چکوال کی خبریں 23.06.2013
Posted on June 23, 2013 By Tahir Webmaster سٹی نیوز
چکوال سے چو آسیدن شاہ جانیوالی تیز رفتار ہائی ایس اعجاز آباد پولیس چوکی کے قریب موڑ کاٹتے ہوئے گہری کھائی میں جا گری
چکوال (ڈسٹرکٹ رپوٹر) چکوال سے چو آسیدن شاہ جانیوالی تیز رفتار ہائی ایس اعجاز آباد پولیس چوکی کے قریب موڑ کاٹتے ہوئے گہری کھائی میں جاگری، جسکے نتیجے میں دو افراد جاں بحق اور بارہ شدید زخمی ہو گئے۔ہائی ایس نمبر آر آئی پی 1127 چوآسیدن شاہ جا رہی تھی کہ اعجاز آباد پولیس چوکی کے قریب موڑ کاٹتے ہوئے توازن برقرارنہ رکھنے کے باعث کئی فٹ گہری کھائی میں جا گری۔ حادثے کی اطلاع ملتے ہی ریسکیو 1122 کی امدادی ٹیمیں موقعہ پر پہنچیں اور امدادی کاروائیوں میں حصہ لیا۔فیصل آباد کی رہائشی فضل بیگم اور ایک نامعلوم شخص جاں بحق ہوئے جبکہ اقبال بی بی ساکن فیصل آباد، حکیم شاہ ساکن آزاد کشمیر، محمد زراعت ساکن بشارت، ماہ نور شکیل ساکن سرائے عالمگیر، ملک سبحان سرائے عالمگیر، فیضان الحسن سرائے عالمگیر، فلک ناز سرائے عالمگیر، نوید احمد ساکن خوشاب، محمد احسان ساکن خوشاب، نعیمہ بی بی ساکن خوشاب، سمیرا بی بی ساکن فیصل آباد، رضوانہ بیگم ساکن فیصل آباد، شدید زخمی ہو گئے۔ تین شدید زخمی ہونیوالوں کو تشویشناک حالت میں راولپنڈی ہسپتال منتقل کر دیا گیا۔ جہاں ان کی حالت خطرے سے باہر بتائی جاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایم پی اے چوہدری لیاقت علی خان کی ملکیتی گاڑی نامعلوم چور چوری کر کے لے گئے
چکوال (ڈسٹرکٹ رپوٹر) ایم پی اے چوہدری لیاقت علی خان کی ملکیتی گاڑی نامعلوم چور چوری کر کے لے گئے۔ چوہدری لیاقت علی خان کے صاحبزادے چوہدری شہریار سلطان نے گاڑی نمبر 2333 سڑک پرکھڑی کی جسے نامعلوم چور چوری کر کے فرار ہو گئے۔ پولیس کو گاڑی چوری کی اطلاع دیدی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او چکوال یاور حسین نے ای ڈی او ہیلتھ ڈاکٹر ناصر محمود کے ہمراہ اتوار کی شام ڈسٹرکٹ ہیڈ کوارٹر ہسپتال چکوال کا دورہ کیا
چکوال (ڈسٹرکٹ رپوٹر) ڈی سی او چکوال یاور حسین نے ای ڈی او ہیلتھ ڈاکٹر ناصر محمود کے ہمراہ اتوار کی شام ڈسٹرکٹ ہیڈ کوارٹر ہسپتال چکوال کا دورہ کیا جہاں پر انہوںنے چوآسیدن شاہ ٹریفک حادثہ کے زخمیوں کی عیادت کی ہسپتال کے مختلف شعبوں کا معائنہ کیا زیر تعمیر بلڈنگ کا بھی معائنہ کیا اور ٹھیکیدار کو کام فوری طور پر مکمل کرنے کی ہدایت کی۔