ڈنگہ کی خبریں 6.7.2013
Posted on July 7, 2013 By Geo Urdu سٹی نیوز
ڈنگہ :گجرات میں سیکرٹری آر ٹی اے معہ ڈی ایس پی ٹریف، موٹرو ہیکلز ایگزامینر اور ایم ایم پی آئی کی سیٹس عرصہ دراز سے خالی پڑی ہیں
ڈنگہ(محمد بلال احمد بٹ)گجرات میں سیکرٹری آر ٹی اے معہ ڈی ایس پی ٹریف، موٹرو ہیکلز ایگزامینر اور ایم ایم پی آئی کی سیٹس عرصہ دراز سے خالی پڑی ہیں،مسلم لیگ ن کے برسراقتدار آتے ہی ٹرانسپورٹرز کی ضلع گجرات میں بادشاہی قائم ہو گئی،عرصہ دراز سے خالی پڑی سیٹس کے باعث ٹرانسپورٹرز کو من مانے کرائیے وصول کرنے سے روکنے والا RTA سیکرٹری موجود ہی نہیں،موتر وہیکلز ایگزامینر چکڑا گاڑیوں کو روکنے والے کی سیٹ خالی پڑی ہے اوورلوڈنگ سے روکنے والا ڈی ایس پی ٹریفک ابھی تک ملا ہی نہیں ان سیٹ کو خالی رکھنے کا فائدہ کس کو ہے ان کے پر ہونے سے نقصان کس کا ہو گا،نہ جانے کس وسیع تر مفاد کے پیش نظر عوام عوام کی سہولت کے لیے بنائے گئے محکموں کے ضلع سربراہان نہیں بٹھائے جا رہے عوام کی مختلف رائے اور چبھتے سوالات کی بھر مار۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: وزیراعظم نواز شریف نے انرجی پالیسی کا اعلان کر کے قوم کو خوشخبری سنا دی ،چوہدری جعفر اقبال ایم این اے
ڈنگہ(محمد بلال احمد بٹ)پاکستان مسلم لیگ ن کے منتخب ایم این اے چوہدری جعفر اقبال نے اپنے بیان میں کہا کہ وزیراعظم نواز شریف نے انرجی پالیسی کا اعلان کر کے قوم کو خوشخبری سنا دی ہے لوڈشیڈنگ کے خاتمے کیلئے حکومت کی طرف سے بجلی کی پیداوار پندرہ سو میگا وارٹ فوری بڑھانے کا علان عوامی امنگوں کی ترجمان ہے،میاں نواز شریف شہباز شریف کی قیادت میں پنجاب اور پاکستان میں خوب ترقی ہوگی ہماری قیادت18کروڑ عوام کے دلوں کی دھڑکن ہے ان خیالات کا اظہار انہوں نے ڈیرے پر عوام سے گفتگوکرتے ہوئے کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : تحریک انصاف یو سی 108 کا اہم اجلاس عثمان بشیر بٹ کی رہائش گاہ محلہ رام باغ میں انعقاد پذیر ہوا
ڈنگہ(محمد بلال احمد بٹ) تحریک انصاف یو سی 108 کا اہم اجلاس عثمان بشیر بٹ کی رہائش گاہ محلہ رام باغ میں انعقاد پذیر ہوا،جس میں اجلاس کے شرکاء نے تنظیمی دائرہ کار وسیع کرنے اور عوام کو درپیش مشکلات کے ازالہ کیلئے جدوجہد کو جاری رکھنے کا عزم نو کیا،الیکشن کے بعد پیدا ہونے والی صورتحال کا جائزہ لینے کیلئے عملی جدوجہد کامشترکہ فیصلہ کیا گیا اجلاس میں تحریک انصاف کے کارکنان سمیت میاں مبین حیات ،میاں اسد ممتاز،رزاق حیدری،نوید تاس،مہر عامر،وقاص لیاقت مغل،،عمر بشیر بٹ،تجمل حیات مکڑ سمیت اہم شخصیات نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :سعودی عرب نے پاکستانی زائرین کیلئے جمعرات سے عمرہ ویزہ کا اجراء شروع کر دیا ہے
