بالی ووڈ (جیوڈیسک) انداز غصیلہ، مزاج لڑاکا، تامل اداکار رام چرن کی بالی ووڈ فلم زنجیر کے ری میک میں دھماکے دار انٹری۔ تامل اداکار رام چرن غنڈوں کی دھنائی کرتے دکھائی دیں گے۔ ممبئی کی مشہور فلم زنجیر میں بالی وڈ لیجنڈ امیتابھ بچن اور جیابچن نے اداکاری کے جوہر دکھائے لیکن زنجیر کے ری میک میں شائقین، تامل اداکارہ رام چرن اور بالی حسینہ پریانکا چوپڑا کی جوڑی کو دیکھ سکیں گے۔
رام چرن نے ایک غصیلے اور لڑاکا پولیس افسر کا کردار نبھایا ہے اور اکثر خطرناک مناظر خود شوٹ کرائے ہیں۔ اس غصیلے پولیس افسر کو فلم میں اپنی زلفوں کا اسیر بنایا ہے بالی وڈ کی شوخ وچنچل اداکارہ پریانکا چوپڑا نے۔ بالی وڈ کھل نائیک سنجے دت بھی زنجیر کے ری میک میں جلوہ گرہوں گے۔ جرائم پیشہ افراد کی ٹھکائی کرنے والے ایک نڈر افسر کی کہانی پر بنی یہ فلم چھ ستمبر کو ریلیز ہو گی۔
چالیس سال سے زائد عمر کے لوگوں کا کافی چرچا ہے، مادھوری
سوناکشی اور رنویر سنگھ کی لٹیرا باکس آفس پر کامیاب
