بالی ووڈ (جیوڈیسک) میں کم بیک کرنے والی سپر اسٹار مادھوری ڈکشٹ نے کہا ہیکہ چالیس سال سے زائد عمر والے اداکار بالی ووڈ پر چھائے ہوئے ہیں۔ انہوں نے کہا کہ میرے ساتھ کی ہیروئینز آج کل کچھ مایوس ہیں جو کہ اچھی بات نہیں۔
بالی ووڈ میں اداکاری کے ساتھ ساتھ ڈانس کی صلاحیتوں سے بھرپور، منفرد پہچان رکھنے والی دھک دھک گرل مادھوری ڈکشٹ آج بھی اپنے فیشن اور پروفیشن دونوں کیلئے پر عزم ہیں۔
مادھوری کا کہنا تھا کہ بالی ووڈ میں چالیس سال سے زائد عمر کے لوگوں کا کافی چرچا ہے اور تجربہ کاری کام آ رہی ہے۔ انکا کہنا تھا کہ شاہ رخ، عامر، سلمان، اکشے اور اجے دیوگن سارے ہی چار دہائیاں گزار چکے ہیں اور بہت اچھا کام کر رہے ہیں۔
ان کا کہنا تھا کہ جوہی چاولہ، کاجل اور سری دیوی بھی اچھا کام کر رہی ہیں مگر ہم اب ساتھ نہیں جسکا کافی دکھ ہے مادھوری نے اس خبر کی بھی تردید کردی کہ وہ سنجے لیلا بھنسالی کی نئی فلم رام لیلا میں نظر آئیں گی۔ انکا کہنا تھا کہ آئٹم نمبر کیلئے کسی نے رابطہ نہیں کیا۔
فلمی دنیا پر اب دیو ہیکل روبوٹس کا راج کریں گے
بالی ووڈ کی ایکشن فلم زنجیر کے ری میک کا ٹریلر ریلیز
