ساہیوال (جیوڈیسک) ساہیوال کے نواحی گاوں میں ایک شخص نے ساتھیوں کے ہمراہ بھائی کے قتل اور گھوڑی پال زمین کے جھگڑے پر فائرنگ کرکے اپنے باپ اور 2 چچاوں کو قتل اور 2 کو زخمی کر دیا۔ پولیس کے مطابق گاوں 54 بارہ ایل میں کچھ عرصہ قبل پرانی دشمنی پر ملزم رضوان کا بھائی عرفان قتل ہو گیا تھا جس کے الزام میں ملزم کا باپ چچاوں سمیت 5 افرادجیل چلے گئے تھے۔
لیکن بعدازاں صلح کے نتیجے میں ملزمان بری ہو گئے۔ جس کا ملزم رضوان کو بہت رنج تھا اور اس نے گزشتہ رات گئے اپنے ساتھیوں کے ہمراہ فائرنگ کر کے اپنے باپ لیاقت اور 2 چچاوں شوکت اور اشفاق کو ہلاک اور ایک چچی سمیت 2 افراد کو زخمی کر دیا۔ پولیس نے مقدمہ درج کر کے تفتیش شروع کر دی۔
لاہور میں سسرالیوں نے بہو کو جلا ڈالا، مقدمہ درج
لندن : عمران فاروق قتل کیس، 20 سے زائد گھروں پر مشتمل جائیداد کی تحقیقات شروع
