ممبئی (جیوڈیسک) این جی ٹیبالی ووڈ کی ڈمپل گرل پریٹی زنٹا کی حال ہی میں ریلیز ہونے والی فلم عشق اِن پیرس مداحوں کو کچھ خاص متاثر نہیں کر سکی لیکن پریٹی نے اپنی فلم کی ناکامی کو دل پر نہیں لیا۔ تفصیلات کے مطابق پریٹی زنٹا 8 سال بعدسیف علی خان کے مدِمقابل اداکاری کے جوہر دِکھانے کیلئے تیار ہیں۔ سیف علی خان کی پروڈکشن میں بننے والی اس فلم کے ہدایتکار راج ندیمورو اور کرشنا ڈی کیز ہیں جبکہ اس فلم میں ہیرو کا کردار بھی سیف علی خان نبھا رہے ہیں۔
اس سے قبل یہ دونوں اداکار کیا کہنا ،کل ہو نہ ہو اور سلام نمستے میں بھی ایک ساتھ کام کر چکے ہیں۔ جب اس فلم کے بارے میں دونوں اداکاروں سے پوچھا گیا تو انہوں نے کہا کہ وہ بہت خوش ہیں کہ آٹھ سال بعد پھر سے ایک ساتھ کام کرینگے۔ ان کا کہنا تھا کہ وہ پر امید ہیں کہ یہ فلم بھی انکے مداہوں کو اتنی ہی پسند آئے گی جتنی ماضی میں پسند آئیں تھیں۔
لوک گلوکار الن فقیر کو مداحوں سے بچھڑے 13 برس بیت گئے
ہالی ووڈ سپر اسٹار ٹام کروز 51 ویں سال گرہ منارہے ہیں
