پشاور (جیوڈیسک) پشاور میں تھانہ پشتہ خرہ کی حدود میں پولیس چوکی پر فائرنگ سے دو پولیس اہلکار جاں بحق ہو گئے۔
رنگ روڈ پر واقع تھانہ پشتہ خرہ کے علاقے عباس ٹرمینل میں نامعلوم موٹر سائیکل سواروں نے پولیس چوکی پر فائرنگ کر دی جس سے ڈیوٹی پر مامور دو پولیس اہلکار سبحان الدین اور سلمان موقع پر ہی جاں بحق ہو گئے۔
واقعے کی اطلاع ملتے ہی مقامی پولیس موقع پر پہنچ گئی۔ ڈی ایس پی بنارس خان کا کہنا ہے ایک اہلکار چوکی کے اندر جبکہ دوسرا باہر ڈیوٹی پر موجود تھا۔
کراچی : تشدد اور فائرنگ کے مختلف واقعات، 6 افراد جاں بحق
ای او بی آئی ازخود نوٹس کیس کی سماعت ،ایف آئی اے کو تحقیقات کا حکم