ڈی سی او چکوال نے مریضوں سے ان کے مسائل بھی دریافت کیے۔ اس موقع پر ایم ایس ڈاکٹر عالمگیر نوابی نے ڈی سی او چکوال کو ہسپتال کے معاملات بارے تفصیلی بریفنگ دی اور بتایا کہ محدود وسائل کے باوجود مریضوں کو علاج معالجہ کی سہولیات اور فلاح و بہبود کے لیے بھرپور اقدامات اٹھائے جا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایڈمنسٹریٹر تحصیل چکوال کی طرف سے نائب قاصد کامران کو تشدد کا نشانہ بنانے کا معاملہ بگڑ گیا
چکوال (ڈسٹرکٹ رپوٹر) ایڈمنسٹریٹر تحصیل چکوال کی طرف سے نائب قاصد کامران کو تشدد کا نشانہ بنانے کا معاملہ بگڑ گیا اورایپکا ٹی ایم اے چکوال کے عہدیداران و ملازمین نے انتظامیہ کو 72 گھنٹوں کی مہلت دیدی کہ اگر ڈاکٹر عمر جہانگیر کو ضلع بدر نہ کیا گیا تو بھرپور احتجاجی تحریک شروع کی جائے گی۔ اس سلسلے میں آج بروز ہفتہ گیارہ بجے دن ٹی ایم اے چکوال میں ایپکا عہدیداروں اور ملازمین کا اکٹھ ہوگا۔ جس میں انتظامیہ کو 72 گھنٹے کا نوٹس دیا جائیگا۔ دریں اثناء اتوار کے روز ڈی سی او چکوال نے ایڈمنسٹریٹر ڈاکٹر عمر جہانگیر اور متاثرہ فریق کو طلب کر رکھا تھا۔ متاثرہ فریق تو حاضر ہو گئی مگر اے ڈی سی جی ڈاکٹر عمر جہانگیر چھٹی کا بہانہ بناتے ہوئے غائب ہو گئے جس پر انکوائری منگل تک کے لیے موخر کر دی گئی دوسری جانب ڈسٹرکٹ اینڈ سیشن جج چکوال کی طرف سے ڈسٹرکٹ پولیس آفیسر کو آج تحقیقات کا حکم دیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لنگاہ میں فری میڈیکل کیمپ کا انعقاد کیا گیا۔ میڈیکل کیمپ گورنمنٹ ایلیمنٹری سکول کے اندر لگایا گیا
چکوال (ڈسٹرکٹ رپوٹر) لنگاہ میں فری میڈیکل کیمپ کا انعقاد کیا گیا۔ میڈیکل کیمپ گورنمنٹ ایلیمنٹری سکول کے اندر لگایا گیا۔ سینئر میڈیکل افسر ڈسٹرکٹر ہیڈ کوارٹر ہسپتال چکوال اور ایگزیکٹو ڈائریکٹر عبداللہ میڈیکل کمپلیکس ڈاکٹر منیر احمد لنگاہ کی سربراہی میں ڈاکٹر احتشام نصیر ڈینٹل سرجن، ڈاکٹر نائلہ افتخار الٹراسائونڈ سپیشلسٹ، ڈاکٹر ارم تہذیب ویمن میڈیکل آفیسر ڈسٹرکٹ ہیڈ کوارٹر ہسپتال چکوال نے مریضوں کا معائنہ کیا اور ادویات تجویز کیں۔ عبداللہ میڈیکل کمپلیکس کے روح رواں ملک محمد عرفان، روٹیکس فارما سیوٹیکل کے زین العابدین، انڈس فارما کے زوہیب ،ایم ایم فارما کے اسرار حفیظ اور یاسر پرویز،نے خصوصی معاونت کی۔ ساڑھے چار سو کے قریب مریضوں کا معائنہ کیا گیا اور انہیں مفت ادویات بھی دی گئیں۔ فری میڈیکل کیمپ السکندر فیملی کے مرحومین کے ایصال ثواب کے لیے لگایا گیا۔
