تلہ گنگ کی خبریں 28.6.2013
Posted on June 29, 2013 By Geo Urdu سٹی نیوز
لیٹی نوجوان کنوئیںمیں گر کر جا بحق
تلہ گنگ (تحصیل رپو ر ٹر) لیٹی نوجوان کنوئیںمیں گر کر جا بحق ۔ تفصیلات کے مطابق تھانہ ٹمن کے موضع لیٹی کا نوجوان محمد اسلم ولد نور محمد نے گرمی کی شدت کو کم کرنے کے لیے کنوئیں میں چھلانگ لگائی پانی کی بے رحم گہرائی نے اسے اپنی لپیٹ میں لے لیاجس سے نوجوان محمد اسلم زندگی کی بازی ہار گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیٹی مین روڈ نکاسی آب کا بندوبست نہ ہونیکی وجہ سے جگہ جگہ سے ٹوٹ پھوٹ کا شکار
تلہ گنگ (تحصیل رپو ر ٹر) لیٹی مین روڈ نکاسی آب کا بندوبست نہ ہونیکی وجہ سے جگہ جگہ سے ٹوٹ پھوٹ کا شکار ۔مون سون سے پہلے نکاسی آب کا بندوبست نہ کیا گیا تو بارشوں کا پانی لاکھوں کا نقصان کر سکتا ہے۔تفصیلات کے مطابق محلہ دھوکڑی نکاسی آب کا بندوبست نہ ہونیکی وجہ سے گھروں کا پانی سڑک پر آجاتا ہے۔لوگوں کا بار بار ایم این اے اور ایم پی اے کو توجہ دلانے کے باوجود نکاسی آب کا مسئلہ جوں کا توں ہے۔ اہلیان علاقہ نے منتخب نمائندوں سے اپیل کی ہے کہ ہمارے اس دیرینہ مسئلے کو جلدی حل کیا جائے تاکہ سیلابی صورت حال سے بچا جا سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحصیل میونسپل ایڈ منسٹریشن تلہ گنگ کا مالی سال 2013-14ء کا 29 کروڑ 35 لاکھ 64 ہزار 197 روپے کا بجٹ پیش کر دیا گیا
تلہ گنگ ( تحصیل رپو ر ٹر) تحصیل میونسپل ایڈ منسٹریشن تلہ گنگ کا مالی سال 2013-14ء کا 29 کروڑ 35 لاکھ 64 ہزار 197 روپے کا بجٹ پیش کر دیا گیا ۔ایڈ منسٹریٹر ٹی ایم اے تلہ گنگ و اسسٹنٹ کمشنر عابد حسین بھٹی کی زیر صدارت ٹی ایم اے دفتر تلہ گنگ میں منعقدہ بجٹ اجلاس میں تحصیل میونسپل آفیسر تلہ گنگ رائے طاہر منشاء نے بجٹ تفصیلات سے آگاہ کرتے ہوئے بتایا کہ تحصیل تلہ گنگ میں غیر ترقیاتی اخراجات جس میں تنخواہیں وغیرہ کیلئے گیارہ کروڑ 17لاکھ 16ہزار 200روے مختص کئے گئے ہیں جبکہ ترقیاتی اخراجات کیلئے 16کروڑ 30لاکھ 21ہزار 324روپے رکھے گئے ہیں ۔اس میں اے ڈی پی (سی سی بی)کیلئے 8 کروڑ (سابق بقایا جات) 6 لاکھ موجودہ سال کے سی سی بی کیلئے مختص کئے گئے ہیں ۔مجموعی اخراجات 27 کروڑ 47 لاکھ 37 ہزار 524 روپے جبکہ ٹی ایم اے کو حاصل ہونے والی متوقع آمدن 29 کروڑ 35 لاکھ 64 ہزار 197 روپے کا تخمینہ لگایا گیا ہے۔ اسی طرح 6 کروڑ روپے 2013-14ء میں ترقیاتی اخراجات کیلئے مختص کئے گئے ہیں ۔