امریکا (جیوڈیسک) پاپ موسیقی کے شہنشاہ کے طور پرپہچانے جانے والے مائیکل جیکسن کو آج دنیا سے رخصت ہوئے 4 سال بیت گئے، لیکن وہ اپنے گانوں اور رقص کے انداز سے آج بھی لوگوں کے دلوں میں زندہ ہیں۔ مائیکل جیکسن امریکی ریاست انڈیانا میں انتیس اگست انیس سو اٹھاون کو پیدا ہوئے۔ انہوں نے صرف پانچ سال کی عمر میں میوزک کی دنیا میں قدم رکھا اور 1964 میں اپنے بھائیوں کے پوپ گروپ جیکسن فائیو میں شمولیت اختیار کی۔ جیکسن فائیو کی پہلی البم ریلیز، آئی وانٹ یو بیک، نے ہر طرف دھوم مچا دی۔
جیکسن کا پہلا سولو البم آف دی وال تھا جس نے مائیکل کو موسیقی کی دنیامیں پہنچان دلوائی۔ اس کے بعد ان کے انیس سو بیاسی میں آنے والے البم “تھرلر” نے موسیقی کی دنیا میں نئی تاریخ رقم کی۔ اسے دنیا میں سب سے زیادہ فروخت ہونے والا البم قرار دیا گیا۔ انہیں یہ اعزاز بھی حاصل ہوا کہ انہوں نے اپنی آواز میں ایک حمد ریکارڈ کرائی جس کی وجہ سے یہ افواہیں گرم ہو گئیں انہوں نے اسلام قبول کر لیا ہے۔ آج ان کی چوتھی برسی پر دنیا بھر میں ان کے پرستار جشن منا رہے ہیں۔
دھنوش اور سونم بھارتی میگزین کے سرورق کی زینت
اداکار نشیلا کو آبائی قبرستان میں سپرد خاک کر دیا گیا
