بھبر کی خبریں 10.07.2013
Posted on July 11, 2013 By Geo Urdu سٹی نیوز
بلدیہ بھمبر کے زیرنگرانی شہر بھر کے مختلف گندلے نالوں نالیوں اور روڈوں کی صفائی کا کام شروع کر دیا گیا
بھمبر (جی پی آئی) بلدیہ بھمبر کے زیرنگرانی شہر بھر کے مختلف گندلے نالوں نالیوں اور روڈوں کی صفائی کا کام شروع کر دیا گیا ہیوی ڈیوٹی وہیکل کے زریعے نالوں میں موجود گندگی کو نکا لاجا رہا ہے ان خیالات کا اظہا رایڈ منسٹریٹر بلدیہ چوہدری ولید اشرف نے اپنے آفس میں صحافیوں سے گفتگو کرتے ہوئے کیا انہوں نے کہا کہ گزشتہ کئی دنوں سے مون سون کی بارشوں کا سلسلہ متواتر جاری ہے جس کے باعث بھمبر کے گندے نالوں نالیوں میں گند گی جمع ہو گئی ہے جس کی وجہ سے روڈوں اور دوکانوں میں داخل ہو جاتا ہے اس میں تمام بلدیہ اہلکا روں کو ہدایت کر دی ہے کہ بارش کے دوران تمام صورتحال پر نظر رکھی جائے تا کہ کوئی بڑا واقع رونمانہ ہوہم نے ہیوی ڈیوٹی وہیکل کے زریعے ان نالوں کی صفائی کی جارہی ہے اور لیبر کو ہدایت جاری کر دی ہے کہ لوڈ سلائڈنگ کی وجہ سے سڑکوں پر جو کیچڑ اکٹھا ہو اہے انہیں فوری طورپر ہٹا کر عوام کے لئے راستے ہموار کئے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر شہر کی تعمیر وتر قی میں ایڈمنسٹریٹر بلدیہ چوہدری ولید اشرف کا کرادار قابل تحسین ہے : راجہ نثار احمد
بھمبر (جی پی آئی) بھمبر شہر کی سماجی شخصیت را جہ نثار احمد نے کہا کہ بھمبر شہر کی تعمیر وتر قی میں ایڈمنسٹریٹر بلدیہ چوہدری ولید اشرف کا کرادار قابل تحسین ہے انہوں نے اپنی انفرادیت کا لوہا منوالیا ہے ان خیالات کا اظہار نے صحافیوں سے گفتگو کر تے ہوئے کیا انہوں نے کہا ایڈمنسٹریٹر بلدیہ بھمبر نے شہر کی خوبصورت بنانے کے لئے جو کام کئے ان کی شبا نہ روز محنت کا نتیجہ ہے آج ان کی کار گزاری کو سراہا جارہا ہے معاشی کساد بازاری کے باوجود سابقہ ادوار سے بھی بازی لے گئے اس سے ان کی عزت افزائی ہوئی ہے ان کی بہترین حکمت عملی کا نتیجہ ہے کہ بھمبر شہر کی بلدیہ میں پہلی بار ایڈور ٹائزنگ کا ٹینڈر 9 لاکھ روپے میں ہوا جس سے بلدیہ کی آمدن میں اضافہ ہوا ہے باصلاحیت ایڈمنسٹریٹر بلدیہ چوہدری ولید اشرف مبارک باد کے مستحق ہیں راجہ نثار احمد خان نے حکومت آزاد کشمیر سے مطالبہ کیا کہ ایڈمنسٹریٹر بلدیہ چوہدری ولید اشرف کو فری ہینڈ دیا جائے اور بھمبر شہر کو خوبصورت بنانے کے ان کے پلان کے مطابق فنڈز فراہم کئے جائیں تا کہ بھمبر شہر میں تعمیر و ترقی کے منصوبہ جات کی تکمیل ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر آفتاب میر نہایت ایماندار، محنتی اور باصلاحیت ڈاکٹرہیں : ڈاکٹر محبوب احمد
بھمبر(جی پی آئی) ڈاکٹرآفتاب میر نہایت ایماندار، محنتی اور باصلاحیت ڈاکٹرہیں انکی قیادت میں پاکستان پیرا میڈیکل ایسوسی ایشن آزادکشمیر زیادہ بہتر انداز میں ڈاکٹرزکے مسائل حل کرنے میں کامیاب ہونگے ان خیالات کا اظہار پاکستان میڈیکل ایسوسی ایشن پاکستان کے صدر ضلع بھمبر ڈاکٹر محبوب احمد نے کیا انہوں نے کہا کہ ڈاکٹر آفتاب میر کو صدر ہونے پر مبارک باد پیش کرتے ہوئے کہاکہ ہم امید کرتے ہیں کہ ڈاکٹر آفتاب میر اور انکی پوری ٹیم ڈاکٹرز کے مسائل کرنے میں اپنی تمام تر صلاحتیں بروئے کار لائیں گے ڈاکٹرز کو درپیش مسائل کو اعلیٰ سطح پر اجاگر کر کے انکے مسائل کاازالہ کروائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شاہین یوتھ فورس سیرلہ کے عہدیداران کا اعلان کر دیا گیا
