پاکستان افغانستان جائنٹ چیمبر آف کامرس اینڈ انڈسٹری کے صدر محمد زبیر موتی والا نے افغان ٹرانزٹ ٹریڈ کے کاروبار سے وابستہ کسٹمز کلیئرنگ فارورڈنگ اور بارڈرز ایجنٹس کونیٹو فورسز کنٹینرز سکینڈل میں ملوث کرنے اورانہیں نیب اور کسٹمز ہاس کراچی کی جانب سے شوکاز نوٹسزکے اجرا پرسخت تشویش کا اظہار کیا ہے اوروفاقی وزارت تجارت ایف بی آر وفاقی ٹیکس محتسب نیب اور دیگر متعلقہ اداروں سے اس اقدام کا فوری نوٹس لینے اور اس معاملے کو بہتر انداز میں حل کرنے کا مطالبہ کیا ہے،
گذشتہ روز کراچی کسٹمز ایجنٹس ایسوسی ایشن کے صدر سیف اللہ خان سے بات چیت کرتے ہوئے کہا کہ کراچی چیمبر آف کامرس اینڈ انڈسٹری کے صدر ہارون اگر نے پاک افغان جائنٹ چیمبرکی طرز پر ڈائریکٹر جنرل نیب سندھ واجد علی درانی کو اس حوالے سے ایک خط بھی لکھا ہے اور اس معاملے کو فوری طور پر حل کرنے پر زور دیا ہے۔
زبیر موتی والا نے کلیئرنگ فارورڈنگ اور بارڈرز ایجنٹس کو ہراساں کرنے پر تشویش کا اظہار کیا اور کہا کہ انہیں شوکاز نوٹسز کے اجرا سے ہزاروں ایجنٹس اور ان کے خاندان متاثر ہو رہے ہیں، زبیر موتی والا نے دونوں ممالک کی بزنس کمیونٹی کو اس حوالے سے آن بورڈ لینے کا مطالبہ کیا اور کہا کہ پاک افغان جائنٹ چیمبر کے پلیٹ فارم سے بزنس کمیونٹی کو سہولیات فراہم کی جائیں گی۔
پاکستان میں گندم کے ذخائر کی صورتحال اطمینان بخش نہیں
ہنڈرڈ انڈیکس پہلی مرتبہ تیئس ہزار پوائنٹس کی سطح عبور کر گیا