اس طرح بجٹ میں ترقیاتی اخراجات کیلئے 59.34%جبکہ غیر ترقیاتی اخراجات کیلئے 40.66 %رکھے گئے ہیں ۔اس موقع پر ٹی او آر میاں محمد انیس اور تحصیل فنانس آفیسر مسعود شاہ بھی موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نئے ڈسٹرکٹ پولیس آفیسر ضلع چکوال کاشف مشتاق احمدکانجو نے اپنے عہدے کا چارج سنبھالتے ہی تلہ گنگ کے تین تھانوں کے ایس ایچ اووز کے تبادلے کر دیئے
تلہ گنگ ( تحصیل رپو ر ٹر) نئے ڈسٹرکٹ پولیس آفیسر ضلع چکوال کاشف مشتاق احمدکانجو نے اپنے عہدے کا چارج سنبھالتے ہی تلہ گنگ کے تین تھانوں کے ایس ایچ اووز کے تبادلے کر دیئے ۔تبدیل ہونے والوں میں تھانہ سٹی تلہ گنگ کے ایس ایچ او ساجد گوندل کی جگہ جاوید انور ،تھانہ صدر کے ایس ایچ او صفدر حسین کی جگہ سید اعجاز عباس شاہ جبکہ تھانہ ٹمن کے ایس ایچ او ملک اسلم کی جگہ مبشر انور شامل ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ کے موضع پیڑہ فتحال میں سادہ کپڑوں میں ملبوس14مسلح افراد نے گھر میں گھس کر ایک شخص کو اُٹھا لیا
تلہ گنگ ( تحصیل رپو ر ٹر)تلہ گنگ کے موضع پیڑہ فتحال میں سادہ کپڑوں میں
ملبوس14مسلح افراد نے گھر میں گھس کر ایک شخص کو اُٹھا لیا،تھانہ صدر تلہ گنگ میں مقدمہ درج۔تفصیلات کے مطابق مدعی نور محمد ولد میاں محمد ساکن پیڑہ فتحال نے پولیس تھانہ صدر تلہ گنگ کو رپورٹ درج کراتے ہوئے بتایا کہ 12جون کی رات 14کے قریب سادہ کپڑوں میں ملبوس مسلح افرادجن کے پاس کلاشنکوف بھی تھیں اُسکے گھر گھس آئے اور کمرہ میں سوئے میرے بیٹے عنایت اللہ کو اُٹھا لیا اور فون نمبر دیتے ہوئے مجھے کہا کہ اس نمبر پر رابطہ کر لینا تاہم اتنے روز گزرنے کے باوجود فون پر رابطہ نہیں ہو سکا ۔پولیس تھانہ صدر تلہ گنگ نے زیر دفعہ365ت پ کے مقدمہ درج کر کے تفتیش شروع کر دی ہے –
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ(ن) کی حکومت پیپلز پارٹی سے بھی بڑھ گئی،عوام کے سر پر مہنگائی کا طوفان لا کھڑا کیا
تلہ گنگ(ملک ارشد کو ٹگلہ سے) مسلم لیگ(ن) کی حکومت پیپلز پارٹی سے بھی بڑھ گئی،عوام کے سر پر مہنگائی کا طوفان لا کھڑا کیا،تلہ گنگ ایک بار پھر لاوارث ہو گیا تلہ گنگ سے جیتنے والے ن لیگ کے اراکین اسمبلی نے اسلام آباد اور لاہور میں ڈیرے ڈال کر بیٹھے ہیںان کو عوام کے مسائل سے کوئی غرض نہیں ۔