ملائیشیا (جیوڈیسک) ورلڈ ہاکی لیگ میں پاکستان کو ایک اور شکست مل گئی۔ میزبان ملائیشیا سے ہار کر قومی ٹیم اب 7 ویں پوزیشن کا میچ کھیلے گی۔ ملائیشیا اور جاپان کے درمیان پانچویں پوزیشن کا مقابلہ ہو گا۔ جوہربارو میں جاری ہاکی ٹورنامنٹ میں ملائیشین ٹیم کو پاکستان کے خلاف فرسٹ ہاف تک دو ایک کی برتری حاصل ہوئی۔
قومی کھلاڑی شفقت رسول نے واحد گول اسکور کیا۔ دوسرے ہاف میں قومی ٹیم نے گول اسکور کرنے میں متعدد مواقع ضائع کیے۔ میزبان ملائیشیا نے شاندار کھیل پیش کیا اور گرین شرٹس پر تین ایک کی برتری قائم کی جو میچ کے آخر تک برقرار رہی۔
دوسری جانب جاپان اور جنوبی افریقہ کی ٹیموں کے درمیان سخت مقابلہ ہوا۔ میچ مقررہ وقت تک دو دو گول سے برابر رہا تاہم میچ کا فیصلہ شوٹ آٹس پر ہوا جس میں جاپان نے ایک صفر سے فتح اپنے نام کی۔
ہاکی ورلڈ لیگ میں پاکستان کو ملائیشیا نے بھی ہرا دیا
ہاکی ورلڈ لیگ میں شکست، پاکستان ٹیم مینجمنٹ میں تبدیلیاں متوقع