بھمبر(جی پی آئی) شاہین یوتھ فورس سیرلہ کے عہدیداران کا اعلان کر دیا گیا راجہ خالق گڈو صدر جبکہ راجہ مظہر اقبال بلوجنرل سیکرٹری منتخب تفصیلات کیمطابق گزشتہ روز شاہین یوتھ فورس سیرلہ کی تنظیم سازی مکمل کر لی گئی جس کے مطابق راجہ خالق گڈو صدر، مرزا عدنان مشتاق نائب صدر، راجہ مظہر اقبال بلو جنرل سیکرٹری، جوائنٹ سیکرٹری راجہ آفتا ب مٹھو ،سیکرٹری نشرواشاعت رومان رضا جبکہ سیکرٹری اطلاعات فرقان حیدرکو منتخب کر لیا گیا سیکرٹری نشرواشاعت شاہین یوتھ فورس رومان رضا کے مطابق فورس کا مقصد سیرلہ کے مسائل کو اجاگر کرکے حکومتی ایوانوں تک پہنچانا ہے نوجوانوں کو مثبت سرگرمیوں کی طرف راغب کرنا ہے انہوںنے کہاکہ چونکہ سیرلہ بلدیہ کی حدود میں آتاہے اور بلدیہ ٹیکس دینے کے باوجودا سے بلدیہ کے حقوق سے محروم رکھا جا رہا ہے جو کہ سراسر ناانصافی ہے اور انتظامیہ سب کچھ جانتے ہوئے بھی آنکھیں بند کیے ہوئے ہے اور سیرلہ کیساتھ سوتیلی ماں جیسا سلوک روا رکھا جا رہاہے جو کسی صورت قابل قبول نہ ہے رومان رضا نے کہاکہ ہم قانون کااحترام کرنے والے پرامن لوگ ہیں اور اپنے جائز حقوق کا تحفظ کرنا ہمارا حق ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع بھمبرمیں پیپلزپارٹی کی پوزیشن مزید کمزور ہونے کا خدشہ
بھمبر(جی پی آئی) پیپلزپارٹی ضلع بھمبر کی مرکزی قیادت اور حکومت آذادکشمیر کی ضلع بھمبرمیں PYO اور PSFکے نظریاتی عہدیدارا ن اور کارکنان کی حق تلفی کے باعث PYOاور PSFکا پارٹی راہنماؤں پر عدم اعتماد PYOاور PSFکے نوجوانوں کے دوسری جماعتوں سے رابطے ضلع بھمبرمیں پیپلزپارٹی کی پوزیشن مزید کمزور ہونے کا خدشہ تفصیلات کیمطابق PYOاور PSFکے نوجوانوں کا گزشتہ روز ایک مشترکہ اجلاس ہو اجس میں یوتھ اور PSFکے نوجوانوں نے پیپلزپارٹی کی قیادت پر عدم اعتماد کر دیا اس موقع پر PYOکے مرکزی ممبر عمر ریاض ساگر اور PSFکے ضلعی صدر بشارت رضا اور PYO کے سٹی صدر عدیل قربان نے صحافیوں کو بتایا کہ پیپلزپارٹی ضلع بھمبر کی قیادت نوجوانوں کا استحصال کررہی ہے ضلع کی سیاسی قیادت اور حکومت کے نمائندہ صرف عہدوں تک محدود ہیں کارکنوںکو درپیش مسائل کے حل کیلئے پارٹی قیادت اور آزاد حکومت کے پاس کوئی پروگرام نہ ہے پارٹی راہنما پارٹی پالیسی سے ہٹ کر نوجوانوں کو ذاتی مقاصد کیلئے استعمال کررہی ہے اگر ایسی صورتحال رہی تو بہت سے نوجوان حکومت کی ناقص اور ذاتی مفادات پر مبنی پالیسی بدل کر دوسری جماعتوں کی طرف رخ کر دینگے اس موقع پر ضلعی صدر PYO یوتھ صابر حسین تحصیل جنرل سیکرٹری محسن حسین، قمر ریاض،سٹی جنرل سیکرٹری محسن علی، نائب صدر یوتھ عبدالرحمن نذر ،PSF کے نائب صدر شیخ شوکت ،وسیم علی، راجہ زین ،چوہدری اویس، چوہدری بابر علی بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق سپیکر اسمبلی چوہدری انوار الحق برطانیہ کا کامیاب دورے سے واپس وطن لوٹ آئے
بھمبر(جی پی آئی) سابق سپیکر اسمبلی چوہدری انوار الحق برطانیہ کا کامیاب دورے سے واپس وطن لوٹ آئے جن کا استقبال چوہدری یوسف آف درائیاں کی قیادت میں بڑے جلوس نے اسلام آباد ایئرپورٹ پر کیا تفصیلات کیمطابق سابق سپیکر اسمبلی چوہدری انوار الحق نجی دورے پر برطانیہ گئے ہوئے تھے جوکہ اپنے کامیاب دورے کے بعد گزشتہ روز واپس وطن لوٹ آئے جن کا استقبال چوہدری محمد یوسف آف درائیاں ،چوہدری سلیمان درائیاں اور کثیر تعداد میں کارکنوں نے اسلام آباد ایئرپورٹ پرکیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر پریس کلب بھمبر کا شکریہ ادا کرتا ہوں جنہوں نے ہر جگہ اور مشکل میں میرا ساتھ دیا :چوہدری فضل الرحمن
بھمبر (جی پی آئی) کشمیر پریس کلب بھمبر کے تمام ساتھیوں کا شکر یہ ادا کر تاہوں جنہوں نے ہر جگہ اور مشکل میں میرا ساتھ دیا ان خیالات کا اظہا رسینئر صحافی چوہدری فضل الرحمن نے کیا انہوں نے کہا کہ میری بیماری میں کشمیر پریس کلب کے صحافیوں نے اپنی بساط کے مطابق میری مالی امداد کی اور مجھ سے باقاعدہ رابطہ رکھا جس پر میں ان کا شکریہ ادا کرتا ہوں۔
