کراچی میں فائرنگ اور پرتشدد واقعات میں ایک شخص جاں بحق اور دو زخمی ہوگئے۔ شہر کے بعض علاقوں میں کشیدگی برقرار ہے۔
پولیس حکام کیمطابق ماڑی پور مشرف کالونی سے ایک شخص کی لاش ملی ہے۔ جسے تشدد کے بعد گولیاں مار کرقتل کیا گیا تھا لاش کو ضابطے کی کاروائی کیلئے اسپتال منتقل کیا گیا تاحال مقتول کی شناخت نہیں ہوسکی۔
کلفٹن کی نیلم کالونی میں منشیات فروشوں کے درمیان فائرنگ کے تبادلے میں راہگیر زخمی ہوگیا۔ تھانہ نیوکراچی کی حدود میں ڈاکووں نے شہری کو تشدد کا نشانہ بنایا اور نقدی موبائل فون چھین کرفرار ہوگئے۔
گذشتہ روز بھی شہر کے مختلف علاقوں میں فائرنگ اور پرتشدد واقعات جاری رہے۔ جسکے نتیجے میں سیاسی کارکنان اور پولیس افسر سمیت 16افراد لقمہ اجل بنے تھے۔ سیاسی کارکنان کی ہلاکت کے بعد منگل کے روز بھی نیوکراچی اور اورنگی ٹاون کے بعض علاقوں میں کشیدگی برقرار ہے اور ان علاقوں میں پولیس اور رینجرز کی نفری کو تعینات کیا گیا ہے۔
چین توانائی میں پاکستان سے تعاون کرے گا، شہباز شریف
مظفر گڑھ : پولیس مقابلہ 2 ڈاکو ہلاک، سب انسپکٹراور کانسٹیبل زخمی
