سی آئی اے پولیس نے پاکستان تحریک انصاف کے ایم پی اے فرید خان سمیت 37 قتل کی وارداتوں میں ملوث دو ملزمان کو گرفتار کر لیا ہے۔ پولیس نے ایک ہفتہ قبل دو ملزمان آصف اللہ اور عابد خان کو اسلام آباد کی آفغان بستی سے قتل کی وارداتوں میں ملوث ہونے کے شبہ میں گرفتار کیا تھا۔
ملزم آصف اللہ نے تفتیش کے دوران انکشاف کیا کہ اس نے اپنے دیگر ساتھیوں کے ساتھ ملکر قتل کی 37 وارداتیں کی ہیں۔ آخری قتل انہوں نے پاکستان تحریک انصاف کے ایم پی اے فرید خان کا کیا تھا۔ ملزم کے بارے میں بتایا گیا ہے کہ وہ ہنگو کا رہنے والا ہے اور وہیں پر قتل کی وارداتیں کرتا تھا۔
ملزم تحریک طالبان پاکستان کے ساتھ بھی کام کرتا رہا ہے۔ جس کے بعد اس نے اپنا ایک گروپ بنا لیا تھا۔ ملزم نے ابھی تک یہ نہیں بتایا کہ اس نے فرید خان کو کس کے کہنے پر قتل کیا۔ پولیس کا کہنا ہے کہ مزید انکشافات کی توقع ہے۔
وزیراعظم سے اٹارنی جنرل کی ملاقات، غداری کیس کی حکمت عملی پر غور
سپریم کورٹ: جیلوں کی حالت زار کے حوالے سے کیس کی سماعت
