ملائیشیا (جیوڈیسک) جوہر بار ورلڈ ہاکی لیگ میں پاکستان کا انگلینڈ کے خلاف میچ بھی بے نتیجہ ختم ہو گیا۔ دونوں ٹیمیں کا اسکور 2-2 گول رہا۔ ملائیشیا کے شہر جوہر بار میں جاری ورلڈکپ کے کوالیفائنگ ایونٹ میں پاکستان اور انگلینڈ کی ٹیمیں اِن ایکشن ہوئیں میچ کا آغاز جارحانہ انداز میں ہوا۔ انگلش ٹیم نے پہلا گول اسکور کر کے میچ کو اعصاب شکن بنا دیا جس کے بعد پاکستان نے گیند کو کامیابی سے جال تک پہنچا کر حساب برابر کر دیا۔
انگلینڈ نے دوسری بار برتری حاصل کر کے گرین شرٹس کو بڑا چیلنج کر دیا۔ انگلینڈ کی اسی برتری کے ساتھ پہلے ہاف کا اختتام ہوا۔ دوسرے ہاف میں پاکستان نے شاندار گول اسکور کر کے خسارہ ختم کر دیا۔
اسی دو دو کے اسکور پر میچ کا اختتام ہوا۔ پاکستان کی طرف عبدالحسیم خان اور کپتان محمد عمران نے ایک ایک گول اسکور کیا۔اس سے پہلے میزبان ملائشیا سے ہونے والا افتتاحی مقابلہ بھی برابر ہو گیا تھا۔گرین شرٹس کا آخری میچ دو جولائی کو جنوبی افریقہ سے ہو گا۔
ومبلڈن ٹینس : جو کووچ، فیرر اور سرینا کی چوتھے رانڈ تک رسائی
ایشین جونیئر اسکواش چیمپین شپ جیتنے کے بعد پاکستانی ٹیم وطن واپس
