکٹ کلب کا کپتان بننے پر مبارکباد
ڈنگہ (محمد بلال احمد بٹ) ظہیر میڈیکل سٹور کولیاں روڈ ڈنگہ کے ایم ڈی ظہیر عباس نے نوجوان کھلاڑی عامر شہزاد بھٹہ کو ینگ علی الیون کرکٹ کلب کا کپتان بننے پر مبارک باد دی ہے اور ٹیم کے ساتھ ہر قسم کے تعاون کایقین دلایا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ میںرکشہ ڈرائیوروںاور اوباش اور آوارہ مزاج لڑکوں کا گلیوں سکولوں کالجوں کے دروازوں پر قبضہ، خواتین کو چھیڑنے کے واقعات میں اضافہ
ڈنگہ (محمد بلال احمد بٹ) ڈنگہ میں رکشہ ڈرائیوروں اور اوباش اور آوارہ مزاج لڑکوں کا گلیوں سکولوں کالجوں کے دروازوں پر قبضہ، خواتین کو چھیڑنے کے واقعات میں اضافہ، خواتین غیر محفوظ، پولیس خاموش تماشائی، اہلیان علاقہ شدید عدم تحفظ کا شکار ہو گئے ہیں اہلیان علاقہ نے پولیس نے کاروائی کا مطالبہ کیا ہے تاکہ طلبہ و طالبات اور خواتین کو محفوظ بنایا جا سکے۔