ڈنگہ(محمد بلال احمد بٹ)سعودی عرب نے پاکستانی زائرین کیلئے جمعرات سے عمرہ ویزہ کا اجراء شروع کر دیا ہے،اس سے قبل پاکستانی زائرین کے لیے ویزہ بند تھا اور اب سخت شرائط عائد کر کے ویزے کا اجراء شروع کر دیا ہے نئی پالیسی کے تحت ویزہ لگنے کے بعد کسی بھی شخص کو چودہ دن کے اندر اندر حجاج مقدس کا سفر کرنا ہوگا، جبکہ اس تاریخ میں تاخیر کے باعث عمر ہ ویزہ ختم ہو جائے گا،ذرائع کے مطابق ان دنوں سعودی سفارتخانے نے پاکستانی زائرین کیلئے عمرہ ویزے بند کئے ہوئے تھے زرائع نے بتایا کہ نئی پالیسی سے قبل عمرہ ویزہ لگنے کے بعد ایک ماہ کے اندر اند ر سفر کیا جا سکتا تھا تاہم چالیس سال سے کم عمر کے افراد کیلئے ویزہ ابھی بھی بند ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :نوسربازوں نے بے نظیر انکم سپورٹ پروگرام اور مختلف کمپنیوں کے نام پر عوام کو لوٹنا شروع کر دیا ہے
ڈنگہ(محمد بلال احمد بٹ)نوسربازوں نے بے نظیر انکم سپورٹ پروگرام اور مختلف کمپنیوں کے نام پر عوام کو لوٹنا شروع کر دیا ہے کئی روز سے شہریوں کو مختلف نمبرز سے کالز اور مسیج موصول ہو رہے ہیں کہ بے نظیر انکم سپورٹ پروگرام کے تحت آپ کا تیس ہزار روپے کا فنڈ منظور کر لیا گیا ہے اور ان نمبروں پر رابطہ کر کے آپ اپنی رقم وصول کرلیں،لڑکے اور لڑکیاں فون پر بات کرکے لوگوں کو مطمن کرتے ہیں کہ آپ کی یہ رقم موبال نمبرز کے ذریعے منظور ہوئی ہیاور ہم نے ہی آپ کا نمبر رجسٹرڈ کروایا تھا لہذا اس نمبرز پر7000روپے ایزی پیسہ کروا دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:پیٹرولیم مصنوعات میں اضافہ اور موبائل پر ٹیکس لگانا غریب عوام پر ظلم کے پہاڑ گرانے کے مترادف ہے،چوہدری شرافت حسین ایڈووکیٹ
ڈنگہ(محمد بلال احمد بٹ)پاکستان تحریک انصاف کے ضلعی جنرل سیکرٹری چوہدری شرافت حسین ایڈووکیٹ نے صحافیوں کی ٹیم سے گفتگو کرتے ہوئے کہا کہ پیٹرولیم مصنوعات میں اضافہ اور موبائل پر ٹیکس لگانا غریب عوام پر ظلم کے پہاڑ گرانے کے مترادف ہے،مہنگائی کو کنٹرول کرنے اور پاکستن کی قوم کو خیالی جنت کے خواب دکھانے والی ن لیگ نے ثابت کر دیا ہے کہ وہ جھوٹ کے سہارے حکومت میں آئے ہیں،رمضان شریف سے قبل ہی اشیاء خوردونوش کی قیمتوں میں اضافہ عوام پر ظلم ڈھائے جانے کے مترادف ہے اور لگتا ہے کہ ن لیگ کی حکومت عوام کو لنگوٹ میں عید کروائے گی عوام پر ہونے والے مظالم کو تحریک انصاف کبھی بھی خاموش سے برداشت نہیں کرے گی،عوامی حقوق کی جنگ جاری رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : دہشت گرد مسلمان تو کیا انسان کہلوانے کے بھی مستحق نہیں،پیر میاں غفار حسین
ڈنگہ(محمد بلال احمد بٹ)ڈنگہ کی ممتاز روحانی و مذہبی شخصیت پیر میاں غفار حسین نے اپنے بیان میں کہا ہے کہ دہشت گرد مسلمان تو کیا انسان کہلوانے کے بھی مستحق نہیں،ملک و قوم کے دشمن افراد جان بوجھ کر پاکستان میں افراتفری پھیلاکر مذموم مقاصد کی تکمیل میں لگے ہوئے ہیں جو کہ قابل مذمت ہے حکومت پاکستان کو عام آدمی کے حالات زندگی کو بہتر بنانا ہو گا تاکہ مذہبی طور پر گمراہ کئے جانے والے افراد غربت سے تنگ آکر دہشت گردوں کے آلہ کار نہ بنیں اور مزید ملک دشمن نہ پید اہوں اگر حکومت نے حقیقی مسائل سے منہ موڑے رکھا تو بہت جلد ملک انارکی میں چلا جاے گا،اور عوام سخت عذاب میں مبتلا ہو جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : دہشت گردوں نے ہر طرف آگ و خون کا بازار گرم کر رکھا ہے،حاجی اقبال منج
