روجھان (جیوڈیسک) روجھان میں چھ روز گزرجانے کے باجود چھوٹو گینگ اور8 مغوی پولیس اہلکاروں کا کوئی سراغ نہیں مل سکا۔ انہیں زمین نگل گئی یا آسمان کھا گیا۔ ضلع راجن پور کے علاقے روجھان کے کچے کے علاقے کچا کراچی، کچا عمرانی اور کچا جمال میں 4 اضلاع کی پولیس سیکڑوں اہلکاروں، بکتر بند گاڑیوں، دوربینوں اور ہیلی کاپٹروں کے ساتھ کئی دن سے ڈاکوں اور 8 مغوی پولیس اہلکاروں کی تلاش میں ہے لیکن ایڑھی چوٹی کا زور لگانے کے باوجود چھوٹو گینگ اور مغوی اہلکاورں تک نہ پہنچ سکی۔
پولیس حکام نے کشمور سے روجھان تک انڈس ہائی وے کو سیل کیا۔ تمام گاڑیوں کی چیکنگ کی گئی ہیلی کاپٹروں سے بھی نگرانی ہوتی ر ہی۔ لیکن یہ پتا نہ چل سکا کہ ڈاکوں کو زمین نگل گئی یا آسمان کھا گیا۔
ذرائع کا کہنا ہیکہ چھوٹو گینگ مغوی اہلکاروں کو لیشاہ ولی یا چکر بور میں چھپا ہوا ہے یا سندھ کے علاقے میں روپوش ہوگیا ہے۔ پولیس ذرائع کے مطابق اب بڑے آپریشن کی تیاری ہو رہی ہے۔ جس کے لئے سندھ پولیس کی مدد بھی لی جائے گی۔
ججز نظر بندی کیس : استغاثہ کے گواہ 20 جولائی کو دوبارہ طلب
کراچی : پولیس مقابلے میں ایک ڈاکو ہلاک دوسرا گرفتار
