حکومت اپنے فیصلے پر نظر ثانی کرے اور پیٹرولیم مصنوعات کی قیمتوں میں اضافے کے فیصلے کو فی الفور واپس لیا جائے، روحیل اکبر
Posted on June 29, 2013 By Tahir Webmaster سٹی نیوز
تحریک تحفظ پاکستان کے مرکزی رہنماء روحیل اکبر نے یکم جولائی سے پیٹرولیم مصنوعات کی قیمتوں میں اضافے کے حکومتی فیصلے کو مسترد کرتے ہوئے کہا ہے کہ اقتدار میں آنے سے پہلے دودھ کی نہریں بہانے کے وعدے کرنیوالے حکمرانوں نے 23 دنوں میں عوام کے 14 طبق روشن کر دیئے ہیں حکمران غریب عوام پر رحم کریں آئے اپنے ایک جاری بیان میں انہوں نے کہا کہ (ن) لیگ بھی پیپلزپارٹی کے راستے پر چل پڑی ہے اور پیٹرولیم مصنوعات کی قیمتوں میں اضافے سے ملک میں مہنگائی کا ایک طوفان آئے گا جس سے عام آدمی کا بچنا ناممکن ہو گا۔
حکمرانوں کو غریب عوام پر رحم کر یں اور مہنگائی کے بم برسانے کے بجائے عوام کو ریلیف فراہم کریں انہوں نے کہا کہ حکمرانوں کی ذمہ داری غریبوں کو مشکلات کا شکار کرنا نہیں بلکہ ان کے لئے آسانیاں پیدا کرنا ہے جبکہ پیٹرولیم مصنوعات کی قیمتوں میں اضافے کا حکومتی فیصلہ شیر کا غریب عوام پر قاتلانہ حملہ ہے اور اب (ن) لیگ سے خیر سے توقع کرنا احمقوں کی جنت میں رہنے کے مترادف ہے اور حکومت کو چاہیے کہ وہ اپنے فیصلے پر نظر ثانی کرے اور پیٹرولیم مصنوعات کی قیمتوں میں اضافے کے فیصلے کو فی الفور واپس لیا جائے۔