ڈنگہ(محمد بلال احمد بٹ)منج پراپرٹی ایڈوائزر کے سربراہ حاجی اقبال منج نے اپنے بیان میں کہا ہے کہ دہشت گردوں نے ہر طرف آگ و خون کا بازار گرم کر رکھا ہے حکومت بے بس نظر آرہی ہے دلکش دلفریب نعروں سے برسراقتدار آنے والے حکمرانوں نے عوامی مسائل کو پس پشت ڈال دیا ہوا ہے،بجلی اور پیٹرولیم کی مصنوعات کی قیمتوں میں اضافے نے مہنگائی اور بے روزگاری کے ایک نئے طوفان کو جنم دیا ہ ن لیگ کی حکومت نے پہلے دنوں میں ہی عوام کے مسائل کے سامنے گھٹنے ٹیک دیئے حکومتی اہلکار صرف اور صرف فائدے اٹھانے اور عوام کے جیبوں پر ڈاکے ڈالنے میں مصروف نظر آرہے ہیں،دلکش دلفریب نعروں سے برسرقتدار آنے والے حکمران اللوں تللوں میں مصروف ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : حکومت غریب کش پالیسیاں بنا کر عوامی غیض و غضب کو دعوت نہ دے،اویس افضل وریام
ڈنگہ(محمد بلال احمد بٹ)نوجوان محاذ پاکستان کے جنرل سیکرٹری اویس افضل وریام نے اپنے بیان میں کہا ہے کہ حکومت غریب کش پالیسیاں بنا کر عوامی غیض و غضب کو دعوت نہ دے،ناجائز اور بھاری ٹیکس کو جگا ٹیکس یا بھتہ وصول کی شکل دے حکومت وقت مزدور اور کسان کے منہ سے نوالہ چھیننے کی کوشش کر رہی ہے،اگر حکومت پاکستان نے عوام کو ریلیف نہ دیا تو شاہراہ دستور کو تحریک اسکوائر بنتے ہوئے دیر نہیں لگے گی،مسلم لیگ ن حکومتی پالیسیوں پر نظر ثانی کرتے ہوئے پاکستان کے لوگوں کو عذابوں میں دھکیلنے سے باز آجائے کسی بھی وقت قوم کے صبر کا پیمانہ لبریز ہو سکتا اورکستان دشمن پالیسیوں سے بھی باز آئے اور قوم کو ریلیف دے،حکومت پنجاب امن و امان کی صورتحال کو بہتر بنانے کیلئے سفارش اور رشوت کلچر کا خاتمہ کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ میں اوپر تلے پیش آنے والے حادثات نے دیہاڑی دار مزدوروں اور انکے اہل خانہ کو سخت تشویش میں مبتلا کر دیا ہے
ڈنگہ(محمد بلال احمد بٹ)ڈنگہ میں اوپر تلے پیش آنے والے حادثات نے دیہاڑی دار مزدوروں اور انکے اہل خانہ کو سخت تشویش میں مبتلا کر دیا ہے، کسی سیاسی فلاحی اور مزدور یونین کے فعال نہ ہونے کی وجہ سے سیفٹی ایکٹ پر عمل درآمد کو یقینی نہیں بنایا جا سکا، اہل خانہ کا پیٹ بھرنے کی فکر لیے آنے والے دیہاڑی دار مزدور حادثات کا شکار ہو گئے، مظفر آباد کا رہائشی گورنمنٹ الیمنٹری سکول میں اپنی مدد آپ کے تحت تعمیر ہونے والے کمرہ کی تعمیر کے دوران گرکر زندگی کی بازی ہار گیا،جبکہ ایم این اے چوہدری جعفر اقبال کے ڈیرے پر بچوں کے پیٹ بھرنے کی خاطر آیا مزدور ملبہ گرنے سے شدید زخمی ہو گیا سیفٹی ایکٹ پر عمل نہ کیا گیا تو مزدورں کوایسے حادثات سے نہیں بچایا جاسکتا۔
