کچلاک (جیوڈیسک) کچلاک کے علاقے کلی چہار گل میں دھماکہ ہوا ہے جس میں ایک شخص ہلاک جبکہ تین افراد زخمی ہو گئے۔ ہلاک ہونے والا شخص خود کش حملہ آور بتایا جاتا ہے۔ پولیس کے مطابق دھماکہ کوئٹہ کے نواحی علاقے کچلاک کی کلی چہار گل میں ہوا، دھماکے کی آواز دور دور تک سنی گئی، پولیس کے مطابق دھماکہ میں ایک شخص ہلاک جبکہ تین افراد زخمی ہو گئے۔
زخمیوں کو سول اسپتال کوئٹہ منتقل کیا جا رہا ہے، ابتدائی تحقیقات کے مطابق ایس پی صدر محمود نوتیزئی کا کہنا تھا کہ دھماکے میں ہلاک ہونیوالا شخص مبینہ طور پر خود کش حملہ آور تھا جو کہ کسی واردات کیلئے تیار ہو کر جا رہا تھا، تاہم اس بارے میں مزید تحقیقات جاری ہیں۔
دیامر سانحہ، غیر ملکی سیاحوں کی میتیں حنوط کر دی گئیں
توانائی بحران پر قابو پانے کیلئے سنجیدہ اقدامات کر رہے ہیں، شہباز شریف
