کراچی (جیوڈیسک) کراچی میں ایم اے جناح روڈ پر عیدگاہ اسٹاپ کے قریب مسلح موٹر سائیکل سوار ملزمان نے ایک گاڑی پر فائرنگ کر دی، جس کے نتیجے میں ایک شخص شدید زخمی ہوگیا۔ پولیس کے مطابق ایم اے جناح روڈ پر عالم شاہ بخاری بابا کے مزار کے سامنے گھات لگا کر کھڑے ہوئے موٹر سائیکل سوار ملزمان نے گاڑی پر فائرنگ کردی۔
جس کے نتیجے میں گاڑی میں سوار 40 سالہ محمد صدیق زخمی ہوگیا، جو خود ہمت کرکے گاڑی چلاتے ہوئے سول ھسپتال پہنچا، جہاں سے ایمبولینس کے ذریعے آغا خان ھسپتال منتقل کردیا گیا ہے۔
پاکستان میں سعودی عرب کے سفیر کی وزیراعظم نواز شریف سے ملاقات
رمضان المبارک میں لوڈشیڈنگ نہ کرنے کے حکومتی دعوے دھرے رہ گئے