ان خیالات کا اظہار ن لیگیو ں سمیت شہریوں نے روزنا مہ ”نئی با ت” سے گفتگو کرتے ہوئے کیا،سینئر صحافی ملک ممتا ز حید ر نے کہا کہ تلہ گنگ ضلع چکوال سے مسلم لیگ(ن) نے کلین سویپ کیا مگر یہاں کی بھولی عوام کے ساتھ ظلم کی انتہا کی جا رہی ہے،ایک طرف اراکین اسمبلی ووٹ نہ دینے والوں کے خلاف انتقامی کاروائیاں کر رہے ہیں تو دوسری طرف حکومت کی طرف سے بھی کسی قسم کا ریلیف نہیں مل رہا،انہوں نے کہا کہ مسلم لیگ ن کی حکومت کے پہلے بجٹ نے ہی عوام النا س کو شدید مشکلا ت میں مبتلا کر دیا ہے بجٹ 2013میں حکومت نے ضروریا ت زندگی پر ٹیکسوں کی بھر ما ر کر کے عام آدمی کی زندگی کو مشکلا ت میں ڈ ال دیا ہے۔ سر دار امجد الیا س اور ملک اسد کو ٹگلہ نے کہا کہ پا کستان میں آنے و الی ہر حکومت نے غر یب لو گوں کا معا شی قتل کیا جبکہ
موجودہ حکومت بھی اسی ڈگر پر چل رہی ہے حکو مت نے جنر ل سلیز ٹیکس میں اضا فہ کر کے لو گو ں کا جینا دو بھر کر دیا ہے سپر یم کورٹ نے اپنے فیصلے میں جی ایس ٹی کو ایک ظالما نہ اقدام قرار دیا جبکہ وزیر خزانہ اسحا ق ڈار نے سپریم کو رٹ کے فیصلے کو ما ننے سے صاف انکا ر کر دیا۔لیٹی سے سر دار گر وپ کے رہنما ملک ممتازاور سا بق ایم این اے سر دار فیض ٹمن نے کہا کہ وزیر اعظم نو از شریف نے اپنی انتخا بی مہم میں غر بت ،مہنگا ئی اوربے روزگا ری کے خاتمے کے لئے جدوجہد کر نے کے اعلانا ت کئی مرتبہ کئے لیکن اپنی حکومت کے قیا م کے اول روز سے ہی ان کی حکومت نے غر یب کش پا لیسیا ں اختیا ر کر کے اپنے انتخا بی منشور اور دعوئوں کی قلی کھو ل دی ہے۔پیپلز پا ر ٹی کے ڈاکٹر علی حسنین نقو ی نے کہا کہ ملک بھر میں بد ترین لو ڈشیڈنگ سے عوام النا س شدید پریشا نیوں میں مبتلاہیں جبکہ آئے روز ضروریا ت زندگی کی اشیا ء کی قیمتوں میں اضا فہ ہورہا ہے انہو ں کہا کہ حکومت فوری طور پر مہنگا ئی کے خاتمے کے لئے اقداما ت کر نے چاہیے۔انہوں نے سی این جی پر نو فیصد اضا فی ٹیکس کی شدید مذمت کرتے ہو ئے اسے فوراً واپس لینے کا مطا لبہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ شہر میں نیو سبزی منڈی کے قریب ہائی ایس کوچ میں شارٹ سرکٹ کے باعث آگ بھڑک اٹھی
تلہ گنگ ( تحصیل رپو ر ٹر) تلہ گنگ شہر میں نیو سبزی منڈی کے قریب ہائی ایس کوچ میں شارٹ سرکٹ کے باعث آگ بھڑک اٹھی،لاکھوں روپے مالیت کی گاڑی جل کر خاکسر ہو گئی۔تفصیلات کے مطابق نیوسبزی منڈی کے قریب سواریوں کیلئے پرانا لاری اڈہ جانیوالی ہائی ایس کوچ نمبری 6598SGشارٹ سرکٹ کے باعث جل کر خاکستر ہو گئی۔ گاڑی میں موجود ڈرائیور بمشکل اپنی جان بچا سکا۔اس موقع پر شہریوں کی بڑی تعداد بھی اکٹھی ہو گئی۔
